Coonse caka talikila mu malundu aa Kenturky. Wa kali mulombe buyo cindi bawisi noba katija ku mulao a kulonzya mukwasyi wabo kuyaku Jeffersonville, Indiana. Walo ulaamba zilengaano zyakwe zitaanzi a nzila Mwami mbwa kamwaambila kupona buumi busalala. Wa kakwata muyandwi wakwe nkabela wakali kubotelwa buumi bwa kukkomana mbuli mukambausi mukubusyi a ncito iitonkomene a bana bobile, pele mpawo kufwaba kupati kwakauma. Yebo tokabi mbubonya waakumana ku swiilila Muf. William Branham kalungulula kaano ka buumi bwakwe.

I nyika yasunu yabukombi itu yiisya kuti kuba Munakristo nkuba cizo ca mbungano. Mu kasimpe, tubungwe twandaanya bantu kuba tukamu twabukombi bwabuzangi a bukombi buyeeme kumuntu, a kutubamba kulwana umwi aumwi. Lufutuko lukonzya buyo kujanwa muli Kristo; talu konzyi kujanwa kwiinda ku kuba buyo cizo ca kabungwe. Sena swebo ‘’Banakristo’’ twaka sintanya tunsiyansiya a tuyanza twabuzumini ku luswaanano lugaminina a Mwami Jesu Kristo? Nciindi caku joka ku Bbaibbele.

Nceeci eco bantu banji ncoba yeeya kuti cakacitika mu muunda wa Edeni: Leza wakaambila Adamu a Eva kutalya mucelo umwi. I nzoka ‘’yakoongelezya’’ Eva mukulya mucelo. Mpawo Eva wakaupa kuli Adamu, nkabela wakacita nciconya, eco cakabapa kuziba kuti bakali acinswe a kusololela kuwa kwa mukowa wabantu. I mibuzyo imvwika antangalala njeeyi: musyobo nzi wa nzoka wakali kukonzya kwaambaula, nkaambonzi kulya mucelo kwakajula meso abo ku cinswe cabo, alimwi nkaambonzi bakazyala bana moonya buyo kumane eco? I bwiinguzi mbutete, alimwi nkambauko eyi ila bupandulula.

Ndili masimpe kuteeti Nda ambaula ku bantu cifumo cino abo baka boola ku busena obo. Nda kaliko kuya ziindi zinji lwangu. Cindi ni Nda kajoka akujana buumi bwangu kukulingula a kusola kucita nzila zyoonse zyaku zwidilila, nkabela Nda kalikunga Nda jana kuti ndakacita cintu cimwi cilubide, Nda kali kunga ndainka akucaamba a kuteeti, ‘’Mwami Leza, Njo cilulamika,’’ akuunka kuyocita boobo. Mpawo kujoka alimwi a kwaamba, ‘’Lino, Mwami, Yebo uli Leza; Uyo ndivwiila. Nicobeni Nda kkwanya kulomba koonse oko Nko kali kuyanda kuti ndicite. Alimwi zyeelelo zyoonse, Nda zikkwanya.’’ Alimwi nekubaboobo Ta zungaani, boneka kuba uumwine; eco nce cindi ncoelede kuba masimpe kuti Ngu Leza. Uta tyompwi…

Myaka iili myaanda yobile yakainda, Jesu Kristo wakapa buumi Bwake ku bantunsi boonse bakasola kweenda aali pulaneti Nyika. Ino obuya buzuba aa Kalivari bwa kaambanzi kuli umwi aumwi wesu? Bwa katupa ciindi coonse ceelede caku tambula Buumi Butamani. Ikuti na moyo wako usukamina kuba a luswaanano lugaminina a Mufutuli wako, nkokuti obu mbo busena bubotu bwakutalikila.

Kutumwa kwa William Branham kuzwa kuli Leza kwakavutusya lubukulusyo lwaku ponesegwa nyika yoonse lwa kumalekelo amuma 1940 a 1950. Bavangeli mbuli Oral Roberts, T.L. Osborne, a Jack Coe katobela ndyato zyakwe a kucinca bube bwa nyika ya Bunakristo. Eyi ne nzila coonse mbo cakatalika.