Otape uya efiku eshi keshe umwe womufye, kutya Omukriste ile napamwe, ta ka mona mo lelalela osho shi li konima yefimbo. Ombibeli otai udaneke Omwenyo Waalushe kuvamwe, nokuvakwao, otai udaneke ekano. Keshe omushitwa mondjokonona okwe lipula shili yemwene, “Oshike tashi ka ningilwa nge ngenge nda fi?”

Nale manga paha li nande Ombibeli okulesha, omuxunganeki Job okwa tala oushitwe. Ye okwa popya kombinga yelineekelo lomuti, nhumbi tau kewa po nokufya, natango medimba lomeva, ohau alukile komwenyo nokutula ko eembeyo dipe. Job okwa shiiva kutya omunhu, ongaashi omuti, ota nyumukile natango komwenyo:

Nge omunhu okwa fi, ota ka nyumuka tuu vali? omafiku aeshe efimbo lange la hoololwa onda hala, fiyo elundululo lange le uya.

Ove ngeno u ifane, nohandi ku nyamukula: ove ho djuulukwa oshilonga shomake oye.

Osheshi paife ho valula eenghatu dange: iho pashukile mbela oulunde wange? (Job 14:14-16)

Job otashi dulika e he na Ombibeli yokulesha, ashike ye oku shi shii kutya Kalunga efiku limwe ote mu nyumuna mo mombila eshi Omukulili wovanhu ta di mo.

Akutu eendjovo dange ngeno di shangwe paife! akutu ngeno di shangelwe membo!

Ngeno di nyolwe noshishangifo shoshivela nokuhokelwa memanya fiyoalushe.

Osheshi ondi shi shii kutya omukulili wange oku nomwenyo, ndele oxuuninwa ye ota ka kala ofika kombada yedu:

Nonande konima oshipa shange omainyo ahanauna olutu eli, natango mombelela yange ohandi ka mona Kalunga: (Job 19:23-26)

Omuxunganeki okwa li ta popi Omwene Jesus nenyumuko lovanhu Vaye. Pahololo Job oku shi shii kutya nande omalutu etu oku halakanepo filufilu, Jesus ota ka tungulula ombelela yetu. Ndele nomesho etu vene, ohatu ka mona Euyo Laye. Ovanhu aveshe vaKalunga ova djuulukwa okumona efiku loshinge olo.

Onghee hano, ngaashi ashike lela ngaashi Kalunga e li ko, ope na yo omunawii; ngaashi ashike lela ngaashi ku na Eulu, oku na yo oheli. Omaulu oku li pokule shidulife hatu lipula. Omuyapostoli Paulus okwa ti kutya, “Osho eisho inali shi mona, nokutwi inaku shi uda, sho inashi ya momutima womunhu, Kalunga okwe shi longekidila ava ve mu hole.” (I Ovak. 2:9)

Omadiladilo etu itaa dulu okuuda ko nhumbi Eulu tali ka kala, noi taa dulu okuuda ko oixuna yoheli. Jesus okwe tu lombwela kutya oheli oi ii unene osho she tu wapalela nge hatu tete ko oshilyo sholutu letu osho tashi tu twala monhele yemono loixuna.

Neke loye nge tali ku hongaula, li teta ko: okuya momwenyo oshingudu okwe ku wapalela, ku dule okukala nomake avali nokuya moheli, momundilo ihau di mi mo: (Markus 9:43)

Onghee olyelye tai kEulu? Nolyelye tai koheli? Oshi li epulo linyematifi, ashike Jesus okwa ti kutya ovanhu vahapu ita va tambula ondjabi oyo Ye a hala okuyandja: Indeni mu pite moshivelo shinini: osheshi oshivelo oshinene, nondjila oya mbwalangadja, ei tai twala kehanauno, ndele ava tava i mo ovahapu; Molwaashi oshivelo oshinini, nondjila oya finana, oyo tai twala momwenyo, novanini vongaho ovo tave i mono. (Mat 7:13-14)

Jesus yo okwa ti, “Hakeshe ou ta ti kuame, Omwene, Omwene, ta i mouhamba womeulu; ndelenee oye tuu ou ha longo ehalo laTate womeulu. Mefiku olo vahapu otava ti kuame, Omwene, Omwene, hafye tuu twa xunganeka medina loye? notwa ta mo eendemoni medina loye? notwa longa oilonga ihapu iwa medina loye? Ndele Ame ohandi va lombwele, Inandi mu shiiva nandenande: djeni po puame, onye ovalongi vowii.” (Mat 7:21-23)

Molwaashi ashike omunhu ta kondjele Oukriste itashi ti ye okwa xupifwa. Onghee, eli olo lelalela epulo momadiladilo etu: Ohandi tambula ngahelipi Omwenyo Waalushe? Jesus okwe tu pa enyamukulo lipu: Oshili, oshili, Handi mu lombwele, Ou ta udu eendjovo dange, nota itavele ou a tuma nge, oku nomwenyo waalushe, ndele ye ita ka tokolwa; ndelenee ye okwa dja mo mefyo ndele e uya momwenyo. (Johannes 5:24)

Omupyamunene, ope na ovanhu va shona unene mounyuni nena ovo va hala okukufa efimbo momafiku avo elipyakidilo okuuda Ondjovo yaKalunga. Ndele ope na nokuli vashonashona ovo tava itavele Ondjovo lumwe ve i uda.

