Kuyele moshilonga shaMumwatate Branham osha yela kutya omukalo woukwaongalo owa tungwa okuxumifa komesho omahangano oukwamhepo, ndele ha Evaengeli loshili. Mumwatate Branham okwa itavela Ombibeli Ondjovo kOndjovo, ndele ihe lipopile, nokuli nge oshi li a tongolwa kovanailonga pamwe naye, ookaume, ile ovakwapata.
Fimbo natango a li oshilyo shOngeleka Patumo Obaptiste, okwa li a lombwelwa okunangeka moshilonga omuhongi omukainhu. Ndele nee, ye oku shii Omishangwa adishe nawa unene. I Timoteus 2:12 shayela ta ti, “Ame itandi shi itavele omukainhu a ninge omulongindjovo, ile a pangele omulumenhu, ndele ne lilonge okukala a mwena,” ndele I Ovakorinto 14:34 otava ti, “Ovakainhu veni nava mwene meengeleka: osheshi ova shilikwa okupopya…” Eshi kasha li omhinge novakainhu, Ombibeli oya li ilaula noitoka moshilongwa. Eshi eaneko la yandjwa, ye ina dula okulipopila onghee ye okwa fiya po ongeleka.
Oo ka wa li auke Omushangwa oo we lidimbikwa filufilu komaukwaongalo. Omwene okwa holola oshili keshasho kuMumwatate Branham. Nhumbi Jesus a lombwela, “Indeni hano, nokulonga oiwana aishe, va shasheleni medina laXe, nolOmona, nolOmhepo Iyapuki,” tuu keshe eshasho la didilikwa mOmbibeli ola li mEdina laJesus? Omuyapostoli Petrus okwa lombwela mOilonga Yovayapostoli 2:38 oku lidilulula nokushashelwa mEdina laJesus Kristus. Omishangwa oda longa moukumwe wa wana, ashike otashi kufa omuxunganeki okuholola oshiholekwa eshi: “Xe” kali fi edina, “Omona” kali fi edina, “nOmhepo Iyapuki” kali fi edina. Ngaashi ashike omulumenhu umwe oye xe yokaana kaye, omonamati wovadali vaye, nomumwaxe wovamwaina vaye, natango edina laye kali fi “xe,” “omona,” ile “omumwaxe.” Xe, Omona, nOmhepo Iyapuki oyo oyuufanifwa yEdina laJesus Kristus. Mateus 28:19 nOilonga Yovapostoli 2:38 oye uya melandulafano la wana.
Nokuli oulunde wopetameko mOshikunino shaEden owa hololwa, ha ngaashi okulya oshiimati, ashike shimwe shidule elik watopomutima. Ongahelipi okulya oshipambu shoshiimati divadiva sha holola kuAdam naEva kutya ova li hamunghele? Paupu inashi ukila ko. Ehapela oli na shike nouhamhunghele? Omuxunganeki waKalunga okwa holola shayela oshiholekwa eshi.
Ovaengeli oolyelye va popiwa mEhololo ekapiteli 2 ne 3? Omadina avo otaa kwelengedja elifa.
Oolyelye oukwashiholekwa omulondi wonghambe yEhololo ekapiteli 6? Ove na oshinima shafimana moukumwe.
Omapangelo Ahangana okwa tumbulwa mEmbo lEhololo?
Oolyelye 144,000 va xupifwa mekapiteli 7?
Olyelye ombwada inene yekapiteli 17? Oukwatya waye noiholekwa aishe oya hololwa mEtumwalaka lomuxunganeki omunaenghono a tumwa kuKalunga.
Ha oikumifilonga ihefi kuvalulwa aike ya shikula omulumenhu ou, ashike iholekwa ya holekwa mOmbibeli momafimbo mido oya hololwa yo moshilonga shaye. Osha yela kutya omuxunganeki ou okwa wanifa po Omishangwa dihapu didule Malakia 4.
Ehololo 10:7: Ndelenee momafiku ewi lomwengeli omutiheyali, ngeenge ta ka hovela ku shika, oshiholekwa shaKalunga otashi ka wanifwa, ngaashi ye e shi shiivifila ovapiya vaye ovaxunganeki.
