Letšatši le lengwe ke ile ka tšea sephetho sa gore ke be ke hweditše tsela ya go fediša pitšo yeo. Ke be ke eya ka ntle bodikela go šoma ka morakeng. Mogwera, Modimo e no ba yo mogolo ntle kua go no swana le ge A le kae kapa kae. A nke o boelwe ka boitemogelo bja ka. Ge A go bitša, Mo arabele.
Mosong wo motee ka Setemere ka ngwaga wa 1927, ke ile ka botša mme gore ke be ke eya leetong la kampa ka Tunnel Mill, e ka bago dimaele tše lesomenne go tloga Jeffersonville fao re bego re dula ka nako yeo. Ke be ke šetše ke polanne leeto la go ya Arizona le bagwera. Ge Mme a ekwa go tšwa go nna gape, ke be ke se ka Tunnel Mill eupša ka Phoenix, Arizona, ke tšhaba go tloga go Modimo wa Lerato. Bophelo bja morakeng e be e le bjo bobose lebakanyana, eupša ka pela bo a tšofala, go swana le maipshino a mangwe le a mangwe a lefase. Eupša a nke ke re re fa, Tumišang Modimo, ka gore boitemogelo ka Jesu go gola go ba bjo bobosebose le bobosebose nako ka moka gomme ga bo tšofale. Jesu o fa khutšo ye e phethagetšego le khomotšo ka mehla.
Dinako tše ntši ke kwele phefo e tšutla go kgabola mephaene ye metelele. Go be go bonala o ka re ke be nka kgona go kwa Lentšu la Gagwe le bitša kgole ka ntle ka sethokgweng, le re, “Adama, o go kae?” Dinaledi di be di bonala go ba kgauswi kudu mo o bego o ka kgona go di topa ka diatla tša gago. Modimo o be a bonala go ba kgauswi kudu.
Selo se setee ka naga yela ke ditsela ka leganateng. Ge o kile wa tloga tseleng, o timela ga bonolo kudu. Dinako tše ntši kudu baeti ba bona matšoba a mannyane a leganata gomme ba ya go tšwa go tsela ya lephefo go a topa. Ba tsekella kgole ka leganateng gomme ba a timela gomme nako ye nngwe ba hwa ka lenyora. Ka fao ke tsela ya Bokriste – Modimo o na le tsela ya lephefo. O bolela ka yona ka go Jesaya, ya 35 tema. E bitšwa “Tsela ya lephefo ya Bokgethwa.” Dinako tše ntši maipshino a mannyane a lefase a go goga go tšwa tseleng ya lephefo. Ka gona o lahlegetšwe ke boitemogelo bja gago le Modimo. Ka leganateng ge o lahlegile, fao nako ye nngwe go bonala meetsekgopolo. Go batho bao ba hwago ka lenyora, meetsekgopolo e tla ba noka goba letsha. Dinako tše ntši batho ba kitima ka morago ga wona gomme ba wela ka go wona eupša feela go no hwetša ba hlapa ka gare ga lešabašaba la go fiša. Nako ye nngwe diabolo o go laetša selo se sengwe seo a rego ke nako ye botse. Seo e no ba go goka kgopolo, ke selo se sengwe seo e sego sa nnete. Ge o ka theeletša o tla ikhwetša ka bowena feela o kgabola manyami godimo ga hlogo ya gago. O seke wa mo šetša, mmadi yo a rategago. Dumela Jesu yo a go fago meetse a a phelago go bona ba ba swerwego ke tlala le go nyorwa.
Letšatši le lengwe ke ile ka hwetša lengwalo go tšwa gae le mpotša gore yo motee wa banešu baka o be a babja kudu. E be e le Edward, yo motee kgauswi le nna. Go le bjalo ke ile ka gopola gore e be e se ya tlhokofalo, ka fao ke ile ka dumela gore o be a tla ba ka moka gabotse. Eupša manthapama a mangwe matšatši a se makae ka morago ge ke be ke etla go tšwa toropongkgolo ke fetile go holo ya marole ka morakeng, gomme ka bona pampiri godimo ga tafola. Ka e topela godimo. E balega, “Bill, etla ka ntle ka mafulong a lebowa. Go bohlokwa kudu.” Ka morago ga ge ke badile tsebišo mogwera le nna ra sepelela ntle go ya mafulong. Motho wa mathomo ka go kopana le yena e be e le Naledi Monoši wa kgale lerentšara le le bego le šoma morakeng. Leina la gagwe e be e le Durfy, eupša re be re mmitša “Pop.” O be a na le ponagalo ya manyami sefahlegong sa gagwe ge a re, “Billy mošemane, ke go swaretše ditaba tše mpe tša gago.” Ka nako yeo foromane a tla a sepelela godimo. Ba mpotša gore thelekeramo e be e sa tšwa go fihla, e mpotša ka lehu la ngwanešu wa ka.
Mogwera morategi, lebakana ga se ka ke ka kgona go šutha. E be e le lehu la mathomo ka lapeng la gešu. Eupša ke rata go bolela gore selo sa mathomo ka go nagana ka sona e bile gore a o be a loketše go hwa. Ge ke retologa go dikologa gomme ke lebelela go kgabaganya diphoreiri tše kheri, megokgo ya kitima go theoga marama a ka. Ka fao ka go gopola ka fao re bego re tlhaka mmogo ge re be re sa le mašumane a mannyane le ka fao go bego go le bothata go rena.
