“Ge ke belegwa ka gare ga ngwakwana wa dikota wo monnyane wa Kentucky godimo kua, Morongwa wa Morena o tlile ka lefasetereng gomme a ema fao. Fao go be go le Pilara ya Mollo.”
Leselaphuthiana le be le sa thoma go hlaba leswiswi la botšedidi bja lefaufau la Aporele. Le letee, la kota lefasetere la emelela go bulega go dumelela seetša sa mosong go tsena ka gare ga kamora e tee ya ngwakwana wa dikota. Robini e eme kgauswi le lefasetere e be e bonala e thantshetšwe ka go ikgetha mosong wo gomme e be e opela bokagodimo ga maswafo a yona. Ka gare ga ngwakwana wa dikota, Charles Branham wa go tlala boswa a beile diatla tša gagwe ka go para ye mpsha-mpsha ya dioborolo gomme a lebeletše fase go mosadi wa gagwe wa 15 ya mengwaga ka bokgale. “Re tla bitša leina la gagwe William,” gwa rialo tate.
Ka lefasetereng gwa tla Seetša sa ka godimo ga tlhago. Seetša sa sepela go kgabola kamora gomme sa akalala bokagodimo ga mpete fao ngwana a bego a sa tšwa go tswalwa. Se e be e le Seetša se se swanago seo se ntšhitšego bana ba Baheberu go tšwa Egepeta. E be e le Seetša se se swanago seo sa go kopana le Paulo tseleng ya gagwe go ya Damasekose. Gomme Se be se tla hlahla ngwana yo monnyane yo go biletša Monyalwa wa Kriste ka ntle ga lefase. Seetša seo e be e se yo mongwe ge e se Morongwa wa Morena, Pilara ya Mollo; gomme gatee gape E bonagetše go monna.
Gomme ka kua, ka gare ga ngwakwana wo wa dikota, mosong woo wa Aporele 6, mmelegiši o ile a bulela lefasetere godimo gore seetša se kgone go bonega ka gare go dira Mme le Papa ba kgone go bona gore ke be ke lebelelega bjang. Nako yeo Seetša e ka ba sa bogolo bja mosamelo sa tla ka gare se dikologa ka lefasetere. Se ile sa rarela go dikologa fao ke bego ke le gona, gomme sa ya tlase godimo ga mpete. Ba malwa ba batho ba thaba ba be ba eme fao. Ba be ba lla.
Legae la go kokobela le be le le ka dithabeng tša borwa bja Kentucky, kgauswi le toropo ye nnyane ya Burkesville. Letšatšikgwedi e be e le Aporele 6, 1909. Ngwana e be e le wa mathomo wa bana ba lesome bao ba bego ba tlile go tswalwa ke Charles le Ella Branham.
E be e se botelele pele Morongwa wa Morena a etela William Branham yo moswa gape.
Ge e sa le ngwana, Morongwa o boletše la mathomo le yena, gore o be a tla phela bophelo bja gagwe kgauswi le toropokgolo ye e bitšwago New Albany. O ile a ya ka ntlong gomme a botša mmagwe seo se bego se sa tšwa go direga. Bjalo ka mme yo mongwe le yo mongwe, ga se a ke a gopola kudu ka setori gomme a mmea mpeteng go mo homotša megalatšhika ya gagwe ye mennyane. Mengwaga ye mebedi ka morago, lapa la gabo la šuthela Jeffersonville Indiana, dimaele di se kae feela go tšwa borwa bja toropokgolo Indiana ya New Albany.
Morongwa gape a bolela le moporofeta yo moswa mengwaga e sego mekae ya go latela. E be e le letšatši la go homola la Setemere ka letšatši le borutho le phadima go kgabola matlakala a mebalabala a lehlabula. Mothaka o be a kaela ka ge a be a rwele emere tše pedi tša meetse go theoga mmila. Mogwang wa mabele o be o tlemeletšwe ka fase ga monwana wa gagwe wa go gobala go o šireletša go tšhila. O ile a dula fase go khutša ka morithing wa mohlare wa mopopolere wo motelele. Megokgo e be e ela go tšwa mahlong a gagwe ka ge a be a lla ka baka la go hloka mahlatse ga gagwe: Bagwera ba gagwe ba be ba ipshina ka bobona ka moleteng wa tikologo wa go thea dihlapi, gomme o be a tantšwe ka go gela tatagwe meetse. Ka pela, phefo ya thoma go dikologa ka mohlareng bokagodimo bja gagwe. O ile a phumula mahlo a gagwe gomme a ema ka maoto a gagwe. O ile a kwa modumo wa matlakala a tšutla ka phefong…eupša fao go be go se phefo. O ile a lebelela godimo, gomme e ka ba seripa sa tsela godimo ga mohlare wa mopopolere, selo se sengwe se se be se dikološa matlakala a go omelela.
Ka pela Lentšu la bolela, “O seke wa nwa goba go kgoga goba go tšhilafatša mmele wa gago ka tsela efe goba efe, fao go tla ba mošomo wa gago wo o tlago go o dira ge o eba yo mogologolo.” Mošemane yo a bego a tšhogile wa mengwaga ye šupa ka bokgale a lahla emere ya gagwe gomme a tšhabela go mmagwe.
Bjalo ka moporofeta Samuele, Modimo gape o ile a bolela le ngwana.
Dibeke di se kae ka morago, o be a bapala dimabolo le ngwanabo yo monyennyane. Maikutlo a go se tlwaelege a tla godimo ga gagwe. O ile a lebelela ka ntle bokagodimo ga Noka ya Ohio gomme a bona leporogo le lebotse. Banna ba lesometshela ba wela go lehu la bona ge leporogo le kgabaganya noka. Moporofeta yo moswa o ile a bona pono ya gagwe ya mathomo. O ile a botša mmagwe, gomme o ile a ngwala setori sa gagwe fase. Mengwaga ye e latelago, banna ba 16 ba wela go lehu la bona ge leporogo la Seterata sa Bobedi ka Louisville, Kentucky le be le agiwa bokagodimo ga Noka ya Ohio.
Morena o be a mo laetša dipono tša bokamoso. Gomme bjalo ka baporofeta pele ga gagwe, dipono ga se tša ke tša feila.