Omamoniko okwa twikila. Ye okwa li a lombwelwa kovahongi koombushe moilonga kaye kutya omamoniko aye kaa li a dja kuKalunga. Ye okwa li a lombwelwa omhepo yanyata i mu kwete. Eshi oshe mu piyaaneka moule. Omutengi owa ninga mudjuu okuhumbata, onghee okwa ya mombuwa okukonga Ehalo laKalunga. Ye okwa li e lipakamo kutya okwa hoolola a ha aluke e he na enyamukulo. Osha li oko, mokalili omwiyo ukulu, opo Omwengeli wOmwene e mu pa etumo laye. Mokati koinima ikwao, Omwengeli okwe mu lombwela ngaha: “Nge owa ningi ovanhu ve ku itavele, ndele to kala welipakamo ngeenge to ilikana, kape na eshi tashi fikama komesho yomailikano oye, ha okaangela nokuli.”
Omalimbililo aeshe okwa ya. Ye paife oku na etumo nomukumo okupula komesho. Epapuduko leveluko ola hovela.
Omafele omayovi a ongala oikonga Branham. Omyovi okwa velulwa mEdina lOmwene Jesus Kristus. Ovaevangeliste vakwao ngaashi Oral Roberts, T.L. Osborn, ndele A.A. Allen okwa shikula diva Mumwatate Branham nokutameka omapapuduko eveluko avo vene. Omwene okwa lokela poshi omayambeko Aye ngaashi inashi monika nale. Eke leveluko laJesus Kristus ola kuma vali ovanhu Vaye.
“Onda lila luhapu molwehafo kombada yoshali shapita shaKalunga kongeleka yomumwatate wetu omuholike, William Branham, noshali yaye ikumwifi yeveluko. Eshi oshinima shaKalunga a ninga shayadelela shi he shi kuyelekwa kombada yaaishe oyo a hatu dulu okupula ile okudiladila (Efe. 3:20), osheshi inandi mona nande ile nda lesha shimwe sha wana keveluko loshilonga shaWilliam Branham.”
Omup. F.F. Bosworth, omuevangeliste omushiviki-unyuni naumwe wootate ovatotipo voukwaongalo Oiongalele YaKalunga nosho yo elinyengo lomoode Pentekoste.
“Moshihopaenenwa shimwe, otwa tala ngaashi ye a popya komulumenhu a nangala kolutala. Potete kapa li edidiliko leendunge okunyamukula okudja komulumenhu. Efatululo hano ola dja komwalikadi a fikama po, kutya omulumenhu kali ashike ta fi kokaangela, ashike okwa li omufitamatwi noka li e udite eshi tashi popiwa.
Mumwatate Branham hano okwa ti kutya otashi kala shawapala komulumenhu okutambula okuudako kwaye onghee ye okwe mu ulikila shina sha neveluko kokaangela yaye. Opa li efimbo leilikano. Ombaadilila omulumenhu oku udite ko! Omahodi manene okwa pononoka keemhanda domulumenhu oo ou oshipala shaye onguloshi aishe sha kala shihe uditeko nokuhenombili. Ye okwa pwilikina nohokwe yomoule ngaashi a lombwelwa emanguluko laye kokaangela.”
Omup. Gordon Lindsay, omushangi a pwa, omuhongi, nomutotipo wOshiputudilo Kristus ShOiwana.
“Mumwatate Branham okwa ti, ‘Omukwashiongi okwa veluka.’ Omwenyo wange owa nhuka mo. Onda dja mo nokutambula Omwene onga Omuveluli wange. Onda tula po omamango ange…nondabo yEulu oya wako!”
William D. Upshaw, US Omukwashoingi (1919-1927), omufiyafani woUS Omupresidente mo1932. A shongola okudja a teka ombuda yaye eshi a li okaana. Ye okwa li 84 eshi a veluka filulfilu okudja keilikano laMumwatate Branham, konima a shongola omido 66. Ye ina kala nomhumbwe yokatemba ile omamango onghalamwenyo yaye aishe.
“Onda kala nombuda yange omido hetatu neehani omuwoi noT.B. neendokotola ode li konda nge. Ohandi vihi eepounda 50 noshi li sha fa elineekelo alishe ola ya. Hano okudja koJeffersonville, Indiana, kwa dja Omup. WM Branham memoniko olo ye a mona odjona ya kwatwa mombuwa noya lila ‘Milltown,’ oko handi di. Mumwatate Branham ina kala ko nale oku ile a shiiva umwe okudja oku. E uya mo, ye okwa tenheka nge omake nokwiilikana, ta ifana nge mEdina lOmwene wetu omuholike Jesus. Shimwe sha fa okukufa nge noposhikando onda li handi pandula Kalunga molwa eenghono Daye okuvelula. Ame paife omushiki xumba mongeleka Obaptiste apa.”
Georgia Carter, Milltown Indiana, a velulwa koT.B. yekolamudo mo1940 noi na hepekwa vali koudu oo efiku likwao monghalamwenyo yaye. Ye okwa kalela po omilongo domayovi dovanhu ovo va velulwa okupitila moshilonga shaye notava velulwa natango nena.