Dipono di ile tša tšwela pele. O ile a botšwa ke bašomammogo ba baruti gore dipono tša gagwe di be di sa tšwe go Modimo. O ile a botšwa gore moya wo mobe o be o mo swere. Seo se ile sa mo fa bothata ka go tiba. Morwalo o ile wa tla go ba wo mogolo go yena go o rwala, ka fao o ile a ya ka lešokeng go hwetša Thato ya Modimo. O be a ikgafile kudu go fihla ge a ena gore a ka se bowe ge a se na le karabo. E be e le kua, ngwakwaneng wa dikota wa go thea, fao Morongwa wa Morena a go mo fa thomo. Magareng ga dilo tše dingwe, Morongwa o mmoditše se: “Ge o dira batho gore ba go dumele, gomme wa hlokofala ge o rapela, ga go selo se se tla emago pele ga dithapelo tša gago, le ge e le kankere.”
Go kamaka ka moka go be go ile. Bjale o be a na le thomo gomme ka sebete a gatela pele. Tsošeletšo ya phodišo e ile ya thoma.
Makgolo a dikete a ile a tsenela dikhampheine tša Branham. Dikete di ile tša fodišwa Leineng la Morena Jesu Kriste. Baebangedi ba bangwe bjalo ka Oral Roberts, T.L. Osborn, le A.A. Allen ka pela ba latela Ngwanešu Branham gomme ba thoma ditsošeletšo tša bona tša phodišo. Morena o ile a nešetša fase ditšhegofatšo tša Gagwe go swana le ka fao go sego gwa ke go eba pele. Seatla sa go fodiša sa Jesu Kriste se ile gape gatee sa kgwatha batho ba Gagwe.
“Ka mehla ke fele ke lla ka lethabo godimo ga mpho ya Modimo ya bjale go kereke ya ngwanešu morategi, William Branham, ka mpho ya gagwe ye botse ya phodišo. Ye ke taba ya Modimo a dira ka go fetiša ka botlalo ka godimo ga ka moka tše re ka di kgopelago goba ra di gopola (Baef. 3:20), ka gore ga se kake ka bona goba ka bala eng kapa eng ye e lekanago le bodiredi bja phodišo bja William Branham.”
Mor. F.F. Bosworth, moebangedi wa go tsebega-lefaseng gomme yo mongwe wa botate ba go thoma kereke ya leina ya Assemblies of God gotee le mokgatlo wa Pentecost wa sebjalebjale.
“Ka mohlaleng wo mongwe, re ile ra mmogela a bolela le monna a robetše ka leakong. Mathomong go be go se na le leswao la bohlale la go araba go tšwa go monna. Tlhathollo nakong yeo e ile ya tšwa go mosadi wa gagwe yo a bego a eme kgauswi, gore monna yoo o be a sa hwe feela ka kankere, eupša o be a le sefowa gomme o be a sa kgone go kwa seo se bego se bolelwa.
Ngwanešu Branham ka gona a re go be go tla ba bohlokwa go monna go hwetša go kwa ga gagwe gore a tle a kgone go mo laela mabapi le go fodiša kankere ya gagwe. Fao go ile gwa ba nako ya thapelo. Ka pela monna ke ge a kgona go kwa! Ye megolo ye metona megokgo ke ge e tokologa go theoga marama a monna yoo yo sefahlego sa gagwe manthapama ka moka se bego se se na le maitšweletšo gomme se sa phele. O be a theeleditše ka kgahlego ya go tiba ge a be a botšwa tokollo ya gagwe go tšwa go kankere.”
Mor. Gordon Lindsay, mongwadi wa go phethagatša, modiredi, le mothomi wa Christ For The Nations Institute.
“Ngwanešu Branham a re, ‘Monna wa Molekgotla o fodišitšwe.’ Pelo ya ka ya taboga. Ke ile ka sepelela ka ntle gomme ka amogela Morena bjalo ka Mofodiši wa ka. Ke ile ka beela ka thoko dikota tša ka…gomme bokafase bja Legodimo bja wela ka ntle!”
William D. Upshaw, monna wa Molekgotla wa US (1919-1927), nkgetheng wa Boprisitente wa US 1932. O golofetše go tloga ge go wa go roba mokolo wa gagwe e sa le ngwana. O be a le 84 ge a fodišwa ka go felela go tšwa go thapelo ya Ngwanešu Branham, ka morago ga go ba segole mengwaga ye 66. Ga se a hlwe a nyaka setulo sa mabili goba dikota bophelo bja gagwe ka moka.
“Ke be ke le godimo ga mokolo wa ka mengwaga ye seswai le dikgwedi tše senyane ka T.B. gomme dingaka di be di nneetše godimo. Ke be ke se sa imele le ge ele diponto tše 50 gomme go be go bonala o ka re kholofelo ka moka e be e ile. Nako yeo go tšwa Jeffersonville, Indiana, gwa tla Mor. WM Branham ka ponong yeo a e bonego ya kwana ye e bego e swerwe ka lešokeng e lla ‘Milltown,’ e lego fao ke dulago. Ngwanešu Branham o be a se a ke a ba fa goba a tsebja go mang kapa mang go tšwa fa. Ge a tlile ka gare, a bea diatla tša gagwe godimo ga ka gomme a rapela, a bitša godimo ga ka Leina la moratwa wa rena Morena Jesu. Selo se sengwe se ile sa bonagala se tšea go ntshwara gomme gatee ke be ke le godimo ke leboga Modimo ka maatla a Gagwe a go fodiša. Bjale ke nna mmapadi wa piano ka kerekeng ya Baptist fa.”
Georgia Carter, Milltown Indiana, o ile a fodišwa T.B. ya magomo ka 1940 gomme ga se a ke a hlwe a tlaišega go tšwa go bolwetši bjo letšatši le lengwe ka bophelong bja gagwe. O emela dikete tše masome tša batho bao ba bego ba fodišwa ka bodiredi bja gagwe gomme bao ba fodišwago le lehono.