Re be re eya sekolong re se na le mo go lekanetšego re ka go jago. Menwana e be e tšwetše ka ntle ga dieta re be re swanelwa ke go apara dijase tša kgale tša go koromelwa godimo molaleng ka baka la gore re be re sa apare dihempe. Ke gopola gape fao letšatši le lengwe Mme a bego a na le dikipikipi ka emereng e le dijo tša mosegare. Re be re sa je le bana ba bangwe. Re be re sa fihlelele dijo go swana le ka fao ba bego ba na le tšona. Ka mehla re be re fela re ngwegela thabeng gomme re eja. Ke gopola letšatši le re be re swere dikipikipi, re be re gopola gore e be e le tshwaro botse ya nnete. Ka fao go ba le bonnete bja gore ke be le kabelo ya tšona, ke ile ka ya pele ga sekgalela ka tšea gotlala seatla mo go botse pele ngwanešu wa ka a hwetša kabelo ya gagwe.
Ka gona ke eme fao ke lebeletše diphoreiri tše di bego di tswakilwe ke letšatši ke ile ka gopola ka moka dilo tšeo gomme ka makala ge e ka ba Modimo o mo tšeetše lefelong le lekaonekaone. Nako yeo gape Modimo a mpitša, eupša bjale ka mehleng, ka leka go e lwantšhetša gore e tloge.
Ke ile ka lokišetša go tlela poloko gae. Ga Mor. McKinny wa Kereke Port Fulton, monna yo a nogo go no swana le tate go nna, a rera lehu la gagwe o dirile go bolela gore, “Fao go ka no ba go le ba bangwe fa ba ba sa tsebego Modimo, ge go le bjalo, Mo amogeleng bjale.” Oo ka fao ka go kgomarela setulo sa ka, Modimo o be a šoma gape. Mmadi yo a rategago, ge A bitša, Mo arabele.
Nka se tsoge ka lebala ka fao Tate le Mme ba go tšofala ba go šokiša ba go lla ka gona ka morago ga poloko. Ke be ke nyaka go ya morago Bodikela eupša Mme o ile a nkgopela kudu go dula go fihla mafelelong ke dumela go dula ge ke be nka kgona go hwetša mošomo. Ka pejana ka hwetša mošomo le Khamphane ya Tirelo tša Setšhaba ya Indiana.
E ka ba mengwaga ye mebedi ya go latela ge ke be ke hlahlofa dimetere ka kgwebong ya dimetere ya Gas Works ka New Albany, ke ile ka bekišwa ke gase gomme dibeke ka tlaišega ka yona. Ke ile ka ya go dingaka ka moka tše ke bego ke di tseba. Ga se kake ke kgona go hwetša go imologa. Ke be ke tlaišega ka esiti ya mogodu, e hlotšwe ke go angwa ke gase. E ile ya gola kudukudukudu dinako ka moka. Ke ile ka tšewa ka išwa go bo mahlwaadibona ka Louisville, Kentucky. Mafelelong ba ile ba re e be e le aphentiki gomme ba re ke be ke swanetše go ba le ophareišene. Ga se ka ke ke kgona go e dumela ka baka la gore ke be ke se ka ke ke be le bohloko ka lehlakoreng la ka. Dingaka di ile tša re di be di ka se sa kgona go ntirela selo go fihla ke bile le ophareišene. Mafelelong ka dumela gore e dirwe eupša ka gapeletša gore ba šomiše anasetetiki sa tikologo gore ke kgone go bogela ophareišene.
Oo, ke be ke nyaka yo mongwe go ema kgauswi le nna yo a bego a tseba Modimo. Ke be ke dumela thapelong eupša ke sa kgone go rapela. Ka fao modiredi go tšwa go Kereke ya First Baptist o ile a ya le nna ka kamoreng ya ophareišene.
Ge ba ntšea go tloga tafoleng go ya mpeteng wa ka, ke ile ka ikwa ka bonna ke e ba mofokodifokodi le mofokodifokodi nako ka moka. Pelo ya ka e be e sa rethethe le gannyane. Ke ile ka kwa lehu godimo ga ka. Mohemo wa ka o be o eba wo mokopanakopana nako ka moka. Ke ile ka tseba gore ke be ke fihlile mafelelong a tsela ya ka. Oo mogwera leta go fihla o etla fao gatee, ka gona o tla gopola ka dilo tše ntši tše o di dirilego. Ke be ke tseba gore ke be ke se ka ke ka kgoga, go nwa goba go ba le mekgwa ye e itšego ya go se hlweke eupša ke be ke tseba gore ke be ke se ka lokela go gahlana le Modimo wa ka.
Mogwera wa ka ge o no ba feela leloko la kereke ya go tonya ya go iketla, o tla tseba ge o fihla mafelelong gore ga se wa lokela. Ka fao ge seo e le ka moka se o se tsebago ka Modimo wa ka, ke go kgopela thwi fa go ya fase ka matolo a gago gomme o kgopele Jesu go go fa boitemogelo bjoo bja go tswalwa gape, go swana le ka fao A boditšego Nikodemo ka go Johane tema ya 3, gomme oo ditloloko tša lethabo di tla lla bjang. Tumišang Leina la Gagwe.