I majwi ngaonya amamanino alembedwe mu Cizuminano Cakale alapa cisyomezyo eci: “Amubone, Nzo mutumina Eliya musinsimi buzuba buyoosya a bupati bwa MWAMI nibutana kusika: Nkabela uyo sandula myoyo ya mawisi ku bana babo, a myoyo ya bana ku mawisi, kuti Nta siki a kuzooumya nyika a lutuko.” (Mal 4:5-6)
I buzuba buyoosya a bupati bwa Mwami buceelede kusika, aboobo tweelede kulangila cakusinizya i musinsimi Eliya. Mu Bbaibbele, basinsimi tii bakaboola ku mizeezo iizuminwa ku banabunji ba tubunga twa bukombi. Ba kaboola ku basale basyoonto. Amweezezye ikuti na musinsimi wa Malaki 4 wa kaboola, elyo ta kazibwa. Ino kuti uuli mbuli basinsimi ba kaindi, alimwi bantu bace buyo baka muzyiba? Ikuti na oyu musinsimi weelede ku bweeda mu buzuba bwa mamanino, mbobuti mbo tuyo muziba? I bwiinguzi bulabonwa antangalala mu Magwalo. Uno jisi bupange bwa musinsimi. Uyo zyiba maseseke a myoyo. Uyo cita maleele. I tubunga twa bukombi tuyo soleka ku musampaula. Pele ku nooli basale basyoonto abo bayo muzyiba mbuli mutumwa waka syomezegwa ku buzuba.
Mbobuti mbo tuyo ziba cindi Eliya abweeda? Ino mbube nzi mbwa yotondezya kutegwa tu ka konzye kumuziba?
Eliya wakali muntu wa mu nkanda. Zitondezyo a zigambyo zipati zya katobela mulimo wakwe. Wa kakambauka kulwisya bubi bwa buzuba bwakwe. Wa kakambauka kapati kulwisya bwaamu bwa Namalelo Jezebele. Cindi Eliya naka tolwa ku Julu mu nkalaki ya mulilo, muuya wakwe waka wida aali Elisha. Zitondezyo a zigambyo zipati mpawo zyaka lungulula mulimo wa Elisha, alimwi akwalo wa kakambauka kulwisya zibi zya nyika. Boonse basinsimi bakaima balikke kulwisya tubunga twa bukombi itwa buzuba obo. Myaanda minji ya myaka yakacilila, nguonya muuya waka bweeda ku nyika muli Johane Mubapatizi. I musinsimi Malaki wakaamba zyakumbele kuti Eliya uyo bweeda kuzoozyibya Mwami: “Amubone, Nzo mutumina mutumwa wangu, nkabela uyo bamba nzila kumbele lyangu…” (Malaki 3:1). Johane Mubapatizi wakali luleme mbuli mbwa kacita lyonse nkambo wakaita cantangalala ku kweempwa aakati ka bantu ba Leza. Mbuli Eliya, wa kakambauka kulwisya mwaami a tubunga twa bukombi twa ciindi eco. I Mwami Jesu waka tondezya kuti Johane Mubapatizi wakali musinsimi wa Malaki 3 mu Bbuku lya Matayo (11:10): “Nkambo oyu ngonguwe, oyo uulembedwe, Amubone, Nda mutumina mutumwa wangu kumbele lya busyu bwangu, oyo uyo bamba nzila yako kunembo lyako.” Luka 1:17 yaamba kuti muuya wa Eliya (Eliasi) wa keelede kuba muli Johane Mubapatizi, “Nkabela uyo enda kumbele lyakwe mu muuya a mu nguzu zya Eliasi, kuti aboozye myoyo ya mawisi ku bana.” Pele amubone kuteeti cibeela cabili ca Malaki 4 caka cili leelede kuzulizigwa: “…a myoyo ya bana ku mawisi, kuti Nta siki a kuzooumya nyika a lutuko.” Eco cibeela ca Lugwalo ciyo boola kucitika kakuta naba Kuboola Kwabili kwa Kristo.
Myaka iili zyuulu zyobilo nikwakamana Johane Mubapatizi, ngu ciindi alimwi ca muuya wa Eliya ku bweeda ku nyika.
Obo buzuba bwaboola! Mu bukkalo obu, twabona muuya wa Eliya kuti wa bweeda. Wa kakazya cakuzwidilila iziyanza zyatubungwe zya ciindi eco. Wa kaima kulwana zibi zya nyika. Wa ka tondezya zitondezyo a zigambyo zitabaliki. Wa kakambauka Bbaibbele ijwi-ku-ijwi kuzwa ku Matalikilo kusika ku Ciyubunuzyo. I musinsimi wa Malaki 4 wa kaboola mbuli mbukwaka syomezegwa, elyo wa kaleta Mulumbe kuzwa ku Cuuno ca bwami ica Leza Singuzuzyoonse. Eelyo izina lya musinsimi oyo ngu William Marrion Branham. Tu mwiita kuti “Mukwesu Branham.”
