Sonkhe singawavula emakhasi eliBhayibheli futsi sibone kutsi Nkulunkulu uyayenta imimangaliso: Mosi wehlukanisa Lwandle loluBovu, Eliya wabita indlala lenkhulu, Jesu wahamba etikwemanti, nebafundzi baphilisa labagulako.

Kunetinkhulungwane tetentakalo letimimangaliso letibhaliwe eBhayibhelini. Uma Nkulunkulu afakaza ngetibonakaliso netimanga, pho ke iphi lemimangaliso yaKhe namuhla? AngaWuphilisa yini umdlavuza njengoba Aphilisa bulephelo eBhayibhelini? Kutsiwani ke nge AIDS namalaleveva? UseNgawenta yini ummangaliso na? Yebo, Nkulunkulu usayenta imimangaliso futsi letibonakaliso leti tiyabalandzela labakholwako.

Manje, bukani bangani, cabangani ngeNkhosi George yaseNgilandi, ngesikhatsi iphiliswa ekucineni kwemitsambo leminenginengi, ngesikhatsi sinemkhuleko wayo. Cabangani ngaFlorence Nightingale, (gogo wakhe, umcambi wesiPhambano lesiBovu), bekacishe anesisindvo lesingemaphawondi langemashumi lasitfupha, alele afa ngaleya anemdlavuza etfunjini lesisu, alele lapho afa. Lituba lelincane landizela ehlashaneni lapho naMoya waNkulunkulu wefika wase utsi, “ISHO KANJE INKHOSI, utophila.” Futsi sewesindza emaphawondi lalikhulu nemashumi lasihlanu nesihlanu aphile saka.

Cabangani ngendvodza yeKhongolosi Upshaw ahleti aboshelwe etitulweni nasembhedzeni umnyaka nemnyaka, iminyaka lengemashumi lasitfupha nesitfupha. Futsi ngesikhashanyana nje waphakama wema ngetinyawo takhe, wagijima sakhiwo sonkhe, watsintsa tintwane takhe, wentiwa waba ngulowejwayeleki futsi waphila ngalokuphelele.

Cabangani nje ngetinkhulungwane netinkhulungwane tebantfu letiphilisiwe. Sihlaleleni lapha site sife na? Asente lokutsite ngako.

Bani nekukholwa uma ugula noma udzingile. LiBhayibheli liyasho kutsi Jesu Khristu unguye itolo, nanamuhla, naphakadze, ngako uma Bekakhona kwenta ummangaliso eminyakeni letinkhulungwane letimbili letendlula, khona-ke Uyakhona kwenta lokufanako namuhla. Wasetsembisa kutsi siphilisiwe, uma kuphela besingakholwa.

yeKhongolosi Upshaw

William D. Upshaw wasebentela ephalamende ye-United States House of Representatives iminyaka lesiphohlongo futsi wangenela lukhetfo lwekuba ngumengameli nga 1932. Ingoti yekulima yamkhubata njengemntfwana, futsi wacitsa iminyaka lengema 66 emkhatsini wekutsi ahambe ngetimboko noma abesesitulweni semasondvo. Nga 1951, waphiliswa ngalokuphelele futsi wahamba ngalokuphelele tonkhe tinsuku tekuphila kwakhe.

 

Florence Nightingale

Florence Nightingale, sihlobo lesichelile sanesi lodvumile, bekanemdlavuza longelapheki wesisu. Watfumela lesitfombe lesi njengesicelo sekugcina semkhuleko ngaphambi kwekutsi umdlavuza ekugcineni utsatse imphilo yakhe. Njengoba nibona, besasedvute nekufa ngaphambi kwekutsi iNkhosi Jesu imphilise nga 1950. Sitfombe lesiseceleni satsatfwa emvakwekuphiliswa kwakhe futsi satfunyelwa kutsi sibe bufakazi kutsi Nkulunkulu usabaphilisa labagulako.

---

Tris Griffin

Tris Griffin waya ehhovisi ladokotela ngasekucaleni kwa 2013 ngenca yebuhlungu belicolo lebekesaba kutsi bebungaba kucalela phansi kwemphi yakhe ngemdlavuza. I-MRI yakhombisa ku “lufa emtsanjeni lomkhulu i-ayotha” enhlitiyweni yakhe, lokwaholela kutsi bodokotela bachubeke nekumhlola futsi bahlelele kuhlindvwa lokuphutfumako ngelusuku lolulandzelako. Lelilayini lelindlula enhlitiyweni ngemfanekiso lufa lolusobala lolungachaza lokusheshako nekufa cishe impela uma kudzabuka.

