“Cindi ni Nda kazyalwa mu kaanda kagalankene kaniini mu Kentucky kutala kuya, Angelo wa Mwami wa kaboola mu mpulungwido a kwiima awo. Mpaawo wakali Musumpululu wa Mulilo.”
I kupasula kwa zuba kwa katalika buyo kuyasa mudima wa kutontola kwa mulengalenga mu Mukubwekangala. I mpulungwido, yomwe ya cisamu yaka nyamuka kujuka ku lekela mumuni wa kuseeni mu kaanda kagalangene kaniini ka busena bomwe. I kayuni kasalala pyu aacamba kakaliimvwi munsi lya mpulungwido ka kaboneka kubotelwa kapati kuseeni kuno alimwi kakali kwiimbisya cakoongolola. Mu kaanda kagalangene, Charles Branham wa ciimo cabukubusyi wa kabikka maanza aakwe mu ovolesi lyakwe lipya a kulanga ansi ku mukaintu wakwe wa myaka iili kkumi ayosanwe-yakukomena. “Tuyo muulika zina lyakwe kuti William,” ba kaamba bawisi.
Mu mpulungwido kwa kaboola Mumuni uugambyakwiinda. I Mumuni wa keenda kwiinda mu kaanda a kulengelela atala lya bulo awo muvwanda mpakazwaa kuzyalilwa. Oyu wakali ngo nguwe Mumuni oyo wa kagwisya bana ba Hebrayo kuzwa mu Egepita. Wa kali Mumuni nguonya oyo waka swaanganya Paulo mu lweendo lwakwe kuya ku Damasko. Alimwi Wa kaleelede kuzumanana ku sololela mwana oyu muniini ku kwiita Nabwiinga wa Kristo kuzwa mu nyika. Oyo Mumuni tii wakali uumbi pele Angelo wa Mwami, i Musumpululu wa Mulilo; alimwi Wa kalibonya ciindi cimbi ku muntu.
Elyo mukati muya, mu kaanda aka kagalankene kazisamu, oko kuseeni mu Mukubwekangala 6, sikutumbusya wakajula mpulungwido mujulu kutegwa mumuni umunike mukati kulekela Baama a Bataata kuti babone mbu Nda kali kuboneka. Mpawo Mumuni utandila musela wa citulusyo caku mutwe waka boola kazyungulika kwiinda mu mpulungwido. Wa kazyungulika koonse abusena mpo Nda kabede, a kuselukila aa bulo. Bantu banji bakkala mu malundu baka liimvwi awo. Ba kali kulila.
I muunzi uubombede iwa kali mu malundu aa ku musanza wa Kentucky, munsi a kadolopo kaniini ka Burkesville. I buzuba bwakali Mukubwekangala 6, 1909. I muvwanda wakali mutaanzi wa bana bali kkumi abo bakacili kuyo zyalwa kuli Charles a Ella Branham.
Tii cakali ciindi cilamfu Angelo wa Mwami katalina swaya William Branham muniini alimwi.
Cindi nakali mwana, Angelo wa kasaanguna ku kanana kuli nguwe, kwaamba kuti inga uyopona buumi bwakwe munsi lya dolopo litegwa New Albany. Wa ka njila mu ng’anda a kwaambila banyina eco cakazwaa kucitika. Mbuli mutumbu uuli oonse, ta ka yeeya maningi zya kaano elyo wa kamulazika mu bulo kutontozya nsinga zyakwe zyabukubusyi. Myaka yobilo yakacilila, mukwasyi wakwe waka longela ku Jeffersonville, Indiana, mamaile buyo masyoonto kuzwa ku dolopo lya musanza wa Indiana dolopo lya New Albany.
I Angelo waka kanana alimwi ku musinsimi mukubusyi myaka misyoonto yakacilila. Bwakali buzuba bubateme bwa Itwi antomwe zuba likasaala kali mweka kwiinda mu matu mabotu a ciindi ca cilimo. I mulombe wakali kusunkuta mbuli mbwa kabwezede mabbakete obile aa maanzi kuselemuka kuya mu mukondo. I cisenketi caka laangidwe kunsi kwa kalolomi kakali aa cicisa kuti kacilesya kuba tombe. Wa kakkala ansi kuti alyookezye mu cimvule ca musamu mulamfu wa popla. I misozi yakali kumbwela kuzwa ku meso aakwe mbuli mbwakali kulila nkambo ka kubula coolwe kwakwe: Beenzinyina bakali kulibotezya ku ciziba cakuzelela nswi camu busena, elyo wa kajatwa kuti atekele bawisi maanzi. Ndyooya buyo, iguwo lyaka talika kubbubbula mu cisamu aatala lyakwe. Wa kapukuta meso aakwe a kwiima ku matende aakwe. Wa kamvwa coongo ca matu kacuunga mu guwo…pele tii kwakali guwo. Wa kalanga mujulu, alimwi kutandila akatikati ka lweendo kuya ku cisamu ca popla, cintu cimwi cakali kuzyungulisya matu mayumu.
Ndyoonya buyo Jwi lya kaamba, “Uta kanywi na kufweba na kusofwaazya mubili wako mu nzila iili yoonse, kuyooba mulimo wako wa kucita ciindi waakukomena.” Mulombe wa myaka-iili-ciloba yakukomena iwa kayoowede wa kalosya mabbakete aakwe a kuzuzila kuli banyina.
Mbuli musinsimi Samuele, Leza alimwi wa kakanana ku mwana.
I nsondo zisyoonto zyakacilila, wa kali kusobanya tumbulu twa mabwe a munyina muniini. I kulimvwa kweenzu kwa kaboola aali nguwe. Wa kalanga kuya aatala lya Mulonga Ohio elyo wa kabona cizabukilo ceebeka. Bantu bali kkumi acisambomwe bakawa caku lufu mbuli cizabukilo mbo cakazabuka mulonga. I musinsimi mukubusyi wakabona cilengaano cakwe citaanzi. Wa kaambila banyina, elyo ba kalemba aa pepa kaano kakwe. Myaka yakacilila, bantu bali 16 bakawa ca lufu cindi cizabukilo ca Nzila Yatatu mu Louisville, Kentucky nicakali kuyakwa kuzabuka Mulonga Ohio.
I Mwami wakali kumu tondezya zilengaano zya ciindi ciza. Elyo mbuli basinsimi baka mutaangunina, i zilengaano tii zyakakakilwa.