Ka moka e thomile ka dithabeng tša Kentucky. O be a no ba mošimane ge tatagwe a tšhabela molao gomme a šuthišetša lapa la gagwe Jeffersonville, Indiana. O bolela ka dipono tša gagwe tša mathomo le ka fao Morena a go mmotša gore a phele bophelo bja go hlweka. O be a nyetše pelobosana bja gagwe gomme o be a ipshina ka bophelo bja lethabo bjalo ka modiredi yo moswa le mošomo wa go iketla le bana ba babedi, eupša nako yeo kotse ya ratha. O ka se be yo a swanago ka morago ga go theeletša Mor. William Branham a bolela ditaba tša bophelo bja gagwe.

Lefase la sebjalebjale la bodumedi le re rutile gore go ba Mokriste ke go tšoena kereke. Ka therešo, dikereke tša maina di aroganya batho ka diripana le bodumedi bja go dumela motho, di re bea kgahlanong mongwe le mongwe. Phološo e ka kgona go hwetša ga bonolo ka go ba leloko la kereke ya leina. A rena “Bakriste” re dirile dithutotumelo le dithutotayo kemedi ya kopanelo ya sebele le Morena Jesu Kriste? Ke nako ya go boela morago go Beibele.

Sese se batho ba bantšhi ba naganago gore se diregile ka Tshemong ya Edene: Modimo o boditše Adama le Efa gore ba seke ba ja kenywa ye e itšego. Sepente e “foretše” Efa ka go jeng kenywa. Ka gona Efa a e fa Adama, gomme a dira selo se se swanago, se sa go ba dira gore ba tsebe gore ba be ba ponoka gomme sa hlahlela go weng ga leloko la batho. Dipotšiso tša molaleng ke: ke noga ya mohuta mang ye e kgonago go bolela, ke ka lebaka la eng go ja kenywa go buletše mahlo a bona go maponapona a bona, gomme ke ka lebaka la eng ka pela ba bile le bana ka morago ga se? Karabo e bonolo, gomme thero ye e a se hlatholla.

Ke na le nnete gore Ke bolela le batho mosong wo ba ba tlilego lefelong leo. Ke bile fao makga a mantšhi ka bonna. Ge Ke ile ka ya morago go lata mohlala wa bophelo bjaka gomme ka ribolla leswika le lengwe le le lengwe, gomme Ka hwetša gore Ke dirile se sengwe ka go fošagala, ke be ke tla ya go se bolela gomme ke re, “Morena Modimo, ke tla se lokiša,” gomme ke ye ke dira bjalo. Ka gona ke tla morago gape gomme ke re, “Bjale, Morena, Wena O Modimo; O tla nkaraba. Ka therešo ke phethagaditše kgopelo ye nngwe le ye nngwe yeo O nyakilego gore ke e dire. Gomme senyakwa se sengwe le se sengwe, ke se phethagaditše.” Gomme go le bjalo, ga A Šuthe, o bonala a homotše, yeo ke nako ye o swanetšego go ba le bone gore ke Yena Modimo. O seke wa nolega moko...

Mengwaga ye dikete tše pedi ya go feta, Jesu Kriste o fetše bophelo bja Gagwe go motho yo mongwe le yo mongwe yo a kilego a sepela polanete Lefase. Na letšatši lela kua Khalebari le be le era go reng go yo mongwe le yo mongwe wa rena? Le re file ka moka sebaka se sebotse go amogela Bophelo bjo Bosafelego. Ge pelo ya gago e hlologetše go ba le segwera sa sebele le Mophološi wa gago, gona le ke lefelo le le botse go thoma.

Thomo ya William Branham go tšwa go Modimo e goteditše tsošeletšo ya phodišo lefase tsekelele ya morago go bo 1940 le 1950. Baebangedi ba bjalo ka Oral Roberts, T.L Osborne, le Jack Coe ba latetše ka dikgatongkoto tša gagwe gomme ba fetola sefahlego sa lefase la Bokriste. Wo ke ka mokgwa wo e thomilego ka gona.