Genesisi 3:1
Manje inyoka yayinebucili kunato tonkhe tilwane tasendle iNKHOSI Nkulunkulu lebeyitentile. Futsi yatsi kuwesifazane, Ya, ngabe Nkulunkulu ushito yini kutsi, Ningadli kusosonkhe sihlahla sasensimini na?
Genesisi 3:6-7
Futsi uma lowesifazane abona kutsi sihlahla silungele kudliwa, nekutsi sasibukeka emehlweni, nekutsi sihlahla lesincanelekile ekwenteni umuntfu ahlakaniphe, watsatsa sitselo saso, wase uyadla, futsi wanika nendvodza yakhe kanye naye; nayo yasidla.
Nemehlo abo bobabili ase ayavuleka, futsi bati kutsi bebangcunu; base batfunga emacembe emkhiwa, futsi batentela tidziya.
Genesisi 3:14-15
NeNKHOSI Nkulunkulu yatsi enyokeni, njengoba sewente loku, sewucalekisiwe etikwetinkhomo tonkhe, nangetulu kwato tonkhe tilwane tasendle; utawuhamba ngesisu sakho, futsi udle lutfuli tinsuku tonkhe tekuhamba kwakho:
Futsi ngitobeka butsa emkhatsini wakho newesifazane, nasemkhatsini wentalo yakho nentalo yakhe; yona itohubula inhloko yakho, futsi wena utohubula sitsendze sayo.
Lesi sono sekucala lesibhaliwe eBhayibhelini. Lesinekuhlakanipha kakhulu kunato tonkhe tilwane, inyoka, “yakhohlisa” Eva ekudleni lucetu lwesitselo lesincatjelwe. Wasidla wase ke usinika indvodza yakhe, lesababangela kutsi babone kutsi bebangcunu.
Imibuto lesobala ikutsi: Ingakhuluma kanjani inyoka na? Lihlangene ngani lihhabhula nekubangcunu na? Futsi, ingenaphi intalo yenyoka kuko konkhe loku na?
LiBhayibheli litsi inyoka beyine “bucili” lobukhulu kunato tonkhe tilwane. Yayifana kakhulu nemuntfu, kangangoba yayikhona kuhamba, kukhuluma, futsi inayo ngisho nengcogco lenekuhlakanipha. Emvakwekuba seyikhohlise umka Adamu, Nkulunkulu wayicalekisa kutsi ibe yinyoka leleyetayelekile, kodvwa hhayi ngaphambi kwekutsi umonakalo wentiwe nentalo yatalwa.
LiBhayibheli liyasho kuGenesisi 3:15 kutsi inyoka beyinentalo, futsi Nkulunkulu wabeka butsa emkhatsini waletintalo letimbili. Ngalokusobala, intalo yenyoka yalumbana nentalo ya-Eva yemvelo ngaphambi kwekwehlukana. Kwakungenteka kanjani konkhe loko kube ngumphumela wekudla lihhabhula na? Ngako-ke, lamavesi lambalwa kamuva, “Adamu wamcamba umkakhe ligama lekutsi nguEva; ngoba wabangunina wabo bonkhe labaphilako.” Caphelani kutsi akusho kutsi Adamu bekanguyise wabo bonkhe labaphilako.
Kune “titselo” letehlukene eBhayibhelini. Kusobala, kunesitselo sibili lesiphatsekako, njengelihhabhula, lesimilako futsi sidlelwa kutsi sibe kudla. Kukhona futsi sitselo lesibhekiswe emisebentini yetfu, noma ngabe yimisebenti yemvelo njengekulima nebhizinisi, noma imisebenti yakamoya njengekwenta imimangaliso nekushumayela liVangeli. Bese-ke, kunesitselo sesinye, lesibhekiswe ekukhulelweni nasekutaleni umntfwana.
Ngabe kudla sitselo sibili kwakunganika Adamu na-Eva kucondza kutsi bebangcunu na? Noma, ngabe kwakungatsatsa budlelwane benyama emkhatsini kwewesilisa newesifazane kutsi bona bacondze kutsi kungani bebafanele bambonye titfo letitsite temitimba yabo na?
Kantsi kwentekani vele ngalolosuku eNsimini kubangela bonkhe bantfu kutsi bawe na?
