Atushe vomufye ohatu dulu okupenuna omapandja Ombibeli nokumona kutya Kalunga okwa longa oikumifilonga: Moses okwa topola Efuta Litilyana, Elia okwa ifana oshikukuta, Jesus okwa enda kombada yomeva, novalongwa ova velula ovanaudu.
Ope na omayovi oiningwanima oikwakumifi ya didilikwa mOmbibeli. Nge Kalunga oku li ondombwedi noilongadidiliko noikumifilonga, hano oikumifilonga Yaye oili peni nena? Ye ota dulu okuvelula okaangela ngaashi Ye a velula oshilundu mOmbibeli? Oshike kombinga yoAIDS ile omalaria? Ye ota dulu tuu natango okulonga oikumifilonga? Eheno, Kalunga natango ota longo oikumifilonga noilongadidiliko ei tai shikula ovo va itavela.
Paife, ookaume taleni, diladileni Ohamba George yaEngland, eshi ya velulwa koitumba ihapu, eshi twei ilikanena. Diladileni Florence Nightingale, (inakulu, omutotipo wOmushiyakano Utilyana), a li hanga woshiviha eepounda hamano, a nangala ta fi kwinya nokaangela mendjadja lomedimo, a nangala oko ta fi. Onghuti inini oya tuka moixwa oko Omhepo yaKalunga ye uya nokutya, “OMWENE OSHO TA TI, ye ota kala nomwenyo.” Ndele ye ota vihi eepounda efele nomilongonhano-nanhano moukolele wa wana.
Diladileni Omulumenhuomunashipundi Upshaw a mangelwa moipundi nomombete omudo nomudo, omido omilongohamano-nahamano. Ndele mokafimbo kefimbo okwa yambuka keemhadi daye, ta lotoka netungo alishe, ta kumu ominwe dokeemhadi daye, a li pawaneneno a kalekwa nawa nokuveluka.
Diladileni ashike ovanhu omayovi nomayovi ovo va velulwa. Omolwashike tu li omutumba nafiyo hatu fi? Natu ninge po sha kombinga yasho.
Kala neitavelo nge oto vele ile momhumbwe. Ombibeli oya ti kutuya Jesus Kristus okwe lifa onghela, nonena, nofiyoalushe, onghee nge Ye okwa dula okulonga oshikumifilonga omido omayovi avali dapita, hano Ye ota dulu okuninga shelifa nena. Ye okwe tu udanekela kutya otwa veluka, nge hatu itavele ashike.
Congressman Upshaw
William D. Upshaw okwa yakula omido hetatu mEumbo Ekalelipo lOiwana Yahangana nokuya moupresidente mo1932. Oshiponga shopaunafaalama oshe mu fifa ombada eshi ye a li okaana, nokwa kala omidi 66 shapo komamango ile mokatemba. Mo1951 ye okwa veluka filufilu nokweenda nawa onghalamwenyo yaye aishe.
Florence Nightingale
omukwapata wokokule womupangi a fimana, e na okaangela yekolamudo yomedimo. Ye okwa tuma efano laye onga eindilo laxuuninwa leilikano manga okaangela inai mu dipaa. Ngaashi u wete, ye okwa li pondodo yefyo manga Omwene Jesus ine mu velula mo1950. Efano lashikula ola fanekwa konima yeveluko laye noku li tuma onga ehokololoumbangi kutya Kalunga natango ota velula ovanaudu.
Tris Griffin
Tris Griffin okwa ya kombelewa yandokotola kuyele 2013 molwaashi ouyehame wombuda oo ye a tila tau dulu ku kala elialuko lolwoodi laye nokaangela. MRI oya ulika “omudi watukauka” momutima waye, osho sha ninga eendokotola di ninge ekonaakono la wedwa ko nokudidilika etando lomeendelelo efiku lashikula. Omufinda momutima mefano osho omufya uwetike oo tau ti diva nokonyala efyo lonhumba nge la vakulwa po.
Efiku lashikula, konima ovaitaveli ve mu ilikanena, eendokotola oda ninga eminikilo loCT likwao okuulika oxulo onhele yomufya manga etando. Oshikando eshi, omafano okwa ulika filufilu omutima u noukolele. Angwangwanekwa, omutandi okwa lombwela Omufimanekwa. Griffin, “Nghi shi shii osho ndi na oku ku lombwela. Ou na omudi watukauka, ashike paife oundombwedi aushe owa ya.” Ye okwe mu ulikila omafano manga eilikano, nokonima hano. “Owa manguluka okuya, ndele mondjila, kape na edidiliko lokaangela shapo. Ou li moukolele wa wana.”
Okakuti kandokotola oka ulika komudi, ou ulaula, oshitopolwa shongonga mokati kefano. Omufinda weuliko muwo osho odindo, ile “etukauko” lomudi, oo tau pumbwa etando lomeendelelo ndele osha nyika oshiponga nge tau vakula. Okuminikila okutivali okwa fanekwa efiku lashikula. Etukauko ola kana po filufilu noi na li aluka vali.
Oyulikili
Psalme 103:2-3
Omwenyo wange, hambelela OMWENE, ndele ino dimbwa ouwa eu ku ningila:
Oye tuu ou ta dimi po owii aushe; oye te ku velula komaudu oye aeshe;
Jesaja 53:5
Ndelenee ye okwa tuwa molwomatauluko etu, ye okwa nyanyaulwa molwowii wetu: ehandu ole mu hanga opo tu kale tu na ombili; ndele twa velulwa molwoipute yaye.
Markus 16:17
Noilongadidiliko ei tai shikula ovo va itavela; medina lange otava te mo eendemoni; otava popi omalaka mape;
Lukas 17:6
Ndele Omwene ta ti, Ngeno omu na eitavelo li fike pombuto yoshinapi, tamu lombwele omukwiyu ou, Lidikula po ove, ndele to lidiki mefuta; ndele otau dulika kunye.
Johannes 14:12
Oshili, oshili, handi mu lombwele, ou ta itavele nge, naye yo ota longo oilonga ei ame handi i longo; ndele ta ka longa oilonga inene i dule inya; osheshi ohandi kuTate.
I Ovatessaloniki 1:5
Osheshi evaengeli letu ola fika kunye haneendjovo adike, ndelenee omeenghono yo, nomOmhepo Iyapuki, nomeyelelo la pama; ngaashi mu shi shii nhumbi twakala mokati keni omolweni.
Ovaheberi 2:3-4
Hano ohatu i ngahelipi onhapo, nge hatu dini exupifo linene lifike apa; la udifwa tete kOmwene, ndele la pamekwa kuava ve li uda ndele tave li fikifa kufye;
Kalunga yo a hepaulula, pamwe navo nomadidiliko noikumifilonga, noilonganghono ilili, neeshali dOmhepo Iyapuki, pahalo laye mwene?
Ovaheberi 13:8
Jesus Kristus okwe lifa onghela, nonena, nofiyoalushe.
Jakob 5:15
Neilikano leitavelo otali xupifa omunaudu, Omwene note mu yambukifa po; ndele nge okwa hangika a tula omatimba, otae mu kufilwa po.
I Petrus 2:24
Oye ou a humbata yemwene omatimba etu molutu laye noku a londeka komushiyakano, opo fye, twa fya komatimba, tu longele ouyuki; oye ou mwa velulwa koipute yaye.