Psalme 96:13
Koshipala SHOMWENE: osheshi ye ote uya, osheshi ye ote uya okupangula edu: ye ota ka pangula ounyuni nouyuki, novanhu noshili yaye.
Ope na omaukwaongalo omayovi a yooloka mounyuni nena. Oukwaongalo keshe otau tokola ukwao, natango aveshe otava udaneke okupitila oukwaongalo wavo exupifo. Ohatu shiiva ngahelipi ulipipo tu nokuhoolola?
Nge otwa hoolola ongeleka Katoolika, hano otwa tambula ko eilikaneno lovayapuki, olo li he lidule vali nokuilikana koikalunga. Ombibeli otai ti, “Osheshi ope na Kalunga umwe, nomupokati umwe pokati kaKalunga novanhu, omunhu Kristus Jesus;” (I Tim 2:5). Omupristeli okwa ifanwa “Xe” osho sha ngabekwa kuJesus muMat 23:9: “Ndele inamu ifana nande olyelye wokombada yedu xo: osheshi nye omu na Xo umwe aeke, ou e li meulu.” Oiongalele YaKalunga otai tu lombwele kutya okupopya momalaka oko oundombwedi wotete wOmhepo Iyapuki, eshi Paulus a ti, “Nande ndi popye omalaka ovanhu novaengeli, ndele ame nghi neyakulo, onda ninga oshivela shitwima tashi lili, ile ongedjo tai kwelengedja.” (I Ovak 13:1)
Konyala omaukwaongalo aeshe otaa endelele oku tu lombwela kutya oinima ihapu mOmbibeli oya fatululwa papuko, ya kanena mefatululo, ile itai longo mounyuni wonena. Onghee, otwa wana okuitavela Ombibeli ile omalongo oukwaongalo? Oshike Kalunga ta longifa onga ondodo molwa epangulo?
Nge onda pula Ovakatoolika apa konguloshi, “Oshike osho tamu diladila Kalunga ta ka pangulifa ounyuni?” Ovakatoolika otava ti, “Ongeleka Katoolika.” Oshi li nawa, paife Ongeleka Katoolika oshike? Paife ove na Ouroma, Ogreek Orthodox, nadihapu domudo. Ongeleka Katoolika otai kala ilipipo? Ovalutheri otava ti, “Okufye,” hano nye Ovabaptiste omu li kondje. Ndele hano nge ohatu ti, “OkObaptiste,” hano nye Ovapentekoste omu li kondje. Onghee otapa kala engwangwano, kape na umwe ta shiiva osho e na okuninga; onghee Ye ina udaneka okupangula ounyuni nongeleka.
Ye okwa udaneka okupangula ounyuni naKristus, naKristus oye Ondjovo. Ndele Ombibeli oyo tai ka pangula ounyuni, oyo ili Jesus Kristus elifa onghela, nonena, nofiyoalushe.
Oyulikili
Johannes 1:1
Pehovelo opa li Ondjovo, nOndjovo oya kala puKalunga, nOndjovo ei oya li Kalunga.
Johannes 1:14
Nondjovo ya ninga omunhu, nokukala mokati ketu (ndele otwa tala oshinge shaye, oshinge tuu osho shaewifa laXe,) okwa yada efilonghenda noshili.
Johannes 5:22
Osheshi Tate ita pangula nande umwe, ndelenee epangulo alishe okwe li yandja kOmona:
Johannes 12:48
Ou ta dini nge, ndele ita tambula eendjovo dange, oye oku nomupanguli waye: ondjovo oyo Nda popya, oyo tai mu pangula mefiku laxuuninwa.
Ovaefeso 1:5-7
Eshi e tu nunina nale tu ninge ovana vaye muye molwaJesus Kristus, pahokwe yehalo laye liwa,
Okupandulifa efimano longhenda yaye, e i tu pa momuholike.
Muye otu nekulilo omolwohonde yaye, edime po lomatimba, okoupuna wonghenda yaye;
Ovaefeso 2:5-8
Nokuli eshi twa li twa fila momatimba, okwe tu tula yo omwenyo pamwe naKristus, (okonghenda mwa xupifwa;)
Ndele okwe tu nyumuna pamwe, nokwe tu tula mumwe moikwaulu muKristus Jesus:
Opo a holole momafimbo okomesho oupuna wefilonghenda laye u he nondjele molukeno laye kufye muKristus Jesus.
Osheshi mwa xupifwa konghenda omolweitavelo; lo inali dja munye vene: olo oshali yaKalunga:
I Johannes 1:7
Ndele nge hatu ende mouyelele, ngaashi oye ha kala mouyelele, opo tu nekwatafano pokati ketu; nohonde yOmona waye Jesus Kristus, otai tu kosho omatimba aeshe.
Ehololo 22:18-19
Osheshi Handi shi lombwele keshe tuu ou ta udu eendjovo douxunganeki dembo eli, Nge pe na ou ta weda sha kudo, Kalunga ote mu wedele ko omahepeko aa ashangwa membo eli.
Ndele nge pe na ou ta dimi mo sha meendjovo dembo louxunganeki ou, Kalunga ote mu kufa oshipewa shaye shembo lomwenyo, nomoshilando shinya shiyapuki, ngaashi sha shangelwa membo eli.