I zilengaano zyaka zumanana. Wa kaambilwa a bapaizi mbakali kubeleka limwi kuti zilengaano zyakwe tee zyakali kuzwida kuli Leza. Wa kaambilwa kuti muuya mubi waka munjila. Eci caka mupenzya mu nzila yakusakana. I mukuli tii wakali kukonzeka kuyumunwa, aboobo wakainka mu nkanda kuyo jana Luyando lwa Leza. Wa kali lipede maningi cakuti wakakonka kuta bweeda kakutakwe bwiinguzi. Kwa kaliko awo, mu kaanda kagalankene kakaindi mwaku bikkila zyakawezwa, cakuti Angelo wa Mwami wa mupa kutumwa kwakwe. Aakati ka zintu zimbi, Angelo wa kamwaambila eci: “Ikuti na uyo bamba bantu ku kusyoma, alimwi kuba uusinizizye cindi wa komba, taakwe cintu nociba comwe ciyoima kumbele lya mipailo yako, kutali ayalo kkansa.”
Koonse kuzumbauzya kwa kamana. Wa kajisi kutumwa eno nkabela a camba wakeenda kuti ape makani. I lubukulusyo lwa kuponya lwaka talika.
Myaanda yabali zyuulu baka janika ku miswaangano mipati ya Branham. Bali zyuulu baka ponesegwa mu Zina lya Mwami Jesu Kristo. Bamwi bavangeli mbuli Oral Roberts, T.L Osborn, alimwi a A.A Allen cakufwambaana baka tobela Mukwesu Branham a kutalika lubukulusyo lwabo beni. I Mwami wakausya zileleko Zyakwe mbuli kutana bwenwe. I janza lya kuponya ilya Jesu Kristo ciindi cimbi lyaka guma bantu Bakwe.
“Nda kalila kanjikanji nkambo ka lutangalo ku makani a cipego ca Leza calino ku mbungano ya mukwesu uyandwa, William Branham, a cipego cakwe cigambya ca kuponya. Aaka nkaambo ka Leza kalimu kubeleka loko mane akwiinda zyoonse ezyo nzyo tukonzya kulomba na kuyeeya (Ba Efe. 3:20), nkambo Nse na bwene na kubala cintu cili coonse ceelene ku mulimo wa kuponya wa William Branham.”
Muf. F.F Bosworth, muvangeli uuzizilwe-munyika a umwi wa matata aakatalisya kabungwe ka Assemblies Of God alimwi awalo mulimo wa Pentekoste wasunu.
“Mu mukozyanyo umwi, twa kalangilila mbuli mbwakali kwaambaula ku mwaalumi waka lede mu kalo. Ku matalikilo kwaka nyina citondezyo ca kwiingula kwa busongo kuzwa ku mwaalumi. Bupanduluzi mpawo bwaka zwida ku mukaintu wa kaimvwi munsi, kuti mwaalumi ta kali kufwa buyo a kkansa, pele wakali musinkematwi alimwi ta kali kukonzya kumvwa eco cakali kwaambwa.
Mukwesu Branham mpawo wa kaamba kuti inga cileelede ku mwaalumi kuti atambule kumvwa kwakwe kutegwa inga wa mulailila kujatikizya kupona kwa kkansa yakwe. Kwakaba kaindi kaniini ka mupailo. Ndyoonya buyo mwaalumi wa kakonzya kumvwa! Misozi mipati ncobeni yaka mbulumukila aa masaya aa mwaalumi oyo wakali aa busyu bwakatali kuboneka kabotu loko mangolezya oonse a buta panukide. Wa kaswiilila a bukanze bupati mbuli mbwa kaambilwa kwaanguluka kwakwe kuzwa ku kkansa.”
Muf. Gordon Lindsay, mulembi uula luzibo lunji, mukambausi, a sikutalisya wa Christ For The Nations Institute.
“Mukwesu Branham wa kaamba, ‘I Simulimo wa mung’anda ya milao waponesegwa.’ Moyo wangu waka sotoka. Nda kazwa a kutambula Mwami mbuli Sikuponya wangu. Nda abikka aambali misako yangu yakweenzya…mbaakani ya Julu yakaima!”
William D. Upshaw, Simulimo wa ng’anda ya milao yaku US (1919-1927), sikwiima kuba Muleli wa cisi ca US mu 1932. Kuzwa ciindi cakuwa kusule lyakwe kali mwana. Wa kali 84 cindi naka ponesegwa cakulondoka kuzwa ku mupailo wa Mukwesu Branham, kumane kulemana kwa myaka iili 66. Ta kacili kuyanda wiluceya na misako yakweenzya ku buumi bwakwe boonse bwakacilila.
“Nda kali kulala ca kusalama kwa myaka iili lusele a myeezi iili fuka nkambo ka T.B. a ba madokotela baka ndilanga buyo meso. Tii nda kalema mapaundi aali 50 alimwi kwaka boneka kuti bulangizi boonse bwakali manide. Mpawo kuzwa ku Jeffersonville, Indiana, kwa kaboola Muf. WM Branham mu cilengaano eco nca kabwene ca kabelele kakapatide mu nkanda alimwi kakali kulila ‘Milltown,’ nku busena Nkwe kkala. Mukwesu Branham taakwe nakalina sika kuno na kuzyiba muntu uuli oonse uuzwa okuno. Mu kunjila, wakabikka maanza aali ndime a kukomba, kalombela aali ndime mu Zina lya Mwami Jesu wesu uyandwa. Cintu cimwi caka baanga candijata elyo ndyoonya buyo Nda kabuka kandi lumba Leza nkambo ka nguzu Zyakwe zya kuponya. Ndime sikulizya piano lino mu mubungano ya Baptisti kuno.”
Georgia Carter, Milltown Indiana, waka ponesegwa ku T.B itasilikiki mu 1940 alimwi taakwe naka ciswa ku bulwazi obo buzuba bumbi mu buumi bwakwe. Ula iminina makumi a zyuulu zya bantu abo baka ponesegwa kwiinda ku mulimo wakwe alimwi abacilli muku ponesegwa asunu.