Lolokulandzelako nguleminye yemibuto lesiyemukele ngenkonzo yetfu. Uma, emvakwekufundza lena, usasolo unembuto mayelana nalokucuketfwe ngulewebsayithi, sicela usitfumelele i-imeyili ku answers@themessage.com.

 

Utsini umusho wakho wekukholwa na?

Besingatsi imfundziso yelibandla letfu "lesemtsetfweni" beyingaba liBhayibheli, kusukela kuGenesisi kuya eSambulweni. Umusho wetfu wekukholwa ungafincwa kanje: Akukho sivumokholo kodvwa Khristu; akukho mtsetfo kodvwa lutsandvo; akukho ncwadzi kodvwa liBhayibheli.

Sengivele ngingumKhristu. Ngabe lemininingwane yale websayithi empeleni lusho lutfo kimi na?

Yebo! EmaKhristu afanele alikholwe lonkhe Livi laNkulunkulu; kungako siya ebandleni futsi sifundze emaBhayibheli etfu. Bewungakholwa kanjani incenye yeliBhayibheli letsi Jesu wafela tono takho, bese awusanaki kutsi sono sacala kanjani eNsimini yase Edeni na?

Ngikholwa kutsi lelengikufundzile kuliciniso. Ngijoyina kanjani ke?

UMtimba waKhristu awusiyo inkholoze noma lihlelo, nesidzingakalo sebulunga kuphela sikutsi ukholwe eNkhosini Jesu. Ungakhatsateki ngekuba nekutimbandzakanya kwakho noma kugcwalisa emaphepha nahulumende welibandla. Kholwa Livi nje, neNkhosi itokwenta konkhe lolokunye.

Ngabe nilibandla na?

Asisiyo inhlangano yelibandla, kodvwa siniketa tinkhulungwane temabandla netigidzi tebantfu ngamunye umhlaba wonkhe ngekubaniketa imphahla yetenkholo. Kutfunywa kwetfu kukukhutsata bantfu kutsi basondzele edvute neNkhosi Jesu ngekwenta liVangeli laKhe libe khona kuwo wonkhe umuntfu losebusweni bemhlaba.

Ngifuna kubhabhatiswa. Manje ngenteni ke?

Uma ungakhoni kutfola umuntfu kutsi akubhabhatise eGameni leNkhosi Jesu Khristu, sitfumelelei-imeyili nendzawo yakho lokuyo futsi sitokutfumelela luhla lwemabandla endzaweni yangakini langakubhabhatisa ngalokufanele. Khumbulani, ngekweliBhayibheli kumcoka kutsi ubhabhatiswe eGameni laJesu, futsi kungabi seticwini teYise, iNdvodzana, naMoya loNgcwele.

Ucabanga kutsi ngilahlekile nje njengoba ngiliKhatolika noma lilunga lalelinye lihlelo na?

INkhosi Jesu yatsi, "Ningehluleli, kute nani ningehlulelwa." Akukho-muntfu loneligunya lekwehlulela insindziso. Jesu futsi watsi, "Loyo lokholwako futsi abhabhatiswe uyosindziswa; kepha longakholwa uyolahlwa." Ngako akunandzaba uma uliKhatolika, iBapisti, noma iPhentekhostali; uma ukholelwa eNkhosini Jesu Khristu khona-ke uyosindziswa.

Yini iVoice Of God Recordings (VGR)?

Voice Of God Recordings, Inc. iyinkonzo lengakhetsi-hlelo lenikelwe ekuchutjekiselweni embili kweliVangeli leNkhosi Jesu Kristu. Umtfombo wekucala lesiwuniketelako tinshumayelo taWilliam Marrion Branham longasekho, umprofethi waNkulunkulu nemvangeli lowatiwa tive ngetive. Kufinyelela khashane kwetfu kumbandzakanya emaMP3 CD, emaDVD, emavidiyo, i-software, tincwadzi, emaphephabhuku, tincwajana, titfombe, tincwadzi tetindzaba, nemawebsayithi.