“William Branham, oyo ngo Nda kali kuyanda a kusyoma kuti wakali musinsimi wa Leza.”
Oral Roberts, muvangeli uuzizilwe akulemekwa-mu nyika a sikutalisya wa Oral Roberts University.
“William Branham waka tuboolela ku ciindi ceelede mbuli musinsimi wa Leza alimwi waka tutondezya kuciindi ca myaka iili zyuulu zyobilo cancobeni zintu nzizyonya ezyo zyaka tondezegwa mu Makani mabotu…Leza wa swaya bantu Bakwe, nkambo musinsimi mupati wabuka aakati kesu.”
Mwii. T.L. Osborn, muvangeli wa Pentekoste a sikulemba waluzibo lunji.
“Katana kupailila muntu, wa kali kunga wapa makani aaluleme kujatikizya kuciswa kwa muntu, alimwi akwalo makani aa maumi aabo - dolopo nkobaka komenena, milimo, micito yabo - akwalo eelyo kaindi mu bwana bwabo. Branham kwiina lumwi naka lubizya a ijwi lya luzibo mu myaka yoonse nji Nda kali a nguwe. Eco cilajatikizya, mu ciimo cangu, zyuulu zya mikozyanyo.”
Ern Baxter, muvangweli, mweendelezi wa Miswaangano mipati ya Branham kwa myaka iili ciloba, a umwi wa beendelezi bataanzi ba British New Church Movement.
Taakwe ciindi kuzwa Mwami Jesu Kristo nakaeenda aa nyika muntu waka cinca insi mu nzila yabupati loko iili boobu. Kuzwa ku kutalika kwaansi mu kaanda kagalankene-ka busena bomwe mu malundu aa Kentucky, kusika ku Amarillo, Texas, ooko Mwami nkwaka mutola kuya ku Muunzi, buumi bwakwe bwaka tondezegwa lyoonse a zintu zyakacitika zya cigambyociinda. Ku kulaililwa kwa Angelo wa Mwami mu 1946, mulimo wa Mukwesu Branham wakaleta insasi eyo yakayasya ciindi ca lubukulusyo lwa kuponya lupati olo lwaka fwumpa America yoonse a nyika mbwiizulwa. Kusikila buzuba buno, ula ziminwa kuba bwini a basimakani aakale aa Bunakristo mbuli “taata” a “sikubamba mbaakani yaceelesyo” wa lubukulusyo lwa kuponya ilwa muma 1950 olo lwaka cinca Mbungano ya Pentekoste alimwi akumaninina kupa kubuka kwa mulimo Wakusyoma mu zipego zisalesale abukombi bwa nguzu, oyo sunu woongelezya kutandila bunji bwa tubungwe toonse twa Protestanti. Nekubaboobo, kululama mbuli mbocicitwa, tubungwe tula ubausya njiisyo zyakwe a kukaka kutumwa kwakwe.
Kufumbwa busena nkwa kaunka, Leza waka tondezya kuti Mukwesu Branham wakali musinsimi ku bukkalo obu. Mbuli Jobu, Mwami wa kakanana kuli nguwe mu kambizi. Mbuli Musa, Musumpululu wa Mulilo wa kabonwa kaumu sololela. Mbuli Mikaya, wa kasampaulwa a bapainzi. Mbuli Eliya, wakali muntu wa mu nkanda. Mbuli Jeremiya, wa katumwa kuzwa kuli Angelo. Mbuli Daniele, wa kabona zilengaano zya ciindi ciza. Mbuli Mwami Jesu, wa kalizyi maseseke aa moyo. Alimwi mbuli Paulo, wa kaponya baciswa.
I Mwami alubo waswaya bantu Bakwe kwiinda mu musinsimi. Mu ciindi ca mudima maningi mu makani aakale, awo kulilemeka nkokwasakana kuyaansi kutana bwenwe a zilwanyo zya lunyonyooko lwa mubunji zila libonya kuyoosya ku mabbililo aa zuba, muntu mubombe wa katumwa kuzwa ku busyu bwa Leza kuti aite nkamu ya bantu iili mukufwa ku kweempwa.
I sikwiiya uyandwa Johane wa kalemba makani aa Mwami Jesu:
Alimwi kuli zintu zimbi akwalo zinji ezyo Jesu nzyaka cita, eezyo, ikuti na zyeelede kulembwa zyoonse, Nda syoma kuti ayalo inyika lwayo neya takakonzya kwaamana mabbuku ayo aelede kulembwa. Ameni. (Johane 21:25).
Nciconya inga caambwa kujatikzya buumi bwa Mukwesu Branham. Kuli nkambauko ziinda ku 1,200 zili mu mateepu zijisi zyuulu zinji zya bulunguluzi bwa makani aa muntu oyu sicamba. Nekubaboobo tula zumanana kumvwa bukamboni bupya bwa nguzu zyakwe aa maumi a bantu bali mamilioni. Aaka kabbuku taka konzyi ku lungulula kuniini ku kucinca kwa nguzu zipati oyu muntu wa Leza nzyaka jisi aa nyika.