I Makani Aasisidwe Akayubununwa

Ku matalikilo aa mulimo wa Mukwesu Branham cakaba antangalala kuti ciyanza ca tubungwe cakayakwa kuzwidilizya tubunga twa bukombi, a kutali Makani mabotu aa bwini. Mukwesu Branham waka syoma Bbaibbele Ijwi ku Ijwi, alimwi kuti inga takatoli ciimo citeelede, nikubakuti caamba kutaba cibeela ca bantu mbabeleka abo, beenzinyina, na mukwasyi.

Kuciindi kacili membala wa Mbungano ya Missionari Baptisti, wa kaambilwa kunanika bakambausi banakazi. Nekubaboobo, wa kalizyi Magwalo oonse akwalo kabotu. I Timoteo 2:12 ilaamba cantangalala, “Pele Nsi konzyi kuzuminina mwanakazi ku yiisya, nokuba kumulangila aa mutwe mwaalumi, pele kanga kaumwwine buyo wii,” alimwi I Ba Korinto 14:34 ilaamba, “Amu leke banakazi banu kabaumwine mu mambungano: nkambo taku zumizigwi kuli mbabo kwaambaula…” Eci tii cakali cintu cakulwana banakazi, pele Bbaibbele lyaka yiisya kabotu cakumaninina aa ciiyo. Cindi kucenjezegwa kwa mamanino nikwa kapegwa, ta kali mvwanya aboobo wakazwa mu cikombelo.

Olo tii lwakali Lugwalo buyo lwatakali kubikkilwa maanu cakumaninina aa tubungwe. I Mwami wa kayubununa bwini aa lubapatizyo ku Mukwesu Branham. Mbobuti Jesu mbwa konzya kulailila, “Aboobo ka muya, aku yiisya masi oonse, kuba bapatizya mu zina lya Taata, a lya Mwana, a lya Muuya Uusalala,” pesi lubapatizyo loonse lulembedwe mu Bbaibbele lwakali mu Zina lya Jesu? I muapostolo Petro wa kalailila mu Incito 2:38 kuti amusanduke a kubapatizigwa mu Zina lya Jesu Kristo. I Magwalo ala beleka mu lukamantano lulondokede, pele caka tola musinsimi kuyubununa maseseke aya: “Taata” talili i zina, “Mwana” talili i zina, alimwi a “Muuya Uusalala” talili i zina. Mbuli buyo mwaalumi umwi ngu taata wa bana bakwe, mwana wa bazyali bakwe, a munyina wa bana bakwabo, pesi zina lyakwe talili “taata,” “mwana,” na “mukwesu.” Taata, Mwana, a Muuya Uusalala mabande aa Zina lya Jesu Kristo. Matayo 28:19 a Incito 2:38 zyaka boola mu kululama kweendelene.

Acalo cibi citaanzi ca mu Muunda wa Edeni caka yubununwa, kutali mbuli kulya mucelo, pele cintu cimwi cibyaabi maningi. Mbobuti kulya kabeela ka mucelo mpawo buyo ku kayubunune kuli Adamu a Eva kuti bakali cinswe? Ta cipi buyo bupanduluzi bumvwika kabotu. Ino ncinzi appele ncolili acakucita ku cinswe? Musinsimi wa Leza waka yubununa eci antangalala.

Mbaani abo baangelo baambwa mu Ciyubunuzyo capita 2 a 3? Mazina abo inga amvwika aziizilwe kabotu.

Mbaani abo basikukkwela mbizi basisidwe ba Cibuybunuzyo 6? Ba jisi cintu comwe cipati maningi ncoba kozyenye.

Sa United States ilaambidwe mu Bbuku lya Ciyubunuzyo?

Mbaani bali 144,000 abo baka futulwa mu capita 7?

Nguni sikuvuula mupati mu capita 17? Kulizibya kwakwe a maseseke aya oonse aka yubununwa mu Mulumbe wa musinsmi oyu singuzu wakatumwa kuzwa kwa Leza.

Kutali biyo kuti maleele aatabaliki aka tobela muntu oyu, pele makani aasisidwe aakasiswa mu Bbaibbele kwiinda mu makkalo aka yubununwa aalo mu mulimo wakwe. Ca kaba aantangalala kuti musinsimi oyu waka zulizya Magwalo manji kwinda muli Malaki 4.

Ciyubunuzyo 10:7: Pele ku mazuba aa jwi lya angelo wamusanu ababili, cindi nayo talika kulizya mweembo, makani aasisidwe aa Leza eelede kumana, mbuli mbwa katondezya ku balanda bakwe basinsimi.

