Konkhe kwacala emagcumeni aseKentucky. Bekasengumfana nje ngesikhatsi uyise abalekela umtsetfo futsi watfutsela umndeni wakhe eJeffersonville, e-Indiana. Ucoca ngemibono yakhe yekucala nekutsi iNkhosi yamtjela kanjani kutsi aphile imphilo lehlantekile. Washada nes’thandwa sakhe futsi bekatfokotela imphilo yekujabula njengemfundisi losemusha anemsebenti locinile nebantfwana lababili, kodvwa-ke inhlekelele yagadla. Ungeke waba ngulofanako emvakwekulalela uMfund. William Branham acoca umlandvo ngemphilo yakhe.

Lelive lenkholo yesimanje lisifundzise kutsi kuba ngumKhristu kujoyina libandla. Empeleni, emahlelo ehlukanisa bantfu babe mabandla lehlukene netinkholoze, futsi basihlele ngekutsi singevani sodvwa. Insindziso ingatfolakala kuphela kuKhristu; ingeke itfolwe nje ngekutsi kalula ube lilunga lelihlelo. Ngabe tsine "maKhristu" sibambise ngetivumokholo nemibhedesho sentele budlelwane lobucondzene nemuntfu neNkhosi Jesu Khristu na? Sikhatsi sekubuyela eBhayibhelini.

Naku linengi lebantfu lelicabanga kutsi kwenteka eNsimini yase Edeni: Nkulunkulu watjela Adamu na-Eva kutsi bangadli sitselo lesitsite. Inyoka "yakhohlisa" Eva ekudleni lesitselo. Wase ke Eva usinika Adamu, futsi wenta lokufanako, lokwababangela kutsi bati kutsi bebangcunu futsi baholela ekuweni kwesive lesibantfu. Imibuto lesobala ikutsi: hlobo luni lwenyoka lolungakhuluma, kwayangani kudla sitselo kuvule emehlo abo ekubeni ngcunu kwabo, futsi kungani masinyane babe nebantfwana emvakwaloku na? Imphendvulo ilula, nalenshumayelo lena iyakuchaza.

Ngineliciniso kutsi ngikhuluma kubantfu manje ekuseni losefike kuleyondzawo. Sengike ngaba lapho tikhatsi letinengi cobolwami. Lapho ngibuyele khona emuva ngase ngilandzela umkhondvo wemphilo yami futsi ngagwabula onkhe ematje, futsi ngitfole kutsi ngente intfo letsite lengakalungi, ngiyahamba ngiyivume bese ngitsi, "Nkhosi Nkulunkulu, ngitoyilungisa," bese ngiyahamba ngente njalo. Bese ngiyabuya futsi bese ngitsi, "Manje, Nkhosi, Wena unguNkulunkulu; Utongiphendvula. Impela ngihlangabetane nato tonkhe ticelo Lobewudzinga ngitente. Nato tonkhe tidzingakalo, ngihlangabetane naso." Futsi noma kunjalo Anganyakati, ubonakala kwangatsi uhleti uthulile; kungalesosikhatsi lawufanele uciniseke kutsi UnguNkulunkulu. Ungadvumali…

Iminyaka letinkhulungwane letimbili leyendlula, Jesu Khristu wanikela ngemphilo yaKhe entela sonkhe sidalwa lesingumuntfu lesike sahamba kuleplanethi lenguMhlaba. Lwaluchaza kutsini lolosuku eKhalvari kulowo ngamunye wetfu na? Lwasinika lonkhe litfuba lekwemukela kuPhila lokuPhakadze. Uma inhlitiyo yakho ilangatelela kuba nebudlelwane lobucondzene nawe neMsindzisi wakho, khona-ke lena yindzawo lenhle yekutsi ucale.

Umyalo waWilliam Branham lovela kuNkulunkulu walumeka imvuselelo yekuphilisa yemhlaba wonkhe jikelele yalesandza kwendlula kwabo 1940 na 1950. Bavangeli njenga Oral Roberts, T.L. Osborne, naJack Coe balandzela etinyatselweni takhe futsi bagucula buso belive lemaKhristu. Loku konkhe kwacala kanje.