Ngalokusobala, umbhabhatiso umcoka kakhulu, kodvwa ngabe kunendzaba yini kutsi sibhabhatiswa kanjani? Ukhona yini umbhabhatiso longiwo, noma yini iyosebenta na? Uma ulikholwa liBhayibheli, khona-ke YEBO, ukhona umbhabhatiso longiwo.
Linengi lemabandla libhabhatisa eGameni leYise, iNdvodzana, naMoya loNgcwele, kodvwa loku akusiko kahle ngekweliBhayibheli.
ETentweni 19, kwakunebantfu labatsite lebesebavele bakholiwe kuJesu Khristu, kodvwa bebangakamemukeli noko uMoya loNgcwele etinhlitiyweni tabo. Umphostoli Pawula bekayati indlela lengiyo yekwemukela uMoya loNgcwele, ngako wababuta, “Pho nabhabhatiselwa kukuphi na?” Base batsi, “Embhabhatisweni waJohane.” (Tento 19:3) Pawula wabona kutsi bebagakabhabhatiswa ngekwemyalo waPhetro eTentweni 2:38, ngako wabayala kutsi baphindze babhabhatiswe eGameni leNkhosi Jesu. Khona-ke, njengoba kwetsenjiswa, bawemukela uMoya loNgcwele.
Ngako, bafundzi babhabhatiselani eGameni laJesu kantsi Jesu, cobo lwaKhe, wabatjela kutsi babhabhatise eGameni (hhayi “emagameni”) leYise, neleNdvodzana, nelaMoya loNgcwele na? (Matt 28:19) Ngabe benta liphutsa na? Cha! Benta kona impela njengoba bayalwa.
Njengoba ufundza loludzatjana, cabanga ngeligama lakho. Ngabe uyindvodzana na? Ngabe ligama lakho uyi, “Ndvodzana”? Ngabe ungumake na? Ngabe ligama lakho ngu, “Make”? Impela cha, leto kalula ticu nje. Uneligama sibili, futsi unjalo ke naNkulunkulu.
Nayi imphendvulo:
Futsi ayikho intfo lenjalo eBhayibhelini lenjengekutsi ukhona noma ngubani lowake wabhabhatiswa egameni leYise, iNdvodzana, uMoya loNgcwele; ngoba ayikho intfo lenjalo. UYise akasilo gama; neNdvodzana akusilo gama; naMoya loNgcwele akusilo gama; kodvwa liGama leYise, iNdvodzana, uMoya loNgcwele yiNkhosi Jesu Khristu.
Jesu Khristu nguNkulunkulu! UnguYise, iNdvodzana, naMoya loNgcwele.
Uma ufuna uMoya loNgcwele futsi umangala kutsi kungani iNkhosi isengakakuniki wona noko, khona-ke ungahle utibute cobolwakho umbuto lofanako Pawula lawubuta, “Pho nabhabhatiselwa kukuphi na?”
Imibhalo
Matewu 28:19
Ngaloko hambani, futsi nifundzise tive tonkhe, nibabhabhatise egameni leYise, neleNdvodzana, nelaMoya loNgcwele:
[Ngubani liGama leYise na? LiGama leNdvodzana na? LiGama laMoya loNgcwele na?]
Makho 16:16
Loyo lokholwako abhabhatiswe uyosindziswa; kepha loyo longakholwa uyolahlwa.
Johane 5:43
Ngite egameni laBabe wami, futsi aningemukeli: uma kuta lomunye ngelakhe ligama, yena nitomemukela:
[Uma Eta ngeliGama leYise waKhe, ngubani-ke leliGama laKhe na?]
Johane 10:30
Mine naBabe wami simunye.
Johane 12:45
Futsi Lobona mine ubona loyo longitfumile.
Johane 14:8-9
Filiphu watsi kuye, Nkhosi, sikhombise Babe, futsi kusenele.
Jesu watsi kuye, Sikhatsi lesingaka Nginani, kepha solo awukangati, Filiphu na? loyo longibonile mine umbonile Babe; pho usho kanjani ke kutsi, Sikhombise Babe na?
Johane 20:27-28
Wase yesetsi kuTomase, Letsa lapha umuno wakho, futsi ubone tandla tami; futsi yelula sandla sakho, futsi usifake eluhlangotsini lwami: futsi ungabi ngulongakholwa, kodvwa lokholwako.
NaTomase waphendvula futsi watsi kuye, Nkhosi yami naNkulunkulu wami.
Tento 2:38-39
Phetro wase utsi kubo, Phendvukani, ngulowo nalowo wenu abhabhatiswe egameni laJesu Khristu kuko kutsetselelwa kwetono, khona niyokwemukeliswa siphiwo saMoya loNgcwele.
Ngoba lesetsembiso senu, nesebantfwana benu, nesabo bonkhe labakhashane, bonkhe iNkhosi Nkulunkulu wetfu leyobabita.
Tento 4:12
Ayikho insindziso ngalomunye: ngoba alikho futsi lelinye ligama ngaphansi kwelizulu leliniketwe bantfu, lesimelwe kusindziswa ngalo.
Tento 8:12
Kepha batsi kube bakholwe nguFiliphu ashumayela tintfo mayelana nembuso waNkulunkulu nangeligama laJesu Khristu, babhabhatiswa, bobabili besilisa nebesifazane.
Tento 19:3-6
Wase utsi kubo, Pho nabhabhatiselwa kukuphi na? Base batsi, Kuko kubhabhatisa kwaJohane.
Pawula wase utsi, Johane ecinisweni bekabhabhatisa umbhabhatiso wekuphendvuka, atsi kubantfu, abakholwe nguye lobekatokuta emvakwakhe, lokukutsi, kuKhristu Jesu.
Batsi ngekuva loku, babhabhatiswa egameni leNkhosi Jesu.
Kwatsi Pawula sekabekile tandla takhe etikwabo, uMoya loNgcwele wehlela etikwabo; base bakhuluma ngetilimi, futsi baprofetha.
Base-Efesu 4:5
Yinye iNkhosi, kunye kukholwa, munye umbhabhatiso,
BaseKholose 3:17
Futsi konkhe lenikwentako noma kungelivi noma kungesento, kwenteni konkhe egameni leNkhosi Jesu, nibonga Nkulunkulu neYise ngaye.
I Johane 5:7
Ngoba batsatfu labafakazako ezulwini, Babe, Livi, naMoya loNgcwele: nalaba labatsatfu bamunye.