Ngwanešu Branham ka mehla o fela a hlalosa Pilara ya Mollo yeo e bego e hlatsetša bodiredi bja gagwe. E be e le gona tswalong ya gagwe, e bonwe ke dikete lebopong la Noka ya Ohio, gomme e be e bonagala o ka re e be e mo latela gohle mo a bego a eya. E be e le ka 1950 fao Morena a go fa mmogo badumedi le ba ba sa dumelego ka go swana bohlatse bja gore Pilara ye ya Mollo e be e na le moporofeta.
Bošego bo be bo apešitšwe ke kgakgano ka Sam Houston Coliseum. Ngwanešu Branham ke ge a etile pele tsošeletšo ya phodišo yeo e bego e swiela naga. Ditšhegofatšo tša Morena Jesu di be di tšhologela ntle bjalo ka pula godimo ga mašemo a semoya a korong. Eupša maswao a magolo le dimaka ga se tšake di etla ntle le tshwaswalatšo. Go swana le ka mehla, lenaba le ile la emišetša kgakgano godimo. Maatla a mabedi a ile a kopana ka Houston Texas, gomme Morongwa wa Morena ka Boyena o ile a tla fase gomme a lwa ntwa.
Ba dikete ba be ba šetše ba le gona go tla go hlatsela mehlolo ya go se balege yeo ya go latela monna yo wa Modimo. Letšatši pele, sehlopha sa badiredi ba tikologo ba ile ba hlohla moporofeta go tla ngangišanong ka phodišo ye Kgethwa, eupša tlhohlo ya wela godimo ga mogwera wa moporofeta wa go tšofala wa go botega, Moruti F.F. Bosworth. Ba bantši baswaswalatši ba be ba etilwe pele ke modiredi wa tikologo wa Baptist moswaswalatši wa go bolela wa phodišo ye Kgethwa. Ngangišano yeo e bego e etla e ile ya šwahlela go dikuranta, tšeo ka pela di ilego tša phatlalatša methalohlogo, “Boya Bja Tša Boithutamodimo Bo Tla Fofa Ka 7 p.m. Lehono Ka Sam Houston Coliseum.”
Moswaswalatši o ile a hira motšeadinepe wa phorofešene, Ted Kipperman wa Douglas Studios, go tla go nepa le go ngwala ngangišano. Thapama yeo, dinepe di ile tša tšewa le Ngwanešu Bosworth a eme ka go hlomphega mola moswaswalatši a eme ka maemo a go tšhošetša; nako ye nngwe ka monwana wa gagwe o thothobeditše ka sefahlegong sa monna wa go tšofala wa go kokobela.
Ge ngangišano e thoma, Moruti Bosworth ka pela o ile a hlatsetša bonnete bja phodišo ye Kgethwa ka bohlatse bja Mangwalo gomme ka gona, go se tlogele potšišo, o ile a kgopela ka moka bao ba ilego ba fodišwa mefokolong ya bona go ema. Dikete tša ema ka maoto a bona. Ka morago ga ge bao ba bego ba fodišitšwe ba tšere madulo a bona, a kgopela ge ka moka bao ba fodišitšwego ke phodišo ye Kgethwa e lego maloko a maemo a mabotse a kereke ya leina ya monna yo ba ka ema. Makgolo a mararo a maloko a kereke ba ile ba emelela gomme ka go ikgantšha ba pealatša mogau wo Morena Jesu a ba laeditšego wona.
Tlhohlo ka nako yeo ya tla go tšwa go moswaswalatši. “A nke mofodiši yo Mokgethwa yola a tle pele. A a dire.” Ngwanešu Bosworth a bea pepeneneng gore Jesu e be e le Mofodiši yo Mokgethwa a nnoši, eupša lešata go tšwa go moswaswalatši la tšwela pele. Mafelelong, Ngwanešu Bosworth o ile a laletša Ngwanešu Branham go tla sefaleng. O ile a amogela taletšo gare ga legowa la thekgo.
Moporofeta, a tladitšwe ka Moya wo Mokgethwa, o ile a fa phetolo ye e latelago:
Nka se kgone go fodiša yo motee. Se ke a se bolela. Ge ke be ke sa le ngwana ke belegwa godimo ka Nageng ya Kentucky, go ya ka mme wa ka morategi, gomme seo se hlatsetšwe go kgabola bophelo bja ka, fao go bile Seetša se se tlilego ka kamoreng ya lekubana le lennyane lela la kgale, fao le bego le le gona, go se na le lebato ka go lona, le se na le ge e le lefasetere fao, ba be ba na le se sennyane sa lefasetere fao, bjalo ka lemati le lennyane, gomme ba be ba le kgorometša go le bula e ka ba ka iri ya bohlano ka masa, gomme Seetša se se ile sa dikologela ka gare feela ka ge e be e le go tšwelela ga letšatši. Go tloga nako yeo, Se bile le nna. Ke Morongwa wa Modimo. O gahlane le nna ka sebele mengwaga e sego mekae ya go feta. Go theogela go kgabola bophelo bja ka, O mpoditše dilo tše di diregilego, gomme ke di boletše feela ka fao A mpoditšego. Gomme ke hlohla mang kapa mang lefelong lefe kapa lefe, gore a ye toropongkgolo fao ke godišitšwego, kapa mo gohle gape, gore setatamente se kile sa dirwa ka Leina la Morena, eupša se se tlilego tlwa ka tsela yeo se rilego se tla ba.
Ka morago ga ge a boletše mantšu ao, Moya wo Mokgethwa o ile wa wela godimo ga sefala, gomme motšeadinepe yo a bego a thantshetšwe a nepa senepe. Ngwanešu Branham o ile a tlogela sefala ka se se bonolo, eupša e le setatamente sa seporofeto: “Modimo o tla paka. Nka se bolele gape.”
Mošomi mmogo wa Mna. Kipperman ka pela o ile a ya go šoma go tšweletša dinepe tša ditaba tša moso wo o latelago. O ile a lemoga selo se sengwe sa go se tlwaelege ge a goga seswantšho sa mathomo go tšwa go motswako wa go tšweletša. Se, bjalo ka tše di latelago tše tlhano diswantšho, se be se se na le selo. O ile a swara pelo ya gagwe gomme a wela pele ge a goga segatišwa sa mafelelo go tšwa go motswako. Fao, godimo ga seswantšho sa mafelelo, go be go le Pilara ya Mollo ka sebopego sa go bonagala e khutšitše bokagodimo ga hlogo ya moporofeta wa Modimo, William Marrion Branham.
Bana ba Israele ba ile ba hlatsela Pilara ya Mollo e etile Moshe pele, gomme batho ba letšatši le la sebjalebjale ba hlatsetše Pilara ya Mollo ye e swanago e etile pele moporofeta yo mongwe gape.
Seswantšho ka pela se ile sa bušetšwa kua go George J. Lacy, Mohlahlofi Wa Profešene wa Ditokomane Tše Di Botšišwago tša U.S. F.B.I., yo a ilego a hlatsela senepe ka kgopolo ya gagwe ya bokgoni. Tokomane ya semmušo ye e tšweleleditšwego ke Mohlomphegi Lacy e ka letlakaleng le le latelago.
Se e bile botelele pele dikhomphutha goba dikhamera tša dititšitale, gomme e be e ka se kgone go hlathollwa ka mekgwa ye e itšego ya go tsebja ka saentshe, go no feta gore fao go be go le Seetša sa mmakgonthe bokagodimo ga hlogo ya William Branham. Lehono seswantšho seo se ka kgona go bonwa ka United States Library Of Congress, ka mošate wa setšhaba, Washington DC.