Wona mantšu a mafelelo a ngwadilwego ka Tastamenteng ye Tala a fa tshephišo ye: “Bonang, Ke tla le romela Eliya moporofeta pele ga go tla ga letšatši le legolo le le šiišago la MORENA: Gomme o tla bušetša pelo tša botate go bana, le pelo tša bana go botatago bona, go sego bjalo Ke tla tla ka itia lefase ka thogako.” (Mal 4:5-6)
Letšatši le legolo le le šiišago la Morena le sa tla, ka fao re swanetše go lebelela moporofeta Eliya ka tlhokofalo. Ka Beibeleng, baporofeta ba be ba sa tle go moela mogolo wa mekgatlo ya bodumedi. Ba tlile go ba ba kgethilwego ba sego nene. Eleletša ge moporofeta wa Maleaki 4 a tlile, gomme a phošwa. Go ka reng ge e ba o swana le baporofeta ba kgale, gomme feela batho ba go tlala seatla ba mo lemoga? Ge moporofeta yo e le wa go bowa ka letšatši la mafelelo, re tla mo tseba bjang? Karabo ka go ba molaleng e bonwa ka Mangwalong. O tla ba le tlhago ya moporofeta. O tla tseba diphiri tša pelo. O tla dira mehlolo. Mekgatlo ya bodumedi e tla leka go mo rola dihlora. Eupša fao go tla ba ba ba kgethilwego e sego ba bakae ba tlago go mo lemoga bjalo ka motseta yo a tshephišitšwego wa letšatši.
Re tla tseba bjang ge Eliya a bowa? Ke dimelo dife tše a tla di pealatšago gore re kgone go mo lemoga?
Eliya e be e le monna wa lešoka. Maswao a magolo le dimaka di be di latela bodiredi bja gagwe. O rerile kgahlanong le mabobe a letšatši la gagwe. Ka go kgethega o rerile kgahlanong le go hloka maitshwaro ga Mohumagadi Jezebele. Ge Eliya a tšeelwa godimo Legodimong ka koloi ya mollo, moya wa gagwe wa wela godimo ga Elisa. Maswao a magolo le dimaka ka gona tša swaya bodiredi bja Elisa, gomme le yena a rera kgahlanong le dibe tša lefase. Bohle baporofeta ba eme gotee kgahlanong le mekgatlo ya bodumedi ya letšatši leo. Makgolo a mengwaga ka morago, moya wo o swanago wa bowa lefaseng ka go Johane Mokolobetši. Moporofeta Maleaki a bolella pele gore Eliya o be a tla bowa go tsebiša Morena: “Bonang, Ke tla romela motseta wa ka, gomme o tla lokiša tsela pele ga ka...” (Maleaki 3:1). Johane Mokolobetši o be a le therešo go fomo ge a be a biletša tshokologong magareng ga bana ba Modimo. Bjale ka Eliya, o rerile kgahlanong le kgoši le mekgatlo ya sebjalebjale ya bodumedi. Morena Jesu o tiišeditše gore Johane Mokolobetši e be e le moporofeta wa Maleaki 3 ka go Puku ya Mateo (11:10): “Ka gore yo ke yena, go ngwadilwego ka yena, Bonang, Ke roma motseta wa ka pele ga sefahlego sa gago, yo a tlago go lokiša tsela ya gago pele ga gago.” Luka 1:17 e bolela gore moya wa Eliya (Eliase) o be o swanetša go ba ka go Johane Mokolobetši, “Gomme o tla ba eta pele ka moya le ka maatla a Eliase, go bušetša dipelo tša botate go bana.” Eupša ela hloko gore karolo ya bobedi ya Maleaki 4 e be e se ya be ya phethagatšwa: “…le pelo tša bana go bo tatago bona, gore Ke seke ka tla gomme ka otla lefase ka thogako.” Karolo yeo ya Lengwalo e tla tla go phethega pele ga Go Tla la Bobedi ga Kriste.
Dikete tše pedi tša mengwaga ka morago ga Johane Mokolobetši, ke nako gape gore moya wa Eliya o boele lefaseng.
Letšatši leo le tlile! Mo lebakeng le, re bone moya wa Eliya o boile. O ganne tshepedišo ya kereke tša maina ya sebjalebjale. O eme kgahlanong le dibe tša lefase. O laeditše maswao le dimaka tša go se balege. O rerile Beibele lentšu-ka-lentšu go tloga go Genesi go fihla go Kutollo. Moporofeta wa Maleaki 4 o tlile bjalo ka ge go tshephišitšwe, gomme o tlišitše Molaetša go tšwa Teroneng ya Ramaatlaohle Modimo. Leina la moporofeta yoo ke William Marrion Branham. Re mmitša “Ngwanešu Branham.”
