Genesi 3:1

Bjale serpente e be e hlalefile kudu go feta phoofolo efe kapa efe ya naga ye MORENA Modimo a e dirilego. gomme a re go mosadi, ya, a Modimo o rile, le seke la ja sehlare se sengwe le se sengwe sa tšhemo?

Genesi 3:6-7

Gomme ge mosadi a bona gore sehlare e be e le se sebotse go ba sejo, gomme se kgahliša mahlong, gomme sehlare sa go dumega go dira yo mongwe a hlalefe, a tšea kenywa ya sona, gomme a ja, gomme gape a fa le monna wa gagwe a nago naye; gomme a ja.

Gomme mahlo a bona mmogo a bulega, gomme ba tseba gore ba be ba ponoka; gomme ba rokaganya matlakala a mogo mmogo, gomme ba itirela dithethwane ka bobona.

Genesi 3:14-15

Gomme MORENA Modimo a re go serpente, ka baka la gore o dirile se, o rogakilwe go mohlape ka moka, le ka godimo ga phoofolo ye nngwe le ye nngwe ya naga; o tla sepela ka mpa ya gago, gomme o tla ja lerole matšatši ka moka a bophelo bja gago:

Gomme ke tla bea bonaba gare ga gago le mosadi, le gare ga peu ya gago le peu ya gagwe; e tla go pšhatla hlogo, gomme wena o tla e loma serethe sa gagwe.

Se ke sebe sa mathomo se se ngwadilwego ka Beibeleng. Ya go hlalefa kudukudukudu magareng ga diphoofolo, serpente, e “radietše” Efa ka go jeng seripana sa kenywa ye e ileditšwego. O ile a e ja gomme ka gona a e fa le monna wa gagwe, gomme ya ba dira gore ba lemoge gore ba be ba ponoka.

Dipotšišo tša molaleng ke: Noga e ka kgona bjang go bolela? Na apola e dira eng le go ba mapona? Gomme, peu ya serpente e tsena kae ka go ka moka tše?

Beibele e re serpente e be e le ya go “hlalefa” kudukudukudu go diphoofolo ka moka. O be a swana le motho, gore a be a kgone go sepela, go bolela, gomme a be a be le bohlale bja poledišano. Ka morago ga go radiela mosadi wa Adama, Modimo o ile a mo rogaka gomme ya ba noga, eupša e sego pele tshenyo e dirilwe gomme peu e bjetšwe.

Beibele e bolela ka go Genesi 3:15 gore serpente e bile le peu, gomme Modimo o beile bonaba magareng ga dipeu tše pedi. Go molaleng, peu ya serpente e ile ya hlakana le peu ya tlhago ya Efa pele ga karogano. Go be go ka kgonega bjang gore ka moka tše e be dipoelo tša go ja apola? Ka gona, ditemana di sego kae ka morago, “Adama o ile a bitša leina la mosadi wa gagwe gore ke Efa; ka baka la gore e be e le mmago diphedi ka moka.” Ela hloko gore ga e re Adama e be e le tatago diphedi ka moka.

Fao go na le “dikenywa” tša go fapana ka Beibeleng. Ka nnete, fao go na le kenywa ya nnete, bjalo ka apola, yeo e melago gomme e lewa bjalo ka sejo. Fao gape go na le kenywa ye e rago mediro ya rena, gore ke mediro ya tlhago go swana le bolemi le kgwebo, goba ke mediro ya semoya bjalo ka go dira mehlolo le go rera Ebangedi. Gona, fao go na le kenywa ya popelo, e rago go ima le tswalo ya ngwana.

A go ja kenywa ya nnete go ka fa Adama le Efa kwišišo ya gore ba be ba ponoka? Goba, go tšea kamano ya senama magareng ga monna le mosadi go kwišiša gore ke ka lebaka la eng ba swanetše go khupetša ditho tše di itšego tša mebele ya bona?

Gabotse go diregile eng letšatši lela ka Tšhemong seo se dirilego gore bomotho ka moka bo we?

Bjalo ka ge Peu ya mosadi e bile go ikatiša ga Modimo ka Boyena ga mmakgonthe ka nameng ya motho, ka fao peu ya serpente ke tsela ya mmakgonthe yeo Sathane a hweditšego gore o be a kgona go ipulela lemati ka boyena go tsena ka lelokong la batho. Go be go sa kgonege go Sathane (ka gore o no ba sebopiwa sa moya se se HLOTŠWEGO) ikatiša ka boyena ka mokgwa wo Modimo a ikatišitšego ka Boyena, ka fao bohlatse bja Genesi bo re botša ka fao a tšweleditšego peu ya gagwe gomme a itsebiša goba a itlhabella ka boyena ka lelokong la batho. Gape elelwang gore Sathane o bitšwa “serpente.” Ke peu ya gagwe goba go itlhabella ka lelokong la batho re bolelago ka gona.

