Swihundla Swi Paluxiwa

Emasunguleni ya ministri wa Makwerhu Branham wu vile erivaleni leswaku mafambiselo ya xidinominexini a ya akiwe leswaku ya kondletela mavandla ya vukhongeri, nakona yi ngari Evhangeli ya ntiyiso. Makwerhu Branham a pfumela Bibele Rito hi Rito, nakona a nga xaveleli, hambi loko swivuriwa hi vaaka tiko lava nga dumangiki kusuka eka vatirhi kun’we, vanghana, kumbe ndyangu.

Loko a hari xirho xa Missionary Baptist Church, u byeriwile ku veka vavasati va tiministara. Hambi leswi, a tiva Matsalwa hinkwawo kahle. I Timotiya 2:12 yi ri erivaleni, “Kambe a ndzi pfumeleli wansati ku dyondzisa, kumbe ku lerisa ehenhleni ka wanuna, kambe a miyeli,” na I Vakorinto 14:34 yi ri, “Mi nge vavasati va n’wina a va miyeli a tikerekeni: hikuva a swi pfumeleriwanga eka vona ku vulavula…” Leswi a swi ngari nchumu ku lwisana na vavasati, kambe Bibele i ya ntima na ko basa eka mhaka. Loko mhaka yo hetelela yi nyikiwile, a nga ta swikota ku xavelela swingaleswi u fambile a sukela kereke.

Yalawa a hi Matsalwa ya ri woxe lawa ya nga tsan’wiwa hi ku hetiseka hi tidinominexini. Hosi yi paluxile ntiyiso hi nkhuvulo eka Makwerhu Branham. Xana Yesu a ta lerisisa ku yini leswaku, “Fambani hakona, mi ya dyondzisa matiko hinkwawo, mi va khuvula hi vito ra Tatana, na ra N’wana, na ra Moya lowo Kwetsima,” hambi swi ri tano nkhuvulo wun’wana na wun’wana lowu wu nga a Bibeleni wu hi Vito ra Yesu? Muapostola Petro u lerisile eka Mintirho 2:38 leswaku hundzukani mi khuvuriwa hi Vito ra Yesu Kreste. Matsalwa ma tirha eka ntwanano lowu wu nga hetiseka, kambe swi teka muprofeta ku paluxa xihundla lexi: “Tatana” a hi vito, “N’wana” a hi vito, na “Moya lowo Kwetsima” a hi vito. Ntsena tani hi wanuna a ri un’we i va ari tatana wa vana va yena, n’wana wa vatswari va yena, na kuva a ri makwenu eka va sivara va yena, hambi swi ri tano vito ra yena a hi “tatana,” “n’wana,” kumbe “makwenu.” Tatana, N’wana, na Moya lowo Kwetsima i swiyimela-mavito ra Vito ra Yesu Kreste. Matewu 28:19 na Mintirho 2:38 ti fika eka alayimente leyi hetisekeke.

Hambi kuri xidyoho xo sungula eNtangeni wa Eden xi paluxiwile, ku ngari hi ku dya muhandzu, kambe hi swin’wana swa vubihi ku tlula tlhelo leri n’wana. Xana swi nga endlekisa ku yini hi ku dya xiphemu xa muhandzu xikan’we-kan’we swi paluxela Adam na Evha leswaku a va ambalanga? A swikali swi twala no twala. Xana apula ri na ntirho muni na kuva munhu a nga ambalanga xana? Muprofeta wa Xikwembu u vekile swilo leswi erivaleni a paluxa xihundla lexi.

Xana i va mani lava tintsumi a ti vulavula hi vona eka Nhlavutelo kuavanyisa ka 2 na 3? Mavito ya vona ya nga ha twakala ya twala.

I mani mukhandziyi wa xihundla wa hanci ya Nhlavutelo kuavanyisa ka 6? Va na nchumu wun’we lowu wu nga un’we.

Xana United States ri kale ri vuriwa eka Buku ya Nhlavutelo xana?

Xana i va mani va 144, 000 lava va nga ponisiwa eka kuavanyisa ka 7?

I mani muoswi lonkulu wa ku avanyisa ka vu17? Ku tiveka ka yena na hinkwaswo swihundla leswi swi paluxiwile eka Hungu ra muprofeta loyi wa matimba a nga rhumiwa hi Xikwembu.

A nga endlanga mahlori ntsena lawa ya nga hlayekiki ya nga landza wanuna loyi, kambe swihundla leswi swi nga fihliwa endzeni ka Bibele eka tinguva na swona swi paluxiwile eka ministri wa yena. Swi vile erivaleni leswaku muprofeta loyi u hetisisile Matsalwa yo tala kutlula Malakiya 4.

Nhlavutelo 10:7: Kambe emasikwini ya rito ra ntsumi ya vunkombo, loko yi ta yimba nanga, xihundla xa Xikwembu xi ta hetiseka, tani hilaha xihlambanyeke eka malandza ya xona ya vaprofeta.