I Jwi lilimu koompolola ku nyika lya kuzwa ku tubungwe a kujokela ku Ijwi taanzi lya Leza. Umwi aumwi wesu tuli jisi ciindi ceelede nciconya eco Petro, Jakobo, a Johane ncoba kajisi. Tuli jisi ciindi ceelede kuba babalwa a basale ba Leza bace abo bataka kotamini tubunga twa bukombi twa buzuba.

Lugwalo Lusalala lula lungulula maumi a micito ya bantu abo bakeenda aa Leza alimwi bakali nanikidwe loko a Muuya Wakwe cakuti bakaamba cantangalala kuti MBUBOOBU MBWAAMBA I MWAMI, a majwi aabo aka simpikizigwa aa zitontezyo a zigambyo zita kakilwi. Ba kali basinsimi ba Leza, alimwi a Jwi lya Leza ku nzyalani yabo.

Sena ziindi zili aandeene eno kwiinda mbo zya kabede cindi Jesu nakali aano? Ba kali basololi ba bukombi ibaka Mu bambula. I basikwiiya bakali nkamu nsyoonto maningi akati ka ciyanza cipati ca bukombi. Ba kaubausigwa, akusekwa, elyo ku mamanino akujayigwa nkambo ka kwiima kulwisya ciyanza catubungwe cizuminwa a banabunji. Inga ndiza tii twajaigwa nkambo ka buzumi bwesu sunu, pele tula penzegwa cancobeni. Mbuli ba Farisi aba Saduki, taba konzyi kukaka maleele ayo a katobela mulimo wa Mukwesu Branham aboobo bala belesya cintu cimwi cibyaabi ku kulwana kumbi. Inga wa mvwa kuti wakali musinsimi mubeji, musololi singuzuuzu, na kubija maningi. Mu kasimpe, wa kali muntu wa Leza uubombede oyo wa kaima canguzu kulwisya bweendelezi butakwe boongelezye obo tubungwe a basinguzuuzu nco bajisi aa bantu ba Leza. Ba kalwana Jesu inzila njiyonya cindi Na kaima kulwisya tulengwa twabuzumini a tunsiyansiya twabo.

Leza wakalemeka ciimo ca kulibambila kwa Mukwesu Branham ku syoma Ijwi lyoonse mu Bbaibbele, alimwi Uli mukubelesya mulimo wakwe ku sololela bantu bali mamilioni kuya kuli Jesu Kristo. Sunu, Jwi lya Angelo Wamusanu ababili li loompolola cakumvwika maningi kwiinda mbuli Mbo lyakasola kuba. Kutandila ku bantu bali mamilioni aali obilo nyika yoonse bala syoma Mulumbe wa Mukwesu Branham. Aba inga baba nkamu niini maningi ya mabbilioni aali obilo ayo aataminina Bunakristo, pele ndelili bantu ba Leza nobaka tali mu nkamu niini?

Tuli jisi nkambauko zyaka rekkordwa ziinda ku 1,200 zijisi Jwi elyo lyaka sinsimwa kuboola mu Ciyubunuzyo 10:7. Imwi aimwi ya nkambauko ezi ila bbutukizya akuyubununa makani aasisidwe manji aa Leza. Eelyo Jwi lilajanika kuli nduwe ikuti na uli libambilide ku Li mvwa.

Taakwe pe neciba ciindi comwe ne Ndi leta i mulumbe ku bantu kuti ba ndi tobele, nanka kusangana mbungano yangu, nanka kutalika luswaanano a kabungwe kamwi. Ta ndi na cicitide eco alimwi tandi kooci cita eco ino. Mebo ta ji si kuyandisisya mu zintu ezyo, pele mebo Ndi jisi i kuyandisisya mu zintu zya Leza a bantu, a kuti na Nda konzya buyo kumanizya cintu comwe Ndi yookkutila. Eco cintu comwe nkubona luswaano lwaku muuya lwini luya kidwe aakati ka Leza a bantu, oomo bantu mobaba zilenge zipya muli Kristo, ka bazwide a Muuya Wakwe a kupona mbuli Ijwi Lyakwe. Ndi la tamba, kukombelezya a kucenjezya boonse kuti bamvwe jwi Lyakwe ku ciindi eci, akwaaba maumi anu caku maninina kuli Nguwe, mboonya Mbwe syoma i mu moyo wangu Nda kapa koonse kwangu kuli Nguwe. Leza amu longezye, aku boola Kwakwe ndalombozya kutangazye moyo wanu.”

Muf. William Marrion Branham