Ngubani William Branham, futsi uhlangana ngani nami?

UMfundisi Branham bekangumvangeli lobekadvumile emhlabeni lobekasensimini yekuba sitfunywa senkholo kusukela cishe nga 1947 kuya ku 1965. Akusiko kona kuphela kutsi waholela tigidzi kuKhristu, kodvwa Nkulunkulu wacinisekisa inkonzo yakhe ngemimangaliso lengenakubalwa. Lesichumanisi lesi sitokunika singeniso enkonzweni yakhe.

Uma yonkhe lemimangaliso impela yenteka, kungani kepha ngingakaze ngeva ngaye?

Lowo ngumbuto lomuhle, nalowo lesingatsandza kuwubuta onkhe emabandla lamakhulu anamuhla. Nkulunkulu watfuma umprofethi! Kungani wonkhe umuntfu angakhulumi ngako na? Bebafanele.

Kungani nigcizelela kakhulu ngaWilliam Branham?

Ngesizatfu lesifanako Joshuwa labeka kugcizelela lokukhulu kangaka kuMosi. Mosi bekangumprofethi lowaletsa uMlayeto lovela kuNkulunkulu. UMnaketfu Branham wenta intfo lefanako.

Ngibabonile besifazane labaphatselana nalenkonzo yenu. Kuyangani kutsi bonkhe babenetinwele letindze futsi bagcoke tiketi letindze?

Pawula watsi kubaseKhorinte I 11:15: "Kepha uma wesifazane anetinwele letindze, kuludvumo kuye: ngoba uphiwe tinwele takhe tibe simbonyo." Pawula washo futsi kutsi besifazane bafanele "batihlobise ngetingubo letifanele..." naMosi watsi, "Wesifazane akayugcoka lokuphatselene newesilisa." Uma liBhayibheli likusho, khona-ke emaKhristu eliciniso atokukholwa.

Ngente lucwaningo lolutsite futsi ngatfola kutsi emawebsayithi lambalwa lanikelwe kuphikisana netintfo uMfundisi Branham latisho. Uwaphendvula kanjani wona?

Utotfola emawebsayithi lanikelelwe kuphikisana nanoma yini nako konkhe, kufaka ekhatsi neliBhayibheli. Sicela kalula kutsi wehlulele uMlayeto lesiwetfule kuwe ngeLivi laNkulunkulu, futsi kungabi ngebuciko bekukhuluma lobulula kakhulu kubutfola ku inthanethi. Khumbula, akukho muntfu lotfukwa kakhulu kuneNkhosi Jesu. Uma wenta intfo letsite lelungile, khona-ke ungakulindzela kugcekwa.

Tonkhe tinhlangano tifake tandla tato emakhukhwini ami. Kuhlala njalo kuphatselene nemali.

Caphela akukhondzawo kulewebsayithi kwenta umnikelo. Uma kufika sikhatsi lapho sidzinga khona kucela imali, khona-ke sikhatsi sesifikile sekutsi lenkonzo iphele. Loku akusiko kwekwenta imali, kukwekutfola imiphefumulo iye kuJesu Khristu.

Ngifuna kufundza lokunengi; ngusiphi sinyatselo lesilandzelako?

LiBhayibheli litsi, "kukholwa kuvela ngekuva," ngako siyakukhutsata kutsi uchubeke nekulalela. Sinetinshumayelo leticoshiwe letingetulu kwa1,200 letikhona kutidawunloda ngesihle. Singakutfumelela imphahla eposini uma unenkinga ngekudawunloda emafayela lasebenta ngagezi.


www.branham.org iposa tindzaba tansuku tonkhe netimfakazo letitalenkonzo yetfu. Siyakumema kutsi usivakashele nsuku tonkhe futsi ufundze imibiko levela kumakholwa umhlaba wonkhe. Ungahle umangale kutsi tinengi kangakanani tintfo letinkhulu iNkhosi Jesu letentako khona manje, kulolusuku lwesimanje.