Kwaka talika kusiya mbi mu kaanda ka cibbadela, mbuli kuti kwakali mu masyaka mapati. Nda kakonzya kumvwa guwo kalyuunga kwiinda mu matu, nekubaboobo kwaka boneka mbuli kuti yakali nzila mpati iisakene mu syaka. Antela mwakamvwa kufulidafulida kwa guwo kalyuunga mu matu, kali boola munsi loko a munsi loko kuli nduwe. Nda kayeeya, “Ma, olu ndufu luboola ku nditola.” Oh! buntu bwangu bwakeelede kuswaangana Leza, Nda kasola kukomba pele tii nda kakonzya.
Munsi loko guwo lya kaboola, kumvwika loko a kumvwika loko. I matu akalilalila alimwi mpawo buyo, Nda kaunka.
Kwaka boneka mpawo kuti Nda kajoka kuba mulombe munini uutasamide mabbusu, kandiimvwi mu kagwagwa ako kunsi a cisamu nciconya. Nda kamvwa Jwi eelyo ndilyonya elyo lya kaamba, “Uta kanywi na kufweba.” Elyo matu nge Nda kamvwa aakali ngaonya ayo akaunga mu cisamu eco buzuba obo.
Pele ciindi eci Jwi lya kaamba, “Nda ka kwiita elyo kwiina nokaunka.” Lya kaloolola ciindi catatu.
Mpawo Nda kaamba, “Mwami, ikuti na Nduwe, ndileke ndi joke ku nyika elyo Ndi yokambauka Makani mabotu Tour Aako kuzwa kutala lya ng’anda a maswaananino a tugwagwa. Ndi yoambila bantu boonse kujatikizya ngawo!”
Cindi eci cilengaano nicakainda, Nda kajana kuti tii Nda ka limvwa kabotu pe. Sikupandula dokotela wangu waka cili mu buyake. Wa kaboola a kulanga aali ndime nkabela wa kagambwa. Wa kalanga mbuli kuti wa kayeeya kuti inga Nda fwa, mpawo wa kaamba, “Ta ndili muntu unjila-cikombelo, kubeleka kwangu nkupati loko, pele Ndi lizyi Leza waswaya mulombe oyu.” Kaambo nca kaambila eco, ta Ndi zyi. Taakwe wa kaamba cintu nociba comwe kujatikizya ncico. Ikuti ni Nda kalizyi kaindi eco nce Ndizyi eno, ne kunga Nda kabuka kuzwa ku bulo obo akoongolola Akulumbwe ku Zina Lyakwe.
Kumane mazuba masyoonto Nda ka zumizigwa ku bweeda ku muunzi pele Nda kacili cisidwe elyo ndaka sungilizigwa kusama magilazi ku meso aangu nkaambo kapenzi lya meso kutabona kabotu. Mutwe wangu wakazungana cindi ni Nda kalanga aa cintu cili coonse kwa kaindi kaniini.
Nda katalika kweenda kuyandula kuti njane Leza. Nda kainka kuzwa ku mbungano a mbungano, kusola kujana busena bumwi awo aakali kwiitwa kwaa cipaililo-ca ciyanza cakaindi. I cibeela cakuusa tii Nda kakonzya kubu jana pe.
Nda kaamba ikuti na Ndi kasole kuba Munakristo, inga Ndi yooba umwi wancobeni. I mukutausi oyo wa kandimvwa ka ndaamba wa kati, “Lino Billy mulombe, yebo uli mukuleya kuya mu ciimo cakwiindilizya.” Nda kaamba ikuti na Ndi kasole kuba aa bukombi, Nda kali kuyanda ku bumvwa cindi bwa sika, mbuli buyo basikwiiya mboba kacita.
Oh akulumbwe ku Zina Lyakwe. Nda kajana bukombi nikwa kainda ciindi alimwi Ndi cibu jisi, alimwi ku lugwasyo Lwakwe, Ndi yoobu bamba lyoonse.
Busiku bumwi Nda kamvwa nzala loko ya Leza alimwi a luzibo lwini cakuti Nda kazwa akuunka ku buyake bwa kuyobweda bwakaindi kunze lya ng’anda a kusola kukomba. Tii nda kazyi kukomba eelyo aboobo Nda katalika kwaambaula kuli Nguwe mbuli mbo Ndi nga ndaambaula ku muntu uuli oonse uumbi. Ndyoonya buyo mpaawo kwaka boola Mumuni mu buyake bwa kuyobweda alimwi waka panga ciingano nkabela Jwi lyakazwa ku ciingano ku kanana kuli ndime mu musyobo ngu Nda takali kukonzya kumvwa. Mpawo lya kaunka. Nda kaangwa. Cindi ni Nda kapempenukwa alubo Nda kakomba, “Mwami ikuti na Nduwe, ikaka boola a kwaambaula kuli ndime alimwi.” Nda kali kubala Bbaibbele lyangu kuzwa ciindi ni Nda kali ku ng’anda kuzwaku cibbadela alimwi Nda kabala muli 1 Johane 4, “Nobayandwa, mutazumini i myuuya yoonse, pele amwiisoleke ikuti na njiya Leza.”