“William Branham, yo ke mo ratilego le go mo dumela go ba moporofeta wa Modimo.”
Oral Roberts, moebangedi wa go tsebega-lefaseng le mothomi wa Oral Roberts University.
“William Branham o tlile tseleng ya rena bjalo ka moporofeta wa Modimo gomme a re laetša ka go ngwagakgolo wa masomepedi tlwa dilo tše di swanago tšeo ra go di laetšwa ka go Diebangedi…Modimo o etetše batho ba Gagwe, ka gore moporofeta yo mogolo o tsogetše godimo magareng ga rena.”
Ngak. T.L. Osborn, moebangedi wa Pentecost le mongwadi wa go phethagatša.
“Pele ga ge a rapelela motho, o tla fa ditaba ka botlalo tša nepagala mabapi le mefokolo ya motho, gomme gape le ditaba ka botlalo tša maphelo a bona – toropokgolo ya bona, mešomo, ditiro – gape le tsela morago ka bjaneng bja bona. Branham ga se a ke gatee a dira phošo ka lentšu la tsebo go ka moka mengwaga ge ke be ke na le yena. Seo se akaretša, ka tabeng ya ka, mehlala ye dikete.”
Ern Baxter, moebangedi, molaodi wa Dikhampheine tš Branham mengwaga ye e šupago, le yo motee wa baetapele ba setlogo ba British New Church Movement.
E sego go tloga fale Morena Jesu Kriste a sepetšego lefase monna o kile a ama lefase ka tsela ye ya go itlhaola. Go tloga go mathomo a go kokobela ka gare ga ngwakwana wa dikota wa kamora e tee ka dithabeng tša Kentucky, go fihla Amarillo Texas fao Morena a go mo tšeela Gae, bophelo bja gagwe go tšwelapele bo be bo swaiwe ke ditiragalo tša ka godimo ga tlhago. Ka tšhupetšo ya Morongwa wa Morena ka 1946, bodiredi bja Ngwanešu Branham bo tšweleditše tlhase ye ya go gotetša lebaka la ditsošeletšo tše kgolo tša phodišo tšeo tša go swiela go kgabola Amerika le go dikologa lefase. Go fihla letšatši le, o amogelwa ke borehistori ba Bokriste bjalo ka “tate” le “mmeakanyalebelo” wa tsošeletšo ya phodišo ya bo 1950 yeo ya go fetola Kereke ya Pentecost gomme ka pele ya fa go tsoga ga mokgatlo wa Semoya, woo lehono o huetšago e ka ba kereke ye nngwe le ye nngwe ya leina ya Maporotesetenta. Go le bjalo, therešo go fomo, dikereke tša maina di fokotša dithuto tša gagwe gomme di gana thomo ya gagwe.
Mo gohle a bego a eya, Modimo o hlatsetše gore Ngwanešu Branham ke moporofeta go moloko wo. Bjalo ka Jobo, Morena o boletše le yena ka sesaeseding. Bjalo ka Moshe, Pilara ya Mollo e bonwe e mo hlahla. Bjalo ka Mika, o ile a swaswalatšwa ke barute. Bjalo ka Eliya, e be e le monna wa lešoka. Bjalo ka Jeremia, o ile a rongwa ke Morongwa. Bjalo ka Daniele, o ile a bona pono ya bokamoso. Bjalo ka Morena Jesu, o ile a tseba diphiri tša pelo. Gomme bjalo ka Paulo, o ile a fodiša balwetši.
Morena gape o etetše batho ba Gagwe ka moporofeta. Ka nakong ya leswiswiswiswiswiswi ka historing, fao boitshwaro bo subeletšego mabotebong ga se gwa ke pele gwa bonwa dibetša tša tshenyo ka mokgobo di kukutlologa ka lehlakoreng, monna wa go kokobela o ile a rongwa go tšwa bogoneng bja Modimo go biletša setšhaba se se hwago tshokologong.
Morutiwa wa go ratega Johane o ngwadile ka Morena Jesu: Gomme fao gape go na le dilo tše dingwe gape tšeo Jesu a di dirilego, tšeo, ge di be di ka ngwalwa se sengwe le se sengwe, ke gopola gore le lefase ka bolona le be le ka se kgone go swara dipuku tšeo di bego di tla be di ngwadilwe. Amene. (Johane 21:25) Se se swanago se ka kgona go bolelwa ka bophelo bja Ngwanešu Branham. Fao go na le dithero tša go feta 1,200 tše di theipilwego ka disetori tše dikete ka bophelo bja monna yo wa mogale. Go le bjalo re tšwela pele re ekwa mabopaki a maswa a khuetšo ya gagwe godimo ga maphelo a dimilione tša batho. Pukwana ye e ka se kgone go ngapa lebato le boima bjo monna yo wa Modimo a bilego le bjona go lefase.