Bukani, Ngitonitfumelela Eliya umprofethi lungakefiki lusuku lweNKHOSI lolukhulu nalolwesabekako:
Futsi uyophendvulela inhlitiyo yabobabe kubantfwana, nenhlitiyo yebantfwana kuboyise, funa ngifike futsi ngishaye live ngesicalekiso.
INcwadzi yekugcina yeliThestamenti leliDzala yetsembisa kubhujiswa kwemhlaba. Kodvwa ngaphambi kwekuphela, Eliya umprofethi ushitiwo angakefiki kutsi abuye futsi etfule Mesiya. Labanye batsi Johane umBhabhatisi wasigcwalisa lesiprofetho lesi.
Eminyakeni letinkhulungwane letimbili leyendlula, emaJuda bekalindzele Mesiya kutsi efike. Bekati kutsi Malakhi waprofetha kutsi indvodza lenemoya wa-Eliya yayiyokwetfula Mesiya kuwo. Kodvwa ngesikhatsi Johane umBhabhatisi efika, bekangesiko loko lebekabheke kutsi Eliya abe ngiko. Ngesikhatsi abuta Jesu kutsi kungani Eliya bekangafikanga kucala, Wawatjela ngalokucacile nje kutsi Johane bekakugcwaliseka kwaleso siprofetho:
“Futsi uma nivuma kukwemukela, lona ngu-Eliyase, lobetofika.”
(Eliyase luhlobo lwesiGrikhi laleligama lesiHebheru, Eliya.)
Kwakulicembu lelincane kuphela lebantfu labemukela lesambulo. Elinengini lebaholi betenkholo, Johane bekangetulu kwemgceki loshisekele ngalokwecile wetinhlangano tabo. Akusiko kuphela kutsi abawucondzanga umoya wa-Eliya, kodvwa lokubi kunako konkhe, baphutselwa nakuFika kwaKhristu.
Kanjalo ngabe Johane umBhabhatisi wagcwalisa siprofetho saMalakhi na? Hhayi ngalokuphelele.
Kwekucala nje, umhlaba usengaka “vutsi njengelitiko” noko, ngako siyati kutsi lokungenani incenye yaMalakhi 4 isatokwenteka. Lenye incenye yembhalo lengakagcwaliswa nguJohane yayikutsi, “agucule inhlitiyo yebantfwana kuboyise.” Futsi, Jesu, cobo lwaKhe, waprofetha kutsi Eliya u (sikhatsi lesitako) yeta futsi uyobuyisela tonkhe tintfo. (Math. 17:11)
Ngako-ke sifanele sifune Eliya
ngaphambi
kwekuBuya kwesiBili kwaKhristu!
Manje, kulolusuku lwesimanje, sikhatsi sekuBuya kweSibili kweNkhosi Jesu. Futsi, sitsenjiswa kutsi umoya wa-Eliya uyoMetfula kitsi ngekwaMalakhi 4. Kodvwa cembu lini lebantfu leliyomcondza Eliya uma efika na? Kuphela labo labamgadzile.
LamaVi eNkhosi yetfu neMsindzisi efika emcondvweni uma sicabanga ngesiprofetho saMalakhi salamahora ekuvala esikhatsi:
Kepha ngitsi kini, Eliyase sewuvele wefika, kepha abamatanga… Matewu 17:12
Uma-ke siphutselwa ngulokubuya loku kwa-Eliya ke? Ngabe sitophutselwa yini kuBuya kweSibili kwaKhristu, njengebabhali nebaFarisi baphutselwa kuBuya kwekuCala kwaKhe ngoba abamcondzanga Johane umBhabhatisi na?
Imibhalo
II emaKhosi 2:15
Futsi sekabonile emadvodzana ebaprofethi aseJeriko lebekamalungana naye, atsi,
Umoya wa-Eliya uhleti etikwa-Elisha.
Futsi eta kutomhlangabeta, ase akhotsama phansi embikwakhe.
Isaya 40:3-4
Livi lalomemetako ehlane litsi, Lungisani indlela yeNKHOSI, nihlelembise elugwadvule umgwaco lomkhulu waNkulunkulu wetfu.
Sonkhe sigodzi sitophakanyiswa, nayo yonkhe intsaba nemagcuma kuyokwehliswa: nalegwegwile iyocondziswa, netindzawo letimahhedle titoba litsafa: [Johane umBhabhatisi]
Malakhi 3:1
Bukani, Ngitotfuma sitfunywa sami
[Johane umBhabhatisi],
futsi
sitolungisa indlela embikwami:
naleNkhosi, leniyifunako, itofika ngekushesha ethempelini layo, ngisho nesitfunywa sesivumelwano, lenitfokota ngaso: buka, siyeta, isho iNKHOSI yemabandla.
Malakhi 4:1-6
Ngoba,
bukani, luyeta lusuku, luvutsa njengelitiko
[kusengakenteki noko];
nabo bonkhe labatichenyako, yebo, nabo bonkhe labenta lokubi, bayoba ngemabibi: futsi luyobashisa lolosuku lolutako, isho iNKHOSI yemabandla, lungabashiyeli kwasamphandze neligala.
Kepha kini nine lenilesabako ligama lami kuyophuma liLanga lekulunga linekuphilisa etimphikweni talo; futsi niyophuma, futsi nitjekule njengematfole esibaya.
Futsi niyonyatsela phansi lababi; ngoba bayoba yimilotsa ngaphansi kwemasoli etinyawo tenu ngelusuku lengenta ngalo loku, isho iNKHOSI yemabandla.
Khumbulani umtsetfo waMosi inceku yami, lengamyala ngawo eHorebe ngaye wonkhe Israyeli, netimiso netehlulelo.
Bukani,
Ngitotfumela kini Eliya umprofethi lungakefiki lusuku lweNKHOSI lolukhulu nalolwesabekako:
Futsi
uyophendvulela inhlitiyo yabobabe kubantfwana
[Johane umBhabhatisi],
nenhlitiyo yebantfwana kubobabe babo
[Eliya wamanje],
funa ngifike futsi ngishaye umhlaba ngesicalekiso.
Matewu 11:10
Ngoba lona nguye, lokubhalwe ngaye kutsi, Buka, ngiyatfuma sitfunywa sami embikwebuso bakho, lesitolungisa indlela yakho embikwakho.
[Malaki 3:1, Johane umBhabhatisi]
Matewu 11:14
Futsi uma nivuma kukwemukela, lona ngu-Eliyase, lobekatofika.
[Johane umBhabhatisi]
Matewu 17:11-12
NaJesu waphendvula watsi kubo,
Eliyase impela utofika kucala, futsi uyobuyisela tonkhe tintfo.
[Eliya wamanje]
Kepha ngitsi kini, Eliyase sewuvele wefika, futsi abazange bamati noko, kodvwa bente kuye labakutsandzako. [Johane umBhabhatisi] Kanjalo ke neNdvodzana yemuntfu iyohlushwa ngibo.
Lukha 1:17
Futsi uyohamba embikwayo emoyeni nasemandleni a-Eliyase, kuguculela tinhlitiyo tabobabe kubantfwana, nalabangalaleli ekuhlakanipheni kwalabalungile; kulungisa bantfu balungiselwe iNkhosi.
[Johane umBhabhatisi]