Taleni, ohandi mu tumine omuxunganeki Elia fimbo efiku olo linene nolitilifa lOMWENE inali uya:
Ndele ye ota ka alula omitima dooxe kovana, nomitima dovana kooxe yavo, opo ndi he uye ndi denge edu nefingo.

---

Embo laxuuninwa lEtestamenti Likulu ola udaneka ehanauno lounyuni. Ashike manga exulilo, omuxunganeki Elia okwa tengenekwa okualuka nokushiivife Messias. Vamwe otava ti Johannes Omushashi okwa wanifa ouxunganeki ou.

Omido omayovi avali dapita, Ovajuda ova li va teelela Messias te uya. Ove shi shii kutya Malakia okwa xunganeka omulumenhu nomhepo yaElia ta shiivifa Messias te uya. Ashike Johannes Omushashi eshi e uya, ye kali osho vo va teelela Elia e nokukala. Eshi vo va pula Jesus kutya omolwashike Elia ine uya tete, Ye okwe va lombwela shayela kutya Johannes oye a li ewanifo lexunganeko olo: “Ndele nge mwa hala okutambula, oye Elia, kwa li e nokuuya.” (Elias oye oludi lOshigreek ledina lOshiheberi, Elia.)

Osha li ashike ongudu inini yovanhu ovo va tambula ehololo eli. Kuvahapu vovaleli ovakwamhepo, Johannes ka li vali e nouladi okusheka omahangano avo. Inava dimbulula ashike omhepo yaElia, ashike unene, ova shekuna yo Euyo laKristus.

Onghee Johannes Omushashi okwa wanifa ouxunganeki waMalakia? Ha filufilu.

Tete kwaaishe, ounyuni inau “xwama ngaashi ediko” natango, onghee otu shi shii kutya shoshili oshitopolwa shaMalakia 4 oshi na natango okuningwa. Oshitopolwa shikwao shOmushangwa osho sha li inashi wanifwa po kuJohannes, “okualula omiti dovana kooxe yavo.” Ndele, Jesus, Yemwene, okwa xunganeka kutya Elia oku na (komesho) ku uya noku tungulula oinima aishe. (Mat 17:11)

Onghenee otu na okutala Elia fimbo Euyo Etivali laKristus!

Paife mefimbo eli lomoode, olo efimbo lEuyo Etivali lOmwene Jesus. Natango, otwa udanekelwa kutya omhepo yaElia otai ke Mu shiivifila shelikolelela kuMalakia 4. Ashike ongudu yovanhu ilipipo tai ka dimbulula Elia eshi te uya? Ovo aveke ve mu teelela.

Eendjovo odo dOmwene wetu nOmuxupufi ohadi uya momadiladilo ngeenge hatu diladila exunganeko laMalakia lotundi ei yepato lefimbo:

Ndelenee Ohandi mu lombwele, Kutya Elia okwa ile mo, ndele ovo inave mu koneka... Mateus 17:12

Oshike nge otwa shekuna euyo eli laElia? Ohatu ka shekuna hano Euyo Etivali laKristus, ngaashi ovanongovomishangwa nOvafarisai va shekuna Euyo Laye Lotete molwaashi ina va dimbulula Johannes Omushashi?

 

 

 

 

Oyulikili

II Ehamba 2:15

Ndele eshi ovanamati vovaxunganeki ovo va dja kuJerko ve shi tala pomunghulo, vo tava ti, Omhepo yaElia ya kulukila muElisa. Opo nee ve uya ve mu shakeneka, ndele ve mu linyongamena kuye.

Jesaja 40:3-4

Ewi lomwiingidi tali udika mombuwa, Longekidileni OMWENE ondjila, yelekanifileni Kalunga ketu elila la ukilila mofuka.

Omalufilu aeshe naa fufilwe, eemhunda noitunhu aishe nai xupipalekwe: nomangolyo naa yukifwe, nomamanya naa yelekanifwe: [Johannes Omushashi]

Malakia 3:1

Tala, Ame ohandi tumu omutumwa wange [Johannes Omushashi], ou ta ka kokolela nge ondjila yange: opo Omwene, ou ta mu mu kongo, ote ke uya divadiva motembeli yaye, nokutya omutumwa wehangano, ou mwe mu djuulukwa nale: tala, ye ote uya, OMWENE womatanga ovakwaita ta ti.

Malakia 4:1-6

Osheshi, tala, efiku tali uya, ndele tali xwama ngaashi ediko [inashi ningwa natango]; opo ovanangateli aveshe, heeno, naaveshe ava hava longo owii, tava ka ninga oihati: mefiku olo tali uya tali ke va lungwinifa po, OMWENE womatanga ovakwaita ta ti, opo muvo itamu fyaala nande omudi ile oshitai.

Ndele nee nye ava hamu tila edina lange Etango louyuki tali ke mu pitila neveluko koshi yomavava alo; ndele nye otamu ka pita mo, nokunhuka ngaashi eenhanguda da dja moshinyongo.

Ndele nye otamu ka lyataula ovadinikalunga; osheshi vo otava ka ninga ngaashi ondwi koshi yeemhadi deni mefiku olo Ame handi shiti, OMWENE womatanga ovakwaita ta ti.

Dimbulukweni omhango yaMoses omupiya wange, ei Ame nde i mu lombwela kuHoreb kuIsrael ashishe, i ninge eenghedimhango noipango.

Tala, Ame ohandi mu tumine omuxunganeki Elia fimbo efiku olo linene nolitilifa lOMWENE inali uya:

Ndele ye ota ka alula omitima dooxe kovana [Johannes Omushashi], nomitima dovana kooxe yavo [Elia womoode], opo Ndi he uye ndi denge edu nefingo.

Mateus 11:10

Ndele oye tuu, ou a shangwa, Tala, Ohandi ku tetekelifa omutumwa wange, oye e noku ku longekidila ondjila. [Malakia 3:1, Johannes Omushashi]

Mateus 11:14

Ndele nge mwa hala okutambula, oye Elia, kwa li e nokuuya. [Johannes Omushashi]

Mateus 17:11-12

Ndele Jesus okwa nyamukula ndele ta ti kuvo, heeno Elia ote uya tete, nota ka wapaleka vali aishe. [Elia womoode]

Ndelenee Ohandi mu lombwele, Kutya Elia okwa ile mo, ndele vo inave mu koneke, nove mu ningila eshi va hala. Osho tuu Omona womunhu ota ka hepekwa kuvo. [Johannes Omushashi]

Lukas 1:17

Ndele ye ote mu tetekelele momhepo nomeenghono daElia, okualula omitima dooxe kovana, novahaduliki keendunge dovayuki; opo a longekidile Omwene oshiwana sha pwa. [Johannes Omushashi]