Tihlabelelo 96:13
EmbikweNKHOSI: ngoba iyeta, ngoba itela kutowehlulela umhlaba: itowehlulela umhlaba ngekulunga, nebantfu ngeliciniso layo.
Kunetinkhulungwane temahlelo lehlukene eveni namuhla. Inkholo ngayinye igceka lenye, kantsi tonkhe tetsembisa insindziso ngelihlelo lato. Sati kanjani kutsi nguliphi lesifanele silikhetse na?
Uma sikhetsa libandla laseKhatolika, khona-ke semukela kuncusela kwalabangcwele, lokungakehluki nekukhuleka etithicweni. LiBhayibheli litsi, “Ngoba munye Nkulunkulu, munye nemlamuleli emkhatsini waNkulunkulu nebantfu, ngumuntfu Khristu Jesu;” (I Thim 2:5). Umpristi ubitwa nga “Fatha” lokungavunyelwanga nguJesu kuMat 23:9: “Futsi ningabiti muntfu emhlabeni ngekutsi ngubabe: ngoba munye Babe wenu, losezulwini.” I-Assemblies Of God isitjela kutsi kukhuluma ngetilimi kubufakazi bekucala lobubonakalako baMoya loNgcwele, abe Pawula atsi, “Naloku nje ngikhuluma ngetilimi tebantfu netetingelosi, kepha ngingenalo lutsandvo, ngiba njengelitfusi lelincencetsako, noma insimbi lencencetsako.” (I Khor 13:1)
Cishe impela onkhe emahlelo ayashesha kusitjela kutsi tintfo letinengi eBhayibhelini tihumushwa ngalokungesiko, talahleka ekuhunyushweni, noma atisebenti eveni lanamuhla. Ngako, ngabe sifanele sikholwe liBhayibheli yini noma timfundziso telihlelo na? Yini Nkulunkulu latoyisebentisa njengesikali sekwehlulelwa na?
Uma bengingabuta iKhatolika lapha kusihlwa, “Ucabanga kutsi Nkulunkulu uyowehlulela ngani umhlaba na?” IKhatolika itsi, “NgeliBandla laseKhatolika.” Kulungile, manje liphi lona liBandla laseKhatolika na? Manje banelaseRoma, liBandla lemtsetfo lemaGrikhi, nalamanengi awo. Bekungaba ngulona liphi liBandla laseKhatolika na? ILuthela litsi, “Ngatsi,” khona-ke nine Baptisti ningephandle. Futsi-ke uma besingatsi, “NgeBaptisti,” khona-ke nine maPhentekhostali ningephandle. Ngako bekungaba nekudideka lokukhulu, kute lobetokwati kutsi entenjani; ngako Akazange atsembise kwehlulela umhlaba ngelibandla.
Wetsembisa kwehlulela umhlaba ngaKhristu, naKhristu Livi. NeliBhayibheli nguloko lokuyokwehlulela umhlaba, lokunguJesu Khristu longuye itolo, namuhla, naphakadze.
Imibhalo
Johane 1:1
Ekucaleni bekakhona Livi, naLivi bekakuNkulunkulu, futsi Livi bekanguNkulunkulu.
Johane 1:14
NaLivi waba yinyama, futsi wakha emkhatsini wetfu, (futsi sabona inkhatimulo yakhe, inkhatimulo njengeyalotelwe yedvwa kuYise,) agcwele umusa neliciniso.
Johane 5:22
Ngoba Babe akehluleli muntfu, kodvwa unikete konkhe kwehlulela eNdvodzaneni:
Johane 12:48
Loyo longalako, futsi angawemukeli emavi ami, unalomehlulelako: lelivi lengilikhulumile, ngilo leliyomehlulela ngelusuku lwekugcina.
Base-Efesu 1:5-7
Sekasimisele ngaphambili kutsi sibe bantfwana kuye ngaJesu Khristu, njengaloko kwabakuhle kuye ngentsandvo yakhe,
Kute kutuswe inkhatimulo yemusa wakhe, ngawo lasente semukeleka kulotsandziwe.
Kuye lesinekuhlengwa ngengati yakhe, kutsetselelwa kwetono, ngekwengcebo yemusa wakhe;
Base-Efesu 2:5-8
Ngisho sasifile esonweni, usiphilisile kanye naKhristu, (ngemusa nisindzisiwe;)
Futsi wasivusa kanye naye, futsi wasenta sahlala kanye naye etindzaweni tasezulwini kuKhristu Jesu:
Kute kutsi eminyakeni letako abonakalise ingcebo lenkhulu yemusa wakhe ngekulunga kwakhe kitsi ngaKhristu Jesu.
Ngoba ngemusa nisindzisiwe ngekukholwa; naloku akuveli kini: kusipho saNkulunkulu:
I Johane 1:7
Kodvwa uma sihamba ekukhanyeni, njengaloku yena lucobo asekukhanyeni, khona ke sinenhlanganyelo lomunye nalomunye, nengati yaJesu iNdvodzana yakhe iyasihlanta kutotonkhe tono.
Sambulo 22:18-19
Ngiyafakaza kuwo wonkhe umuntfu lova lamavi esiprofetho salencwadzi, Uma nomangubani atowengeta kuletintfo leti, Nkulunkulu uyokwengeta kuye tinhlupho letibhaliwe kulencwadzi:
Futsi uma nomangubani atosusa lutfo kuwo emavi alencwadzi yalesiprofetho lesi, Nkulunkulu utosusa sabelo sakhe asikhiphe encwadzini yekuphila, nasedolobheni lelingcwele, nakuletintfo letibhalwe ekhatsi kulencwadzi.