Ewi otali ingida kounyuni u dje moukwaongalo nokushuna kOndjovo yopetameko yaKalunga. Keshe umwe womufye oku na omhito oyo Petrus, Jakob, naJohannes ve na. Otu na omhito okukala okuvalulwa novahoololwa vashona vaKalunga ovo inave linyongamena omahangano oukwaongalo wonena.
Omushangwa Uyapuki owa didilika eemwenyo noilonga yovanhu ovo va enda pamwe naKalunga nova li va vaekwa unene nOmhepo Yaye opo va shiivifile OMWENE OSHO TA TI, noitya yavo oya kolekwa komadidili ihaa dopa noikumifi. Ova li ovaxunganeki vaKalunga, nEwi laKalunga kepupi lavo.
Omafimbo okwa yooloka paife shidule eshi a li Jesus a li oku? Osha li ovaleli vopamhepo ovo ve Mu valela. Ovalongwa ova li vashona mouhapu mokati komukalo muhapu woukwamhepo. Ova tongolwa, va shekwa, nokuli va dipawa mokukufa efikamo omhinge omukalo kungulukimunene woukwaongalo. Oha tu dulu tu ha dipawe molwa omaitavelo etu nena, ashike ohatu hepekwa shili. Ngaashi Ovafarisai nOvasadukai, itava dulu okulikala oikumifilonga oyo ya shikula oshilonga shaMumwatate Branham onghee ove lilongekidila komaponokelo makwawo. Oto dulu ku uda kutya ye okwa li omuxunganeki omunaipupulu, omuleli weitavelo, ile mwii. Moushili, ye okwa li omulumenhu omulininipiki waKalunga ou a fikama a pama omhinge ekondololo okuhakanghama oko omaukwaongalo nomaitavelo e na kombada yovanhu vaKalunga. Ova ponokela Jesus momukalo welifa eshi Ye a fikama omhinge omaitavelelo avo neenghulunghedi.
Kalunga okwa fimaneka ehalo laMumwatate Branham okuitavela keshe Ondjovo mOmbibeli, ndele Ye okwa longifa oshilonga shaye okuwilika eemwenyo omamiliona kuJesus Kristus. Nena, Ewi lOmwengeli Omutiheyali otali ingida mokule ngaashi La kala nale. Hanga ovanhu eemiliona mbali ounyuniaushe ova itavela Etumwalaka laMumwatate Branham. Eshi otashi dulu ku kala shishona mouhapu weebiliona mbali odo tadi li ti Oukriste, ashike openi ovanhu vaKalunga vaha li vashona?
Otu na shidulife 1,200 omaudifo a kwatwa e na Ewi olo la xunganekwa okuuya mEhololo 10:7. Keshe lomaudifo oo ola patulula oiholekwa yaKalunga. Ewi olo olilipo kuove nge owa hala oku Li uda.
EHOOLOLO OLOYE
Kape na omhito imwe nda eta etumwalaka kovanhu opo va shikule nge, ile va djoine ongeleka yange, ile va tameke okuongala kwonumba nehangano. Inandi shi ninga nale noitandi shi ningi paife. Nghi na ohokwe moinima oyo, ashike ondi na ohokwe moinima yaKalunga ndele ovanhu, ndele nge ohandi dulu okuwanifa po ashike oshinima shimwe ohandi kala nda wanenwa. Oshinima shimwe osho okumona ekwatafano lashili lopamhepo latotwa pokati kaKalunga nomunhu, opo omunhu a ninga omushitwa mupe muKristus, a yadifwa nOmhepo Yaye nokuhupa shelikolelela kOndjovo Yaye. Ohandi shiivi, ifana nokulondwela aveshe va ude ewi Laye pefimbo eli, nokukangheka eenghalamwenyo deni filufilu kuYe, nokuli ngaashi nde lineekela nomutima wange kutya onda yandja aishe yange kuYe. Kalunga ne ku yambeke, neuyo Laye nali hafife omutiwa woye.
Omup. William Marrion Branham
Molwa ouyelele uhapu kombinga yoshilonga shOmupristelikulunhu William Marrion Branham nonhumbi to mono omaudifo aye, alikana kwatafana:
THEMESSAGE.COM
58 Disa Road, Admiral’s Park, Gordon’s Bay 7140 Western Cape
Republic Of South Africa