Makwerhu Branham hakanyingi a hlamusela Langavi ra Ndzilo leswaku hi rona ri nga tiyisisa ministri wa yena. A Ri ri kona eku tswariweni kakwe, ri voniwile hi magidi-gidi eribuweni ra Ohio River, nakona switikomba ri n’wi landzelela hinkwako laha a yaka kona. A kuri hi 1950 laha Hosi yi nga nyika havumbirhi vapfumeri ni lava va nga pfumeriki swo fana leswi swi khorwisaka swi ngari swa vunwa swa leswaku Langavi leri ra Ndzilo a ri ri na muprofeta.
Vusiku a byi tsondzeriwile eka ku pfumala swivutiso eSam Houston Coliseum. Makwerhu Branham a rhangerile mpfuxelelo lowu a wu hanyisa lowu a wu kukula tiko. Minkateko ya Hosi Yesu a yi halaka kukotisa mpfula ehenhleni ka masimu ya ximoya ya koroni. Kambe masingita lamakulu na swihlamariso a swi ti kungari na swisolo. Switano minkarhi hinkwayo, nala wa pfuka loyi a nga mukaneti. Matimba lawa mambirhi ya hlanganile eHouston Texas, na Ntsumi ya Hosi yona hi Yoxe yi xikerile ehansi ku ta lwa nyimpi.
Magidi a ma ri kona ku ta mbhoniyela mahlori lawa ya nga hlayekiki lawa a ya landzela wanuna loyi wa Xikwembu. Loko ka hari ni mixo esikwini, ntlawa wa vaministara va lokhali va ntlhotlhile muprofeta leswaku va phikizana hi ku hanyisa loko Kwetsima, kambe ntlhontlho wu wele eka munghana wo tshembheka wa mudyuharhi wa muprofeta a nga, Mufundhisi F.F. Bosworth. Votala a vari vasoli va vukhongeri lava a va nyikiwile xitiya nhlana hi muministara wa Baptist wa lokhali ni kuva va sola ku hanyisa loko Kwetsima hi marito ya vona. Mphikizano lowu a wu ta wu pfutele eka maphepha hungu, laha ma nga hatla ma hangalasa tinhloko ta mahungu leswaku, “Voya Bya Vukhongeri Byi Tava Byi Ri Karhi Byi Haha Hi 7p.m. Namuntlha E Sam Houston Coliseum.”
Vasori va vukhongeri va hayarile mufodi wa swinepe wa profexini, Ted Kipperman wa Douglas Studios, leswaku a ta tsala mpikizano. Madyambu ya lawa, swifaniso swi tekile Makwerhu Bosworth a yime ximanguva lawa tani hiloko vasoli va vukhongeri va nghenile va fika va chavisela hi swiyimo swa vona; i nkarhi wun’we na rintiho ra yena leri ri nga susumeteriwela exikandzeni xa mukhalabya wo titsongahata.
Loko mphikizano wu tava wu sungurile, Mufundhisi Bosworth hi ku hatlisa u khorwisile ku tshembheka ka ku hanyisiwa loko Kwetsima hi vumbhoni bya Xitsalwa kwalaho, ku sala kuri hava xivutiso, u komberile hinkwavo lava va nga hanyisiwa eka vugono bya vona leswaku va yima. Magidi ya yimile hi milenge ya vona. Endzhaku ka vona lava va nga hanyisiwa loko va tava va tshamile, u vutisile loko hinkwavo lava va nga hanyisiwa hi ku hanyisiwa loko Kwetsima loko va ri swirho leswi swi nga yima kahle na dinominexini ya wanuna loyi leswaku va nga yima. Swirho swa madzana manharhu swa kereke swi yimile hi ku tinyungubyisa swi ri karhi swi kombisa tintswalo leti Hosi Yesu a nga va komba tona.
Ntlhontlho wu tile wu huma eka vasoli va vukhongeri. “Mi nge muhanyisi yaloye wo Kwetsima a ta haleno emahlweni. A hi n’wi pfumeleleni a swi endla”. Makwerhu Bosworth u swi veke kahle erivaleni leswaku Yesu hi yena ntsena a nga Muhanyisi la Kwetsimaka, kambe xikombelo xa vasoli va vukhongeri xi yile emahlweni. Ekuheteleleni, Makwerhu Bosworth u rhambile Makwerhu Branham leswaku a ta eka platifomo. U amukerile xirhambo lexi a xi heleketiwa hi ku huwelela ka ku n’wi sapota.