Nda kalizyi kuti muuya waka libonya kuli ndime nkabela ne Nda kakomba wa kalibonya alimwi. Mpawo kwaka boneka mbulikuti kuli ndime kwakali mapaundi aali cuulu aaka nyamunwa kuzwa ku buntu bwangu. Nda kasotoka mujulu a kuzuzila ku ng’anda elyo kwaka boneka mbuli kuti Nda kali kuzuzila aatala lya muuwo.
Baama bakabuzya, “Bill, ino ncinzi cacitika kuli nduwe?” Nda kaingula, “Ta Ndi zyi pe pele ncobeni Ndimvwa kabotu a kuubilwa.” Tii nda kacili kukonzya kukkala limbi mu ng’anda. Nda kazwa a kuzuza.
Nda kazyiba mpawo kuti na Leza wakali kuyanda ndime kukambauka, inga Uyo ndi ponya. Aboobo Nda kainka ku mbungano eyo yakali kusyoma mu kunanika mafuta elyo Nda kaponesegwa ndyoonya buyo. Nda kabona mpawo kuti basikwiiya baka jisi cintu cimwi eco bunji bwa bakambausi ncoba tajisi sunu. I basikwiiya baka bapatizigwa aa Muuya Uusalala elyo aboobo bakali kukonzya kuponya baciswa a kucita maleele aanguzu mu Zina Lyakwe. Aboobo Nda katalika kukombela lubapatizyo lwa Muuya Uusalala nkabela nda kalujana.
Buzuba bumwi kutandila myeezi iili cisambomwe yakacilila, Leza waka ndipa kuyanda kwa moyo wangu. Wa kakanana kuli ndime mu Mumuni mupati, kundaambila kuunka kuyo kambauka a kukombela baciswa a kuti inga Uyo baponya kakutakwe makani a malwazi nge baka jisi. Nda katalika kukambauka a kucita ezyo Nzya ka ndaambila kucita. Oh mweenzuma, inga tii Nda konzya ku kwaambila koonse oko kwa kacitika: Meso akoofweede akajuka. I balema bakeenda. Ma kkansa aka ponesegwa, a misyobo yoonse ya maleele yaka citwa.
Buzuba bumwi ku matalikilo lya Kagwagwa ka Spring, Jeffersonville, Indiana, nikwaka mana lubukulusyo lwa nsondo zyobilo, Nda kali kubapatizya bantu bali 130. Bwakali buzuba bupya bwa Ivwivwi elyo kwakali bantu bakaliko bakali kutandila ku 3,000. Nda kali aafwi ku bapatizya muntu wa 17 cindi mpawo buyo ni Nda kamvwa Jwi, elyo liniini lya luumuno lwabili alimwi lya kaamba, “Langa mujulu.” I mulengalenga wakali mbuli butale aa buzuba obo bupya bwa Ivwivwi. Tee twaka jisi mvula iili yoonse kwa nsondo zyaka tiibe zyotatwe. Nda kamvwa Jwi alubo, alimwi mpawo alubo ciindi catatu lya kati “Langa mujulu.”
Nda kalanga mujulu elyo mpaawo kwaka boola kuzwa ku mulengalenga nyenyeezi mpati iimweka, eyo nje Nda kabona ziindi zinji kale pele eyo nje Nda taka mwaambila makani ayo. Ziindi zinji Nda kaambila bantu makani aa njiyo kulibonya elyo bakali kunga baseka buyo a kwaamba, “Bill, uli muku kwezeezya buyo eco. Na ndiza wakali kulota.” Pele alumbwe Leza, ciindi eci Wa kali tondezya Lwakwe kuboneka kuli boonse, nkaambo yaka boola munsi loko kuli ndime cakuti tee Nda kakonzya akwalo ku kanana. Nikwa kamana kwiinda masekondi manji Nda koongolola elyo bantu banji ba kalanga mujulu a kubona nyenyeezi aatalatala lyangu buyo. Bamwi bakawizuka kumwi bambi bakoongolola a bambi baka cija. Mpawo nyenyeezi yaka bweeda mu mulengalenga alimwi busena mpo yakazwida bwakali kutandila kabeela katukokola tuli kkumi atosanwe nkabela busena obu bwaka zumanana kweenda a ku zunguluka canguzu koonse na mbuli kuti mayuwe aapilauka. Mpaawo kwaka pangika mu busena obu kakumbi katuba kaniini nkabela nyenyeezi yaka tambulwa mujulu mu kakumbi aaka.