Pele ga ge Adama a be a ka ba le tsebo ya senama go Efa, serpente o ile a ba le tsebo yeo pele ga gagwe. Gomme yo motee yo a tswetšwego ke yona e bile Kaine. Kaine e be e le wa (o tswetšwe ke, ke wa yo) yola yo “Mobe yo Motee,” I JOHANE 3:12.

…Therešo ya taba ke gore Efa o bile le barwa ba BABEDI ka popelong ya gagwe (mafahla) go tšwa go dikemišo tša go AROGANA. O be a rwele mafahla, ka kamaro ya Kaine nako ye e itšego pele ga yela ya Abele.

Methopo

Genesi 3:6-7

Gomme ge mosadi a bona gore sehlare e be e le se sebotse go ba sejo, gomme gore se be se kgahliša mahlong, gomme sehlare sa go dumega go dira yo mongwe a hlalefe, a tšea kenywa ya sona, gomme a ja, gomme gape a fa le monna wa gagwe a nago naye; gomme a ja.

Gomme mahlo a bona mmogo a bulega, gomme ba tseba gore ba be ba ponoka; gomme ba rokaganya matlakala a mogo mmogo, gomme ba itirela dithethwana ka bobona.

[Ba be ba ka tseba bjang gore ba be ba ponoka go tšwa go jeng seripana sa kenywa?]

Genesi 3:13-15

Gomme MORENA Modimo a re go mosadi, Ke eng se o se dirilego? Gomme mosadi a re, Serpente o nthadiile, gommme ka ja.

Gomme MORENA Modimo a re go serpente, Ka baka la gore o dirile se, o rogakilwe godimo ga mohlape ka moka, le ka godimo ga phoofolo ye nngwe le ye nngwe ya naga; o tla sepela ka mpa ya gago, gomme o tla ja lerole matšatši ka moka a bophelo bja gago:

Gomme ke tla bea bonaba gare ga gago le mosadi, le gare ga peu ya gago le peu ya gagwe; e tla go pšhatla hlogo, gomme wena o tla loma serethe sa gagwe.

[Serpente e bile le peu. Go molaleng, gore se ga se re noga.]

Genesi 3:20

Gomme Adama o ile a bitša leina la mosadi wa gagwe gore ke Efa; ka baka la gore e be e le mmago diphedi ka moka.

[Ke ka lebaka la eng Adama a sa bitšwe tatago diphedi ka moka?]

Genesi 4:1-2

Gomme Adama a tseba Efa mosadi wa gagwe; gomme a ima, gomme a belega Kaine, gomme a re, ke hweditše monna go tšwa go MORENA.

Gomme gape a belega ngwanabo Abele. Gomme Abele e be e le morui wa dinku, eupša Kaine e be e le molemi wa mobu.

[Ka moka bophelo bo tšwa go Modimo, goba bo imilwe ka semolao goba ka ntle ga molao. Sathane ga a kgone go hlola bophelo.]

Luka 3:38

E be e le morwa wa Enose, yo e bego e le morwa wa Sethe, yo e bego e le morwa wa Adama, yo e bego e le morwa wa Modimo.

[O kae Kaine leitšibolo ka lelokong la Adama?]

I Johane 3:12

E sego bjalo ka Kaine, yo e bego e le morwa wa yo mobe, gomme o bolaile ngwanabo. Gomme o mmolaetše eng?

Ka baka la gore mediro ya gagwe e be e le ye mebe, gomme ya ngwanabo e be e le ya go loka.

[Modimo o hlotše Adama ka seswantšho sa Gagwe mong. Na bobe bja Kaine bo tšwa kae, gomme toko ya Abele etšwa kae? Maabela a bona ba a tšere go tšwa go bo tatago bona.]

Juda 1:14

Gomme Henoge le yena, monna wa bošupa go tšwa go Adama, o ile a porofeta ka tše, a re, Bonang, Morena o a tla le bakgethwa ba gagwe ba dikete tše lesome,

[Ga go gona ka Beibeleng fao Kaine a lego ka lelokong la Adama.]