Muprofeta, u tatiwile hi Moya lowo Kwetsima, a nyika tinhlamulo leti ti landzelaka:
A ndzi nge swikoti ku hanyisa na un’we. Ndzi vula tano. Loko ndza ha ri n’wana ndzi tswaleriwile eState of Kentucky, ku ya hi manana wa mina loyi a rhandzekaka, nakona loyi a nga swi tiyisisa eka vutomi bya mina, ku vile na Layiti leyi nga ta eka kamara lero ro thopiwa kunene ra khale lahaya, laha a ri ri kona, kuri hava semendhe ehansi, leri a ri ri hava na festere, a vari na lexi ntsongo xa xikhale kuva festere kwalahaya, tani hi xivantana, nakona a va xisusumeta hikwalomu ka awara ya ntlhanu na mixo, nakona Layiti leyi yi fika yi endla xirhendzevutani tani hiloko yi tshova siku. Kusukela nkarhi walowo, Ri tshama na mina. Ri Ntsumi ya Xikwembu. Yi hlanganile na mina yi ri hi ximunhu eka malembe mantsongo lawa ya nga hundza. Kusukela ehansi ku famba na vutomi bya mina, Yi ndzi byerile swilo leswi a swi humelela, nakona ndzi va byerile tani hilaha A nga ndzi byela hakona. Nakona ndzi tlhontlha un’wana na un’wana eka ndhawu yin’wana na yin’wana, leswaku a ya edorobeni leri ndzi nga kuriseriwela kona, kumbe ku’wana, leswaku xitatimendhe xi tshame xi endliwa hi Vito ra Hosi, kambe leswi swi te ntsena hi leswi swi nga vurisiwa xiswona leswaku swi tava tano.
Endzhaku kaloko a vurile marito lawa, Moya lowo Kwetsima wu wela eka platifomo, kutani mufodi wa swifaniso loyi a nyanyukile a foda xifaniso. Makwerhu Branham a sukela platifomo na sampulo, hambi swi ri tano na xitatimendhe xa vuprofeta lexi nge: “Xikwembu hi xona xi nga ta mbhoniyela. A ndzi nga ha vuli nchumu.”
Munghana wa Nkul. Kipperman hi ku hatlisa u yile a ya tirha ku hlantswa swinepe swa mahungu ya mixo lowu a wu landzela. U lemukile xin’wana lexi a xi nga twisiseki tani hiloko a ha humesa xifaniso xo sungula eku nhlantswiweni. Xona, kukotisa swifaniso swa ntlhanu leswi a swi landzela, a swi ngari na nchumu. U ombile mbilu ya yena a wa hi mombo loko a ta humesa xifaniso xo hetelela eku hlantswiweni. Kwalahaya, eka xifaniso xexo xo hetelela, a xi ri na Langavi ra Ndzilo hi xivumbeko lexi xi vonakaka ri wisile ehenhla ka nhloko ya muprofeta wa Xikwembu, William Marrion Branham.
Vana va Israel va mbhoniyerile hi ta Langavi ra Ndzilo leri a ri rhangela Muxe, na vanhu va siku ra ximanguva lawa va mbhoniyela Langavi ra Ndzilo ro fana ni leri a ri rhangela muprofeta un’wana.
Mufodi hi ku hatlisa u hundzukele eka George J. Lacy, Mukamberi wa Profexini wa Swivutiso swa Tidokhumente ta U.S. F.B.I., loyi a nga tshembha xifaniso na hi miehleketo leyi yi nga leteriwa. Dokhumente ya profexeni leyi yi nga humesiwa hi Nkul. Lacy yi le ka papila leri ri landzelaka.
Leswi swi humelele khale ku nga siva na tikhomputer kumbe tikhamera ta tidigital, nakona a swi nga ta hlamuseleka hi maendlelo wahi kumbe wahi lawa ya tivekaka eka sayense, kutlula loko kuri na Layiti ya kona ehenhla ka nhloko ya William Branham. Namuntlha xifaniso xexo xi nga ha voniwa eka United States Library Of Congress, entsindza wa tiko, Washington D C.