Eengeleka ode tu lombwela tu kale ovanhu vawa, okudiladila mondjila, tuha fundje, okukengelela, ile okuvaka, ndele ohatu ka ya kEulu. Inava udako kutya oheli otai ka yada ovanhu ovo va fa ve na eenghalamwenyo diwa. Oshili oyei kutya itatu i kEulu molwa oilonga yetu youyuki ile molwa fye oshilyo shongeleka yonumba. Ope na ondjila imwe aike okuya kOmwenyo Waalushe, noshi li okupitila muJesus Kristus. Ye okwe tu kunghilila kutya otu na OKUITAVELA Ondjovo Yaye, oyo i li Ombibeli. Napamwe, ohatu xupifwa ngahelipi?

Eshi efiku lepangulo tali ku fiki, oto ka uda, “Ileni, onye ovayambekwa vaTate, mu ka fyuulule ouhamba ou mwe u longekidilwa opeshito lounyuni,” (Mat 25:34) ile to ka uda, “Djeni po puame, onye ovafingwa, mu ye momundilo waalushe, wa longekidilwa omunawii novaengeli vaye”? (Mat 25:41)

Ngaashi omesho oye taa lesha a yukilila eendjovo odo, ou na ehoololo okuninga: Oto hoolola okuitavela Ondjovo yaKalunga?

Oyulikili

Job 14:12-16

Nosho yo omunhu ta nangala, ita penduka vali: fimbo omaulu inaa xula po, itava ka papuduka, ndele itava ka penduka meemhofi davo.

Akutu ngeno u holeke nge mombila, u holeke nge, fiyo ehandu loye la lota, u pangele nge efimbo, nokudimbulukwa nge!

Omunhu nge okwa fi, ota ka nyumuka tuu vali? omafiku aeshe efimbo lange la hoololwa onda hala, fiyo elundululo lange le uya.

Ove ngeno u ifane, nohandi ku nyamukula: ove ho djuulukwa oshilonga shomake oye.

Osheshi paife ho valula eenghatu dange: iho pashukile mbela oulunde wange?

Job 19:23-26

Akutu eendjovo dange ngeno di shangwe paife! akutu ngeno di shangelwe membo!

Ngeno di nyolwe noshishangifo shoshivela nokuhokelwa memanya fiyoalushe!

Osheshi ondi shi shii kutya omukulili wange oku nomwenyo, ndele oxuuninwa ye ota ka kala ofika kombada yedu:

Nonande konima oshipa shange omainyo ahanauna olutu eli, natango mombelela yange ohandi ka mona Kalunga:

Mateus 7:21-23

Hakeshe ou ta ti kuame, Omwene, Omwene, ta i mouhamba womeulu; ndelenee oye tuu ou ha longo ehalo laTate womeulu.

Mefiku olo vahapu otava ti kuame, Omwene, Omwene, hafye tuu twa xunganeka medina loye? notwa ta mo eendemoni medina loye? notwa longa oilonga ihapu iwa medina loye?

Ndele Ame ohandi va lombwele, Inandi mu shiiva nandenande: djeni po puame, onye ovalongi vowii.

Mateus 22:14

Osheshi vahapu va ifanwa, ndele vanini ova hoololwa.

Johannes 3:16-17

Osheshi osho Kalunga a kala e hole ounyuni, oye a yandja Omona waye ewifa, opo keshe ou te mu itavele a ha kane, ndelenee a mone omwenyo waalushe.

Osheshi Kalunga ina tuma Omona waye mounyuni a tokole ounyuni; ndelenee ounyuni u xupifwe kuye.

Johannes 5:24

Oshili, oshili, Handi mu lombwele, Ou ta udu eendjovo dange, nota itavele ou a tuma nge, oku nomwenyo waalushe, ndele ye ita ka tokolwa; ndelenee ye okwa dja mo mefyo ndele e uya momwenyo.

I Ovakorinto 2:9

Ndelenee ngaashi sha shangwa, Osho eisho inali shi mona, nokutwi inaku shi uda, sho inashi ya momutima womunhu, Kalunga okwe shi longekidila ava ve mu hole.

I Tessaloniki 4:13-18

Ndelenee inandi hala mu kale mu he shi shii, ovamwatate, ava va kofa po, nhumbi ve li mu he va nyikile oluhodi, ngaashi venya vamwe ve he neteelelo.

Osheshi ofye nge hatu itavele Jesus a fya ndele a nyumuka, opo nee Kalunga ota ka eta pamwe naye ovo va kofa mo muJesus.

Osheshi ohatu mu lombwele ngaashi ondjovo yOmwene, nokutya fye ava hatu fyaala po tu nomwenyo fiyo kealuko lOmwene ihatu tetekelele ava va kofa po.

Osheshi Omwene yemwene otaka londoloka keulu neingido, newi lomwengeli omukulunhu, nenghuma laKalunga: ovafi ovo va fila muKristus otava ka nyumuka tete:

Opo nee nafye yo ovanamwenyo ava twa fyaala po ohatu ka vakulwa po shimwe pamwe naava moilemo, tu ka shakeneke Omwene kombadambada: ndele hatu ka kala alushe pOmwene.

Hano lihekelekeni neeendjovo edi.