Alushe, eshasho ola fimana unene, ashike oshi na kutya
ongahelipi
twa shashwa? Oku na eshasho lomondjila, ile kesheshimwe otashi longo? Nge owa itavela Ombibeli, hano EHENO, oku na eshasho lomondjila.
Eengeleka dihapu ohadi shashele mEdina laXe, Omona, nOmhepo Iyapuki, ashike eshi kasha li mondjila shelikolelela kOmbibeli.
Oilonga yovayapostoli 19, opa li ovanhu vonumba ovo va itavela nale muJesus Kristus, ashike inava pewa natango Omhepo Iyapuki momitima davo. Omuyapostoli Paulus okwa shiiva omukalo womondjila okutambula Omhepo Iyapuki, onghee okwe va pula, “Nye omwa shashwa neshasho lilipi?” Ndele ova ti, “Eshasho laJohannes.” (Oilonga Yovayapostoli 19:3) Paulus okwa mona kutya vo kava li va shashwa shelikolelela kelombwelo laPetrus mOilonga Yovayapostoli 2:38, onghee ye okwe va ulikila va shashululwe mEdina lOmwene Jesus. Hano, ngaashi sha udanekwa, ova tambula Omhepo Iyapuki.
Onghee, omolwashike ovalongwa va shashela mEdina laJesus, ngeenge Jesus, Yemwene, okwe va lombwela va shashelwe
mEdina
(ha “omadina”) laXe, nolOmona, nolOmhepo Iyapuki? (Mat 28:19) Hano ova ninga epuko? Ahawe! Ova ninga lelalela ngaashi va ulikilwa.
Ngaashi to lesha oshinyolwa eshi, didilika kombinga yedina loye. Oove omona? Edina loye, “Omona”? Oove ina? Edina loye o, “Ina”? Naana hasho, oyo oyuufanifwa paupu. Ou na edina loshili, nosho yo Kalunga.
Apa enyamukulo:
Ndele kape na oshinima shatya ngaho mOmbibeli onga umwe a shashelwa medina laXe, Omona, Omhepo Iyapuki; molwaashi kape na oshinima shatya ngaho. Xe kali fi edina; nOmona kali fi edina; nOmhepo Iyapuki kali fi edina; ashike Edina laXe, Omona, Omhepo Iyapuki olo Omwene Jesus Kristus.
Jesus Kristus oye Kalunga! Oye Xe, Omona, nOmhepo Iyapuki.
Nge oto kongo Omhepo Iyapuki nokukumwa omolwashike Omwene ine i ku pa natango, hano oto dulu okulipula ovemwene epulo lelifa olo Paulus a pula, “Nye omwa shashwa neshasho lilipi?”
Oyulikili
Mateus 28:19
Indeni hano, nokulonga oiwana aishe, nokuva shashela
medina
laXe, nolOmona, nolOmhepo Iyapuki:
[Edina laXe olyelye? Edina lOmona? Edina lOmhepo Iyapuki?]
Markus 16:16
Ou ta itavele ndele ta shasha oye ta xupifwa; ndele ou ita itavele ye ota tokolelwa ekano.
Johannes 5:43
Ame onde uya medina laTate,
ndele nye itamu tambula nge: nge umwe elili te uya medina laye mwene, oye nee otamu mutambula.
[Nge Ye okwe uya mEdina laXe, hano Edina Laye olyelye?]
Johannes 10:30
Ame naTate umwe.
Johannes 12:45
Ou a mona nge oye a mona ou a tuma nge.
Johannes 14:8-9
Filippus ta ti kuye, Omwene, tu ulikila Xo, opo nee fye twa wana.
Jesus te mu lombwele,
Ame onda li punye efimbo lile, ove ku shii nge, Filippus?
ou okwa mona nge oye a mona Tate; ove oto ti ngahelipi, Tu ulikila Xo?
Johannes 20:27-28
Ndele okwa lombweta Tomas;
Eta omunwe woye oku, ove u tale omake ange; ove u yelule eke loye, u li twe molupati lange: ndele ove ino kala onakuhaitavela, ndelenee kala omwiitaveli.
Ndele Tomas okwe mu nyamukula ta ti,
Omwene wange naKalunga kange.
Oilonga Yovayapostoli 2:38-39
Ndele petrus okwa tya kuvo, lidilululeni, nakeshe umwe womunye ne lishashifile
medina laJesus Kristus
mu diminwe po omatimba, ndele nye otamu ka pewa oshiyandjiwa shOmhepo Iyapuki.
Osheshi omaudaneko aa e mu udanekelwa onye vene, novana veni, naaveshe venya ve li kokule, ovo aveshe Omwene Kalunga ketu te ke va ifana.
Oilonga Yovayapostoli 4:12
Ndele ka ku namukwao exupifo la kala muye: osheshi ka ku nedina limwe lilili koshi yeulu la yandjelwa ovanhu, omo tu nokuxupifilwa mo.
Oilonga Yovayapostoli 8:12
Ndelenee paife eshi va itavela Filippus e va udifila oinima tai popi ouhamba waKalunga,
nedina laJesus Kristus,
ova shashwa, ovalumenhu novakainhu.
Oilonga Yovayapostoli 19:3-6
Ndele okwe va pula, Nye omwa shashwa neshasho lilipi? Vo ove mu nyakula, Eshasho laJohannes.
Opo nee Paulus ta ti, Johannes okwa li ta shashe neshasho lelidilululo, e shi a lombwela ovanhu, ve nokwiitavela ou te mu shikula, nokutya, oKristus Jesus.
Ndele vo eshi ve di uda, ova shashelwa
medina lOmwene Jesus.
Ndele Paulus eshi e va tenheka omake aye, Omhepo Iyapuki ye uya muvo; vo ova popya omalaka, ndele tava xunganeke.
Ovaefeso 4:5
Omwene umwe, eitavelo limwe,
eshasho limwe,
Ovakolosi 3:17
Nakeshe eshi tamu shi ningi neendjovo ile noilonga, shi longeni
medina lOmwene Jesus,
nokupandula Kalunga naXe molwaye.
I Johannes 5:7
Osheshi oku na ovahepaululi vatatu meulu, Tate, Ondjovo, nOmhepo Iyapuki:
naava vatatu ove li umwe.