Re ka re thuto ya kereke ya rena ya “semmušo” e tla ba Beibele, go tloga go Genesi go fihla go Kutollo. Setatament sa rena sa tumela se ka ngetlofatšwa ka mokgwa wo: E sego thutotayo eupša Kriste; e se go molao eupša lerato; e se go puku eupša Beibele.

Eye! Bakriste ba swanetše go dumela ka moka Lentšu la Modimo; ke ka lebaka leo re yago kerekekng gomme re bala Dibeibele tša rena. Ke ka lebaka la eng o dumela karolo ya Beibele ye e rego Jesu o hwetše dibe tša gago, gomme wa se be le taba le gore sebe se thomile bjang ka Tšhemong ya Edene?

Mmele wa Kriste ga se bodumeditsoko goba kereke ya leina, gomme senyakwa se nnoši sa boleloko ke gore o dumele go Morena Jesu. O seke wa tshwenyega ka go ba le boitsebišo bja gago go tlatša dipampiri le mmušo wa kereke. E no dumela Lentšu, Gomme Morena o tla hlokomela tšohle.

Ga se rena mokgatlo kereke, eupša re hlankela dikete tša dikereke le dikete tše diketekete tša batho go dikologa lefase ka go ba fa materiale wa bodumedi. Morero wa rena ke go tutuetša batho go tla kgauswiuswi le Morena Jesu ka go dira Ebangedi ya Gagwe gore e hwetšagale go yo mongwe le yo mongwe goodimo ga sefahlefo sa lefase.

Ge o sa kgone go hwetša yo mongwe a ka go kolobetšago Leineng la Morena Jesu Kriste, re romele email le lefelo la gago gomme re tla go romela lenaneo la dikereke ka tikologong ya gago tšeo di ka kgonago go go kolobetša ka mokgwa wa maleba. Elelwa, go ya ka Beibele ke mo go bohlokwa go kolobetšwa Leineng la Jesu, gomme e sego ka dithaetlele tša Tate, Morwa le Moya wo Mokgethwa

Morena Jesu o rile, “Le seke la ahlola, gore le lena le seke la ahlolwa.” Ga go na le monna yo a nago le maatla taolo go ahlola phološo. Jesu gape o rile, “Yo a dumelago gomme a kolobetšwa o tla phološwa; eupša yo a sa dumelago o tla ahlolwa.” Ka fao ga go kgathalege ge e ba o Mokatoliki, Mapatist, goba Mopentecost; ge o dumela go Morena Jesu Kriste gona o tla phološwa.

Voice Of God Recordings, Inc. ke bodiredi bja mohlakanelo wa dikereke bjo bo ineetšego go išapele Ebangedi ya Morena Jesu Kriste. Mothopo wa motheo wa materiale wo re o phatlalatšago ke dithero tša go gatišwa tša mofeti William Marrion Branham, moporofeta wa Modimo le moebangedi yo a lemogwago-ditšhabeng. Go fihlella ntle ga rena go akaretša MP3 CDs, di DVD, dibitio, didirišwaboleta, dipuku, dikgatišobaka, dithereke, dinepe, mangwalo a ditaba, le diwebsite.

Moruti Branham e be e le moebangedi wa go tsebega-lefaseng yo a bego a le tšhemong ya boromiwa go tloga ka 1947 go fihla ka 1965. E sego feela gore o hlahletše dikete tše diketekete go Kriste, eupša Modimo o hlatsetše bodiredi bja gagwe ka mehlolo ye e sa balegego. Kopanyo ye e tla go fa matseno go bodiredi bja gagwe.

Yoe ke potšišo ye botse, gomme ke yona ye re ka ratago go e botšiša ka moka dikereke tša moelamogolo lehono. Modimo o rometše moporofeta. Ke ka lebaka la eng ye nngwe le ye nngwe e sa bolele ka yona? Di swanetše go be di dira.

Ke ka lebaka le le swanago leo Joshua a bego a bea go gatelela mo go kaaka go Moshe. Moshe e be e le moporofeta yo a tlišitšego Molaetša go tšwa go Modimo. Ngwanešu Branham o dirile selo se se swanago.

Paulo o rile ka go I Bakorinthe 11:15: “Eupša ge mosadi a na le moriri wo motelele, ke letago go yena: ka gore moririr wa gagwe o filwe yena gore e be seapešo.” Paulo gape o rile basadi ba swanetše “ba itlhame ka bobona ka diaparo tša go hlomphegaˆˆˆ” gomme Moshe o rile, “Mosadi a seke a apara seo se dirilwego go swana le sa monna.” Ge Beibele e se bolela, gona Mokriste wa therešo o tla se dumela.

O tla hwetša diwebsite tše di gafetšwego go ganetša eng kapa eng le se sengwe le se sengwe, go akaretša Beibele. Ga bonolo re kgopela gore o ahlole Molaetša wo re go neetšego wona ka Lentšu la Modimo e sego ka dihloka karabo tšeo di lego bonolo go hwetšagala go internete. Elelwa, ga go le o tee yo ilego a kwerwa go feta Morena Jesu. Ge o dira selo se sengwe gabotse, gona o ka kgona go letela ditshwaswalatšo.

Ela hloko ga go lefelo godimo ga website ye go dira meneelo. Ge nako e etla ya gore re swanetše go kgopela tšhelete, gona nako e tlile ya gore bodiredi bjo bo fele. Bjo ga se ka tšhelete, ke ka go tliša disoulo go Jesu Kriste.

Beibele e re, “tumelo e tla ka go kwa,” ka faore go tutuetša gore o tšwele pele go theetša. Re na le dithero tša go gatišwa tša go feta 1200 tše di lego gona o ka do rafollago mahala. Re ka kgona go go romela materiale ka poso ge o na le bothata bja go rafolla difaele tša eleketheroniki.

www.branham.org e romela ditaba tša letšatši ka letšatši le mabopaki ao a amanago le bodiredi bja rena. Re a go laletša gore o re etele letšatši ka letšatši gomme o bale diraporoto go tšwa go badumedi go dikologa lefase. O ka makatšwa ke gore ke dilo tše kae tše kgolo tše Morena Jesu a di dirago thwi bjalo, ka letšatšing le la sebjalebjale.