Zvose zvakatangira kuzvikomo zvemuKentucky. Akanga achingori mukomana apo baba vake vakatiza murawo ndokutamisa mhuri yavo kuJeffersonville, Indiana. Anotaura pamusoro pechiratidzo chake chokutanga uye nokuti Ishe vakamuudza kuti ararame hupenyu hwakachena. Akaroora mudikanwi wake akava nehupenyu hunofadza semushumiri mudiki aiva nebasa rake rakanaka pamwe nevana vaviri, asi tsekwende yakazomuwira. Hauzoramba uri zvauri mushure mokunge wanzwa Rev. William Branham vataura mhoroondo yehupenyu hwavo.

Zvinamato zvemuzuva rino zvakatidzidzisa kuti kuva Mukristu kujoinha kereke. Chaizvoizvo, masangano anopatsanura vanhu mumapoka nemuzvinamato zvakatsauka, zvichitipesanisa. Ruponeso runowanikwa chete muna Kristu; haruwanikwe nokungova nhengo yesangano. Ko isu “Makristu” takatsinhanisa here zvitendwa nezvitevedzwa nehukama hwako iwe naIshe Jesu Kristu? Yakwana nguva yokudzokera kuBhaibheri.

Hezvinoi zvinofungwa nevanhu vakawanda kuti ndizvo zvakaitika muBindu reEdheni: Mwari vakaudza Adhama naEvha kuti vasadye mumwe muchero. Chikara “chakanyengera” Evha kuti adye muchero. Zvino Evha ndokuupa kuna Adhama, uye ndokuita zvimwe chete, izvo zvakavaita kuti vazive kuti vakanga vasina kupfeka ndokuunza kuwa kurudzi rwevanhu. Mibvunzo inotarisirwa kubvunzwa ndeyokuti: imhandoi yenyoka inogona kutaura, sei kudya muchero kwakazarura meso avo pakusasimira kwavo, sei vakazova nevana mushure maizvozvi? Mhinduro yacho iri nyore, uye mharidzo iyi inozvitsanangura.

Ndine chokwadi chokuti ndiri kutaura kuvanhu mangwanani ano vasvika panzvimbo iyoyi. Ndakavapo nguva zhinji ini pachangu. Apo ndakadzokera shure ndokuronda hupenyu hwangu ndokukudubura ibwe rose, uye ndikaona kuti pane chandakakanganisa, ndinoenda ndinoreurura ndichiti, “Ishe Mwari, ndichachigadzirisa,” zvino ndoenda kunoita saizvozvo. Zvino ndozodzokazve ndichiti, “Zvino, Ishe, Imi muri Mwari; Muchandipindura. Zvirokwazvo ndaita zvose izvo zvaMunoda kuti ndiite. Uye zvose zvinodikanwa, ndazviita.” Uye kunyange zvakadaro haAtsukunyuke, oita seakanyarara; zvino ndipo paunofanira kuva nechokwadi kuti Iye ndiMwari. Usawora moyo…

Zviuru zviviri zvemakore akapfuura, Jesu Kristu akapa hupenyu hwaKe nokuda kwemunhu wese ati ambofamba panyika. Zuva iroro paKarivhari rakarevei kune mumwe nomumwe wedu? Rakatipa isu tose mukana wekugamuchira Hupenyu Husingaperi. Kana moyo wako uchishuvira kuva nehukama neMuponesi wako, zvino ino ndiyo nzvimbo yakanaka yokutangira.

Kutumwa kwaWilliam Branham naMwari kwakatungidza rumutsiriro rwepasi rose rwekupodzwa mukupera kwema 1940 nemuma 1950. Vavhangeri vakaita saOral Roberts, T.L. Osborne, naJack Coe vakatevera mutsoka dzake ndokushandura mamiriro enyika yeChikristu. Ndiwo matangiro azvakaita.