Go molaleng, kolobetšo e bohlokwa kudu, eupša a go a tshwenya ka mokgwa wo re kolobetšwago? A fao go na le kolobetšo ye e nepagetšego, goba se sengwe le se sengwe se ka šoma? Ge o dumela Beibele, gona EYE, fao go na le kolobetšo ye e nepagetšego.

Dikereke tše ntšintšintši di kolobetša Leineng la Tate, Morwa, le Moya wo Mokgethwa, eupša ye ga se ya nepagala go ya ka Beibele.

Ka go Ditiro 19, fao go be go na le batho ba bangwe bao ba bego ba šetše ba dumetše go Jesu Kriste, eupša ba se ba amogela Moya wo Mokgethwa ka dipelong tša bona. Moapostola Paulo o be a tseba tsela ya go nepagala ya go amogela Moya wo Mokgethwa, ka fao a ba botšiša, “Le kolobeditšwe ka efe?” Gomme ba re, “Ka kolobetšo ya Johane.” (Ditiro 19:3) Paulo a bona gore ba be ba se ba kolobetšwa go ya ka taelo ya Petro ka go Ditiro 2:38, ka fao a ba laela gore ba kolobetšwe gape Leineng la Morena Jesu. Ka gona, bjalo ka ge go tshephišitšwe, ba amogela Moya wo Mokgethwa.

Ka fao, ke ka lebaka la eng barutiwa ba kolobeditše Leineng la Jesu ge Jesu, ka Boyena, a ba boditše gore ba ba kolobetše Leineng (e sego “maineng”) la Tate, le la Morwa, le la Moya wo Mokhgethwa? (Mat 28:19) A ba dirile phošo? Aowa! Ba dirile tlwa go ya ka fao ba laetšwego.

Ge o bala sengwalwa se, nagana ka leina la gago. A ke wena morwa? A leina la gago ke, “Morwa”? A ke wena mme? A leina la gago ke, “Mme”? Ka nnete aowa, tšeo e no ba dithaetlele tše bonolo. O na le leina la mmakgonthe, gomme ka fao le Modimo o nalo.

Karabo še:

Gomme fao ga go na le selo se sebjalo ka Beibeleng bjalo ka yo mongwe a kilego a kolobetšwa leineng la Tate, Morwa, Moya wo Mokgethwa; ka gore ga go na le selo se se bjalo. Tate ga se leina; gomme Morwa ga se leina; gomme Moya wo Mokgethwa ga se leina; eupša Leina la Tate, Morwa, Moya wo Mokgethwa ke Morena Jesu Kriste.

Jesu Kriste ke Modimo! Ke Tate, Morwa, le Moya wo Mokgethwa.

Ge o nyaka Moya wo Mokgethwa gomme o makala gore ke ka lebaka la eng Morena a se a go fa wona le bjale, gona o ka nyaka go ipotšiša ka bowena potšišo ye e swanago yeo Paulo a go e botšiša, “Le kolobeditšwe ka efe gona?”

Methopo

Mateo 28:19

Ka gona e yang, gomme le rute ditšhaba ka moka, ka go ba kolobetša leineng la Tate, le la Morwa, le la Moya wo Mokgethwa:

[Na Leina la Tate ke mang? Leina la Morwa? Leina la Moya wo Mokgethwa?]

Mareka 16:16

Yo a dumelago gomme a kolobetšwa o tla phološwa; eupša yo a sa dumelego o tla ahlolwa.

Johane 5:43

Ke tlile leineng la Tate wa ka, gomme ga le nkamogele: ge yo mongwe a etla leineng la gagwe mong, yena le tla mo amogela.

[Ge A etla Leineng la Tate wa Gagwe, gona Leina la Gagwe ke mang?]

Johane 10:30

Nna le Tate wa ka re batee.

Johane 12:45

Gomme yo a bonago nna o bona yo a nthomilego.

Johane 14:8-9

Filipi a re go yena, Morena, re laetše Tate, gona go tla re kgotsofatša.

Jesu a re go yena, A Ke bile le lena nako ye telele ka mokgwa wo, gomme ga se wa be wa ntseba, Filipi? yo a bonego nna o bone Tate; gomme o bolela bjang gona ge o re, Re laetše Tate?

Johane 20:27-28

Gomme a re go Thomase, Tliša monwana wa gago fa, gomme o bone diatla tša ka; gomme tliša seatla sa gago fa, o se fakele ka lehlakoring la ka: gomme o se ke wa ba mohlokatumelo, eupša o dumele.

Gomme Thomase a fetola gomme a re go yena, Morena wa ka le Modimo wa ka.

Ditiro 2:38-39

Gomme Petro a re go bona, Sokologang, gomme le kolobetšwe yo mongwe le yo mongwe wa lena leineng la Jesu Kriste tebalelong ya dibe, gomme le tla amogela neo ya Moya wo Mokgethwa.

Ka gore tshephišo ke ya lena, le ya bana ba lena, le ba ba lego kgole, ba bantši ba Morena Modimo wa rena a tlago go ba bitša.

Ditiro 4:12

Ga go phološo go yo mongwe: ka gore ga go leina le lengwe ka fase ga legodimo le lefilwego magareng ga batho, leo ka lona re swanetšego go phološwa.

Ditiro 8:12

Eupša ge ba dumetše Filipi a rera dilo mabapi le mmušo wa Modimo, le leina la Jesu Kriste, ba ile ba kolobetšwa, mmogo banna le basadi.

Ditiro 19:3-6

Gomme a re go bona, Le kolobeditšwe ka efe? Gomme ba re, Ka kolobetšo ya Johane.

Ka gona Paulo a re, Johane ka nnete o kolobeditše ka kolobetšo ya tshokologo, a botša batho, gore ba dumele go yo a tlago go tla ka morago ga gagwe, ke gore, go Jesu Kriste.

Gomme ge ba ekwa se, ba kolobetšwa leineng la Morena Jesu.

Gomme ge Paulo a beile diatla godimo ga bona, Moya wo Mokgethwa wa tla godimo ga bona; gomme ba bolela ka maleme, gomme ba porofeta.

Baefeso 4:5

Morena ke o tee, tumelo ke e tee, kolobetšo ke e tee,

Bakolose 3:17

Gomme tšohle le ka di dirago ka lentšu goba ka diatla, di direng ka moka leineng la Morena Jesu, le leboge Modimo le Tate ka yena.

I Johane 5:7

Ka gore go na le ba bararo ba fago bohlatse legodimong, Tate, Lentšu, le Moya wo Mokgethwa: gomme ba bararo ba ke o tee.