Njengoba iNtalo yewesifazane yayinguNkulunkulu empeleni aphindza ativeta cobo lwaKhe enyameni yemuntfu, kanjalo intalo yenyoka iyindlela sibili Sathane latfola ngayo kutsi akhone kutivulela umnyango esiveni lesibantfu. Kwakungeke sekwenteke kutsi Sathane (ngoba kuphela usidalwa sakamoya lesiDALIWE) kutsi aphindze ativete cobo lwakhe ngendlela Nkulunkulu laphindza wativeta cobo lwaKhe, ngako indzaba yaGenesisi iyasho kutsi wayiveta kanjani intalo yakhe wase uyetfula noma watijovela esiveni lesibantfu. Futsi khumbula kutsi Sathane ubitwa nge “nyoka.” Yintalo yakhe noma kujovela esiveni lesibantfu lesikhuluma ngako.
Ngaphambi kwekutsi Adamu ate abe nekwati kwenyama kwa-Eva, inyoka yayibe nalo lololwati ngaphambi kwakhe. Nalowo lowatalwa ngiyo bekanguKhayini. Khayini bekawalowo (watalwa nguye, watfolwa nguye) “LoMubi,” (I Johane 3:12)
…Liciniso lalendzaba likutsi Eva esinyeni sakhe bekanemadvodzana LAMABILI (emawele) ekumitseni LOKWEHLUKENE. Bekatfwele emawele, anekukhulelwa Khayini mhlawumbe ngaphambili kwaloko kwa-Abela.
Imibhalo
Genesisi 3:6-7
Futsi uma lowesifazane abona kutsi sihlahla silungele kudliwa, nekutsi sasibukeka emehlweni, nekutsi sihlahla lesincanelekile ekwenteni umuntfu ahlakaniphe, watsatsa sitselo saso, wase uyadla, futsi wanika nendvodza yakhe kanye naye; nayo yasidla.
Nemehlo abo bobabili ase ayavuleka, futsi bati kutsi bebangcunu; base batfunga emacembe emkhiwa, futsi batentela tidziya.
[Bebangati kanjani kutsi bebangcunu ngekudla lucetu lwesitselo na?]
Genesisi 3:13-15
NeNKHOSI Nkulunkulu yatsi kuwesifazane, Yini loku losewukwentile na? Nalowesifazane watsi, Inyoka ingikhohlisile, ngase ngiyadla.
NeNKHOSI Nkulunkulu yatsi enyokeni, Njengoba sewente loku, sewucalekisiwe etikwetinkhomo tonkhe, nangetulu kwato tonkhe tilwane tasendle; utawuhamba ngesisu sakho, futsi udle lutfuli tinsuku tonkhe tekuhamba kwakho:
Futsi ngitobeka butsa emkhatsini wakho newesifazane, nasemkhatsini wentalo yakho nentalo yakhe; yona itohubula inhloko yakho, futsi wena utohubula sitsendze sayo.
[Inyoka yayinentalo. Kusobala, loku akukabhekiswa enyokeni.]
Genesisi 3:20
Adamu wamcamba umkakhe ligama lekutsi ngu-Eva; ngoba wabangunina wabo bonkhe labaphilako.
[Kuyangani Adamu yena angabitwa ngeyise wabo bonkhe labaphilayo na?]
Genesisi 4:1-2
Futsi Adamu wamati umkakhe Eva; futsi wakhulelwa, futsi watala Khayini, wase utsi, Ngitfole indvodza eNKHOSINI.
Waphindze watala Abela umnakabo. Futsi Abela waba ngumelusi wetimvu, kodvwa Khayini waba ngumlimi wemhlabatsi.
[Konkhe kuphila kuvela kuNkulunkulu, noma kukhulelwe ngekwemtsetfo noma ngalokungekho emtsetfweni. Sathane angeke akudale kuphila.]
Lukha 3:38
Lobekayindvodzana ya-Enose, lobekayindvodzana yaSethi, lobekayindvodzana ya-Adamu, lobekayindvodzana yaNkulunkulu.
[Liphi lelitibulo lelinguKayini esitukulwaneni sa-Adamu na?]
I Johane 3:12
Kungabi njengaKhayini, lobekawalomubi, futsi wabulala umnakabo. Futsi wambulalelani na? Ngoba imisebenti yakhe lucobo yayimibi, futsi neyemnakabo yayilungile.
[Nkulunkulu wadala Adamu ngemfanekiso waKhe. Bavelaphi bubi baKhayini, futsi kwavelaphi kulunga kwa-Abela na? Tincenye tabo tatsatselwa kubobabe babo.]
Juda 1:14
Na-Enoke naye, awesikhombisa kusukela ku-Adamu, waprofetha ngabo, watsi, Buka, iNkhosi ita nalabangcwele bayo labatinkhulungwane letilishumi,
[Akukho ndzawo eBhayibhelini lapho Khayini asesitukulwaneni sa-Adamu.]