Bonang, ke tla le romela Eliya moporofeta pele ga go tla ga letšatši le legolo le le šiišago la MORENA:
Gomme o tla bušetša pelo tša botate go bana, gomme pelo tša bana go botatago bona, gore ke seke ka tla gomme ka otla lefase ka thogako.

Puku ya mafelelo ya Testamente ye Tala e tshephiša go senywa ga lefase. Eupša pele ga bofelo, Eliya moporofeta o bolellwa pele go bowa gape go tsebiša Mesia. Ba bangwe ba re Johane Mokolobetši o phethagaditše seporofeto se.

Dikete tše pedi tša mengwaga tša go feta, Bajuta ba be ba letile Mesia gore a tle. Ba be ba tseba gore Maleaki o ile a porofeta monna ka moya wa Eliya yo a bego a tla tsebiša Mesia go bona. Eupša ge Johane Mokolobetši ge a tlile, o be a se se ba bego ba letetše Eliya go ba sona. Ge ba be ba botšiša Jesu ka gore ke ka lebaka la eng Eliya a se a tla pele, O ile a ba botša ka go hlathologa gore Johane o be a le phethagalo ya seporofeto seo. “Gomme ge le ka e amogela, yo ke Eliase, wo a bego a swanetše go tla.” (Eliase ke mokgwa wa Segerika wa leina la Seheberu, Eliya.)

E bile feela sehlopha se sennyane sa batho se sa go amogela kutollo ye. Go baetapele ba bantšintšintši ba bodumedi, Johane o be a sa fete moswaswalatši wa mafolofolo a godimo wa mekgatlo ya bona. E sego feela gore ga se ba ke ba lemoga moya wa Eliya, eupša sa go befa, ba phošitše Go tla ga Kriste.

Ka fao na Johane Mokolobetši o phethagaditše seporofeto sa Maleaki? E sego ka go felela.

Pele ga tšohle, lefase ga se la “swa bjalo ka obene” le bjale, ka fao re a tseba gore bonnyane karolo ya Maleaki 4 e sa tlile go direga. Karolo ye nngwe ya Lengwalo yeo e sego ya be ya phethagatšwa ke Johane e bile, “go bušetša pelo tša bana go botatago bona.” Gomme, Jesu, ka Boyena, o porofetile gore Eliya o tla (ka moso) tla gomme a bušetša dilo ka moka. (Mat 17:11)

Ka fao re swanetše go ba re lebeletše Eliya pele ga go Tla la Bobedi ga Kriste!

Bjale, letšatši le la sebjalebjale, ke nako ya go Tla la Bobedi ga Morena Jesu. Gape, re a tshephišwa gore moya wa Eliya o tla Mo tsebiša go rena go ya ka Maleaki 4. Eupša ke sehlopha sefe sa batho se se tlago go lemoga Eliya ge a etla? Ke feela bao ba mo lebeletšego.

Mantšu a a Morena le Mophološi wa rena a tla mogopolong ge re gopola ka seporofeto sa Maleaki mo diiring tše tša go tswalela ga nako:

Eupša Ke botša lena, Gore Eliase o šetše a tlile, gomme ga se ba ke ba mo tseba…Mateo 17:12

Go ka reng ge e ba re phošitše go tla ga Eliya? A gona re tla phoša go Tla la Bobedi ga Kriste, go swana le ka fao ba mangwalo le Bafarasei ba phošitšego go Tla ga Gagwe ga pele ka baka la gore ba se ba ke ba lemoga Johane Mokolobetši?

Methopo

II Dikgoši 2:15

Gomme ge barwa ba baporofeta bao ba bego ba swanetše go bona godimo ga Jeriko ba mmona, ba rile, moya wa Eliya o khutšitše godimo ga Elisa. Gomme ba tla go mo gahlanetša, gomme ba ikinamišetša fase pele ga gagwe ka bobona.

Jesaya 40:3-4

Lentšu la yo a goelelago lešokeng, Lokišang lena tsela ya MORENA, dirang go otlolla ka leganateng tselalephefo ya Modimo wa rena.

Moedi wo mongwe le wo mongwe o tla phagamišwa, gomme thaba ye nngwe le ye nngwe le mmoto di tla kokobetšwa: mo go kgopamilego go tla otlollwa, gomme mo go lego makukuno go tla latšwa: [Johane Mokolobetši]

Maleaki 3:1

Bonang, Ke tla romela motseta wa ka [Johane Mokolobetši], gomme o tla lokiša tsela pele ga ka: gomme Morena, yo le mo nyakago, ka pele o tla tla tempeleng ye ya gagwe, yena motseta wa kgwerano, yo le mo thabelago: bonang, o tla tla, go rialo MORENA wa mašaba.

Maleaki 4:1-6

Ka fao, bonang, letšatši le etla, leo le tlago go fiša bjalo ka obene [ga se la be la direga le bjale]; gomme baikgantšhi ka moka, ya, le ka moka ba ba dirago bobe, ba tla ba makobe: gomme letšatši leo le tlago le tla ba tšhuma, go rialo MORENA wa mašaba, gore le se ba šadiše modu le ge e le lekala.

Eupša ge e le lena ba le boifago leina la ka le tla hlabelwa ke Letšatši la toko la phodišo diphegong tša lona; gomme le tla ya pele, gomme le golela godimo bjalo ka mamane a lešaka.

Gomme le tla gatakela fase ba babe; ka gore ba tla ba melora ka fase ga disola tša maoto a lena ka letšatši leo ke tlago go dira se, go rialo MORENA wa mašaba.

Gopolang lena molao wa Moshe mohlanka wa ka, wo Ke mo laetšago wona Horebe o ela Israele ka moka, e le ditaelo le dikahlolo.

Bonang, Ke tla le romela Eliya moporofeta pele ga go tla ga letšatši le legolo le le šiišago la MORENA:

Gomme o tla bušetša pelo tša botate go bana [Johane Mokolobetši], le pelo tša bana go botatago bona [Eliya wa sebjalebjale], gore Ke seke ka tla gomme ka otla lefase ka thogako.

Mateo 11:10

Ka gore yo ke yena, yo go ngwadilwego ka yena, Bonang, Ke romela motseta wa ka pele ga sefahlego sa gago, yo a tlago go lokiša tsela pele ya gago. [Maleaki 3:1, Johane Mokolobetši]

Mateo 11:14

Gomme ge le ka e amogela, yo ke Eliase, wo a bego a swanetše go tla. [Johane Mokolobetši]

Mateo 17:11-12

Gomme Jesu a araba a re go bona, Eliase ka nnete ke wa go tla pele, le go bušetša dilo ka moka. [Eliya wa sebjalebjale]

Eupša Ke botša lena, Gore Eliase o šetše a tlile, gomme ga se ba ke ba mo tseba, eupša ba mo dirile tše ba di ngwadilego. Ka wona mokgwa woo Morwa motho o tla tlaišega ka tšona. [Johane Mokolobetši]

Luka 1:17

Gomme o tla moeta pele ka moya le ka maatla a Eliase, gomme o tla bušetša dipelo tša botate go bana, le baganetši go bohlale bja baloki; e be go lokišetša Morena batho ba ba mo letetšego. [Johane Mokolobetši]