Ngelilanga lelilandzelako, emvakwekuba emakholwa amkhulekele, bodokotela benta lokunye kusebenta kweCT skeni kukhomba ngco lakwakhele khona lolufa ngaphambi kwekuhlindza. Kulesikhatsi lesi, imifanekiso yakhombisa inhlitiyo lephile saka. Lodidekile, dokotela lohlinzako watjela Nkkt. Griffin, “Angati kutsi ngitokutjelani. Bewunelufa lwemtsambo lomkhulu i-ayotha, kodvwa manje bonkhe bufakazi lobubonakalako abusekho.” Wamkhombisa imifanekiso ngaphambi kwemkhuleko, nangasemvakwako. “Ukhululekile kutsi uhambe, futsi empeleni, akukho phawu lwemdlavuza futsi. Uphila ngalokuphelele.”

 

Umcibisholo wadokotela ukhomba emtsanjeni lomkhulu i-ayotha, longulokumnyama, indzawo lesiyingiliti emkhatsini nemfanekiso. Lelilayini lelivundlako lelitjekile kuwo yi-aneurism, noma “lufa” lwemtsambo i-ayotha, ledzinga kuhlindvwa lokusheshisako futsi kuyabulala uma udzabuka. Skeni sesibili satsatfwa ngelusuku lolulandzelako. Lolufa lwasekushabalele nya futsi akuphindzanga kwabuye.

Imibhalo

Tihlabelelo 103:2-3

Yibonge iNKHOSI, O mphefumulo wami, futsi ungakhohlwa yimisebenti yonkhe yakhe yemusa:

Yena lotsetselela tonkhe tono takho; lowelapha tonkhe tifo takho;

Isaya 53:5

Kodvwa yalinyatwa ngenca yetiphambeko tetfu, yahubulwa ngebubi betfu: sijeziso sekuthula kwetfu sasisetikwayo; nangemivimba yayo siphilisiwe tsine.

Makho 16:17

Naletibonakaliso leti titobalandzela labakholwako; Ngeligama lami batokhipha emadimoni; batokhuluma ngetilimi letinsha;

Lukha 17:6

NeNkhosi yatsi, Uma beninekukholwa lokungangenhlavu yesinaphi, beningasho kulesihlahla se-sikhamore, Siphuleka ngetimphandze, futsi uhlanyeleke elwandle; futsi besitonilalela

Johane 14:12

Ngicinisile, ngicinisile, Ngitsi kini, Loyo lokholwa ngimi, lemisebenti lengiyentako Mine naye utoyenta; nemisebenti lemikhulu kunalena utoyenta; ngoba mine Ngiya kuBabe wami.

I BaseThesalonikha 1:5

Ngoba livangeli letfu alitanga kini ngelivi kuphela, kodvwa nangemandla, nangaMoya loNgcwele, nangekwetsemba lokukhulu; njengoba nati kutsi saba bantfu labanjani emkhatsini wenu ngenca yenu.

KumaHebheru 2:3-4

Tsine sitophunyuka kanjani na, uma sidzebesela lokusindziswa lokungaka; lokwakhulunywa kucala yiNkhosi, futsi kwaciniswa kitsi ngulabo labamuva

Nkulunkulu futsi afakaza, ngako kokubili ngetibonakaliso nangetimanga, nangemimangaliso lenhlobonhlobo, nangetiphiwo taMoya loNgcwele, ngekwentsandvo yakhe na?

KumaHebheru 13:8

Jesu Khristu unguye itolo, nanamuhla, naphakadze.

Jakobe 5:15

Nemkhuleko wekukholwa utomsindzisa logulako, neNkhosi itomvusa; futsi uma entile tono, utotsetselelwa tona.

I Phetro 2:24

Yena lowatfwala tono tetfu emtimbeni wakhe esihlahleni, kute kutsi tsine, sesifile etonweni, siphile ekulungeni: yena ngemivimba yakhe lenaphiliswa ngayo.