Rito rile ku huweleleni eka misava leswaku yi huma eka tidinominexini yi tlhelela endzhaku eka Rito ra Xikwembu lero sungula. Un’wana na un’wana wa hina una nkateko wo fana na wa Petro, Yakob, na Yohana lowu a vari na wona. Hi na nkateko wa ku hlayeriwa na lava ntsongo lava va nga hlawula hi Xikwembu lava va nga taka va nga khinsameli minhlangano ya vukhongeri ya siku leri.

Matsalwa yo Kwetsima ya ni vumbhoni bya vutomi na mintirho ya vavanuna lava nga famba na Xikwembu nakona a vari na ntoto wa Moya wa Xona lowu va nga hlambanya LESWI HOSI YI SWI VULAKA, na marito ya vona ya tiyisisiwile hi masingita lawa ya ngariki ya vunwa na swihlamariso. A vari vaprofeta va Xikwembu, na Rito ra Xikwembu eka rixaka ra vona.

Xana minkarhi yi hambanile sweswi xana kutlula loko va hari kona loko Yesu a ri kona? A vari varhangeri va vukhongeri lava va nga N’wi vamba. Vadyondzisiwa a vo va xinambarana xintsongo exikarhini ka mafambiselo lawa kulu ya vukhongeri. A va nga dumanga va ri nhlayo yintsongo, va hlekuriwa, nakona xikan’we-kan’we a va dlayiwa loko va nga yima va lwisana na xigovana lexikulu xa mafambiselo ya xidinominexini. A hi nge dlayiwi eka ripfumelo ra hina namuntlha, kambe hi ntiyiso wa kona hi va hi ntiyiso hi xanisiwile. Kukotisa Vafarisi na Vasaduki, va ngaka va nga ali mahlori lawa a ya landzela ministri wa Makwerhu Branham swingaleswi ya kombela ku pfuniwa eka kuhlaseriwa kun’wana. Mi nga ha switwa leswaku a ri muprofeta wa vunwa, murhangeri wa swa mikhuva, kumbe wo nyanya. Hi ntiyiso, a ri munhu loyi a titsongahataka wa Xikwembu loyi a yima a nga ninginiki a lwisana na vulawuri byo yimisa lebyi tidinominexini na mikhuva a swi ri eka vanhu va Xikwembu. Va hlaserile Yesu hi ndlela yo fana loko Yena a tava a yimile a lwisana na milawu ya vona ya tikereke na mindzhavuko.

Xikwembu xi xiximile Makwerhu Branham eka ku navela ka yena ku pfumela Rito rin’wana na rin’wana a Bibeleni, nakona Xi le ku tirhiseni ka ministri wa yena ku rhangela mamiliyoni ya mimoya yi ya eka Yesu Kreste. Namuntlha, Rito ra Ntsumi ya Vunkombo ri le ku twakaleni ri rhasa tani hilaha Ri nga tshama ri va hakona. Kwalomu ka mamiliyoni mambirhi ku rhendzeleka hi misava va pfumela eka Hungu ra Makwerhu Branham. Leyi yi nga hava yi ri xinhlayani lexi ntsongo swinene eka mabiliyoni mambirhi ya lava va tivulaka Vakreste, kambe loko vanhu va Xikwembu vona va ngari nhlayo leyi ntsongo xana?

Hi na yo tlula 1,200 wa minchumayelo leyi yi nga kandziyisiwa leyi yi nga na Rito leri ri nga profetiwa leswaku ri ta ta eka Nhlavutelo 10:7. Nchumayelo wun’wana na wun’wana wu khiyunula swihundla swa Xikwembu. Rito lero ra kumeka eka n’wina loko mi swi tsakela ku Ri yingisela.

Kungari xinkadyana xin’we kuva ndzi tisa hungu eka vanhu lava va nga ndzi landzelaka, kumbe ku joyina kereke ya mina, kumbe ku sungula xinakulobye xin’wana na nhlangano. A ndzi swi endlanga sweswo nakona a ndzi nge swi endli sweswo sweswi. A ndzi na ku navela eka swilo leswi, kambe ndzi na ku navela eka swilo swa Xikwembu na vanhu, nakona ntsena loko ndzi nga hetisisa nchumu wun’we ndzi tava ndzi ringanerile. Nchumu walowo wun’we i ku vona ku tumbuluke xinakulobye xa ntiyiso xa ximoya exikarhi ka Xikwembu na vanhu, laha vanhu va vaka swivumbiwa leswintshwa eka Kreste, swi tatiwile hi Moya wa Xona ni ku hanya kuya hi Rito ra Xona. Ndzi ta rhamba, ndzi kombela ni ku tshinya hinkwavo leswaku va yingisela rito ra Yena eka lowu nkarhi, ni ku yimisela vutomi bya n’wina ehenhla hi ku hetiseka eka Yena, hambi loko ndzi tshembha embilwini ya mina leswaku ndzi nyikile hinkwaswo eka Yena. Xikwembu a xi mi katekisi, nakona i ngaku ku vuya ka Yena ku nga tsakisa timbilu ta n’wina.

Muf. William Marrion Branham