Yote yalianza kwenye milima ya Kentucky. Alikuwa ni mvulana tu wakati baba yake alipoikimbia sheria na kuihamisha familia yake hadi Jeffersonville, Indiana. Anasimulia maono yake ya kwanza na jinsi ambavyo Bwana alimwambia aishi maisha safi. Alimwoa mpenzi wake naye alikuwa akifurahia maisha mazuri kama kijana mhudumu mwenye kazi imara na watoto wawili, lakini basi maafa yakatokea. Hutakuwa vivyo hivyo baada ya kumsikiliza Kasisi William Branham akiisimulia hadithi ya maisha yake.

Ulimwengu wa kisasa wa kidini umetufundisha ya kwamba kuwa Mkristo ni kujiunga na kanisa. Kwa kweli, madhehebu huwagawanya watu katika mashirika na madhehebu mbalimbali, na kutufanya adui mmoja kwa mwingine. Wokovu unaweza kupatikana tu ndani ya Kristo; hauwezi kupatikana kwa kufanyika tu mfuasi wa dhehebu. Hivi sisi "Wakristo" tumebadilisha kanuni za imani na mafundisho ya sharti kwa uhusiano wa kibinafsi na Bwana Yesu Kristo? Wakati umewadia wa kurudi kwenye Biblia.

Hili hapa jambo ambalo karibu watu wote wanadhania lilitukia katika Bustani ya Edeni: Mungu aliwaambia Adamu na Hawa wasile tunda fulani. Nyoka "akamdanganya" Hawa ale hilo tunda. Kisha Hawa akampa na Adamu, naye akafanya vivyo hivyo, ambalo liliwafanya kujua walikuwa uchi na likasababisha kuanguka kwa jamii ya binadamu. Maswali dhahiri ni: je! ni nyoka wa aina gani anayeweza kuzungumza, kwa nini kula tunda kukayafungua macho yao wakautambua uchi wao, na ni kwa nini mara moja wanapata watoto baada ya jambo hili? Jibu lake ni rahisi, na mahubiri haya yanalieleza.

Nina hakika kwamba ninazungumza na watu asubuhi hii ambao wamefikia mahali hapo. Nimekuwa hapo mara nyingi mimi mwenyewe. Wakati nimerudi nyuma na kuyafuatilia maisha yangu na kufanya yote yawezekanayo, nami ningekuta kwamba nilifanya kosa, ningeenda nikalitubu na kusema, "Bwana Mungu, nitalisahihisha," na ninaenda na kulisahihisha. Ndipo ninarudi tena na kusema, "Sasa, Bwana, Wewe ni Mungu; utanijibu. Hakika nimetimiza kila agizo ulilohitaji nitimize. Na kila hitaji, nimelitimiza." Na bado hatasonga, inaonekana amekaa kimya; hapo ndipo huna budi kuwa na hakika kwamba Yeye ni Mungu. Usife moyo…

Miaka elfu mbili iliyopita, Yesu Kristo alitoa maisha Yake kwa ajili ya kila mwanadamu ambaye amepata kutembea kwenye sayari ya Dunia. Siku hiyo pale Kalvari ilimaanisha nini kwa kila mmoja wetu? Ilitupa sote fursa ya kuupokea Uzima wa Milele. Kama moyo wako unatamani kuwa na uhusiano wa kibinafsi na Mwokozi wako, basi hapa ni mahali pazuri pa kuanzia.

Agizo la William Branham kutoka kwa Mungu lilianzisha ufufuo wa uponyaji kote ulimwenguni wa miaka ya mwisho 1940 na 1950. Wainjilisti kama vile Oral Roberts, T.L. Osborne, na Jack Coe walifuata nyayo zake na kuubadilisha uso wa ulimwengu wa Kikristo. Hivi ndivyo yote yalivyoanza.