Omapulo ashikula oo amwe twa yakula kombinga yoshilonga shetu. Nge, konima yoku a lesha, ou na natango epulo kombinga yoshikalimo showebsite ei, alikana tu tumina oemail ko answers@themessage.com.

 

Elipopilo leitavelo loye olilipi?

Ohatu dulu okutya “oukwambelewa” wetu elongo longeleka li kale Ombibeli, okudja Genesis fiyo Ehololo. Elipopilo leitavelo otali dulu okungongwamo ngaashi ngaha: Halongoitavelo ashike Kristus; hamhango ashike ohole; haembo ashike Ombibeli.

Ame Omukriste nale. Ouyelele kowebsite ei ou na sha lela kuame?

Eheno! Ovakriste ove na okuitavela Ondjovo yaKalunga aishe; osho nee hatu i kongeleka nokulesha Eembibeli detu. Omolwashike wa itavela oshitipolwa shOmbibeli osho tashi ti Jesus okwa fya molwa omatimba oye, nokudina nhumbi oulunde wa tameka mOshikunino shaEden?

Onda itavela osho nda lesha osho oshili. Ohandi djoina ngahelipi?

Olutu laKristus kali fi eitavelo ile oukwaongalo, noshipumbiwa ashike shoukwashilyo osho kutya u itavele mOmwene Jesus. Ino lipula kombinga yelididiliko loye ile okuyadeka eembapila nongeleka pangelo. Itavela ashike Ondjovo, nOmwene ota takamifa ikwao.

Ove ongeleka?

Fye katu fi ehangano ngeleka, ashike ohatu yakula omayovi eengeleka neemiliona doohandimwe ounyuni aushe paku va pa oilongifo youkwamhepo. Etumo letu olo okutwomukumo ovanhu ve uye popepi kOmwene Jesus pakuninga Evaengeli Laye lihange kukesheumwe kombada yedu.

Onda hala okushashwa. Paife oshike?

Nge ku wete umwe e ku shashe mEdina lOmwene Jesus Kristus, tu tumina oemail nolukanda loye nohatu ku tumine omusholondodo weengeleka moshitopolwa shoye odo tadi dulu di ku shashe mondjila. Dimbuluka, shelikolelela kOmbibeli osha fimana okushashelwa mEdina laJesus, ndele hamoyuufanifwa shaXe, Omona, nOmhepo Iyapuki.

Oto lipula onda kana molwaashi ame Omukatoolika ile oshilyo shoukwaongalo ukwao?

Omwene Jesus okwa ti, “Ino pangula, opo u ha pangulwe.” Kape na omunhu e na oufemba okupangula exupifo. Jesus yo okwa ti, “Ou ta itavele ndele ta shashwa ota xupifwa; ashike ou ita itavele ota tokolwa.” Onghee kashi na mbudi nge ove Omukatoolika, Omubaptiste, ile Omupentekoste; nge owa itavela mOmwene Jesus Kristus hano oto xupifwa.

Omakwatelo Ewi LaKalunga oshike (OELK)?

Voice Of God Recordings, Inc. oyo oshilonga kwamhinge-ukwaongalo osho she litulamo okuhumifakomesho Evaengeli lOmwene Jesus Kristus. Odjo yopetameko yoilongifo oyo twa andjakaneka oyo omaudifo a kwatelwa anakufya William Marrion Branham, omuxunganeki waKalunga nomwevangeliste adidilikwa-paiwana. Ehangopondje letu ola kwatelamo MP3 ouCD, ouDVD, ouvidio, osoftware, omambo, oifomafano, outreka, omafano, eenhumwafonghundana, neewebsite.

Olye William Branham, noku na shike okulonga naame?

Omupristelikulunhu Branham okwa li omwevangelisite omushiviki-unyuni oo a li mepya tumo okudja lwopo 1947 fiyo 1965. Ina eta ashike eemiliona kuKristus, ashike Kalunga okwa shilipaleka oshilonga shaye paikumifilonga itai valulwa. Ekwatafano eli otali ku pe etwalemo koshilonga shaye

Nge oikumwifilonga aishe ei shili oya ningwa, osha enda ngahelipi inandi mu uda nale?

Olo epulo liwa, nolimwe olo twa hala okupula oimanga inene aishe yeengeleka donena. Kalunga okwa tuma omuxunganeki! Omolwashike kesheumwe ita popi kombinga yasho? Ove na okukala.

Omolwashike wa tula unene etwomufindo muWilliam Branham?

Molwa etomelo lelifa olo Josua a tula unene etwomufindo muMoses. Moses okwa li omuxunganeki oo a eta Etumwalaka okudja kuKalunga. Mumwatate Branham okwa ninga oshinima shelifa.

Onda mona ovakainhu ovo va hangana noshilonga shoye. Omolwashike aveshe ve neexwiki dile nokudjala eefulukweva dile?

Paulus okwa ti mOvakorinto 1 11:15 “Ashike nge omukainhu e neexwiki dile, odo efimano kuye: osheshi okwe di pewa e liuvike nado.” Paulus yo okwa ti kutya ovakinhu otave “liwapaleke vovene moikutu youkengeli...” naMoses okwa ti, “Omukainhu ke na okudjala osho sha faafana ku shomulumenhu.” Nge Ombibeli otai shi ti, hano Ovakriste vashili otave shi itavele.

Onda ninga omapekapeko amwe nokumona eewebsite dishona odo delitulamo okupataneka oinima oyo Omupristelikulunhu Branham a ti. Oto va nyamukula ngahelipi?

Oto hange eewebsite delitulamo okupataneka kesheshimwe nokesheshimwe, mwakwatelwa Ombibeli. Ohatu ku pula paupu opo u pangule Etumwalaka twe li yandja kuove paNdjovo yaKalunga, ndele hapakumwenyeka osho shipu unene okumona kointernet. Dimbuluka, kape na umwe a lundilwa e dule Omwene Jesus. Nge oto ningi sha shayuka, hano owa teelela okusheka.

Omahangano aeshe okwa tula omake ao meendjato dange. Oshi li alushe kombinga yoimaliwa.

Didilika kape na onhele kowebsite ei okuninga eongelo. Ngeenge efimbo tali uya opo tu na okuhehela oimaliwa, hano efimbo ole uya opo oshilonga eshi shi xule. Eshi kashi fi kombinga yoimaliwa, oshi li kombinga yokweeta eemwenyo kuJesus Kristus.

Onda hala okulihonga shihapu; onghatu yashikula ilipi?

Ombibeli otai ti, “eitavelo ohali di mokuuda,” onghee ohatu ku twomukumo okutwikila nokupwilikina. Otu na shidulife 1,200 omaudifo akwatelwa elipo etwilikululo loshali. Ohatu dulu oku ku tumina oilongifo moshako nge ou na oupyakadi okutwilikulula omapeko oikwalusheno.


www.branham.org ohai ulike keshefiku eenghundana nomahokololoumbangi a hangana noshilonga shetu. Ohatu ku shiivi u tu talelepo keshefiku nokulesha oitoolwapo okudja kovaitaveli ounyuni aushe. Oto dulika u kumwifwe koinima ingapi iwa Omwene Jesus ta ningi paife, mefiku eli lehumo.