Hi nga ha vula leswaku dyondzo ya kereke ya hina ya “ximfumo” yi tava yi ri Bibele, kusukela eka Geneza ku fika eka Nhlavutelo. Xitatimente xa hina xa ripfumelo xi nga ha komisiwa hi ndlela leyi: Ku hava dyondzo ya kereke handle ka Kreste; ku hava nawu kambe rirhandzu; ku hava buku yin’wana handle ka Bibele.

Ina! Vakreste va fanele ku pfumela hinkwaro Rito ra Xikwembu; hi swona swi endlaka hi ya ekerekeni ni ku hlaya Tibibele. Hikokwalaho ka yini u pfumela xiphemu xa Bibele lexi xi nge Yesu u fele swidyoho swa n’wina, nakona u nga tekeli enhlokweni hilaha xidyoho xi nga sungula hakona Entangeni wa Eden?

Miri wa Kreste a hi mintolovelo kumbe dinominexini, nakona vuxirho byin’we lebyi byi lavekaka i kuva u pfumela eka Hosi Yesu. U nga vilerisi hikuva u ri na vutitivisi kumbe ku tata maphepha na mfumo wa kereke. Ntsena pfumela Rito, nakona Hosi hi yona yi nga ta hlayisa leswin’wana.

Hina a hi nhlangano wa kereke, kambe hi tirhela magidi ya tikereke na mamiliyoni ya lava va tiyimelaka ha un’we-un’we ku rhendzeleka hi misava hi ku va pfuna hi tinhundzu ta vukhongeri. Mixini wa hina i ku khutaza vanhu leswaku va tshunela ekusuhi na Hosi Yesu hi ku endla Evhangeli ya Yena leswaku yi kumeka eka un’wana na un’wana exikandzeni misava.

Loko u nga n’wi kumi loyi a nga ku khuvulaka hi Vito ra Hosi Yesu Kreste, hi rhumeli email na ndhawu ya wena kutani hina hi ta ku rhumela nxaxameto wa tikereke leti ti nga endhawini ya ka n’wina leti ti nga ta ku khuvula kahle. Tsundzuka, kuya hi Bibele swi na nkoka kuva u khuvuriwa hi Vito ra Yesu, ku ngari hi swiyimela mavito swa Tatana, N’wana, na Moya lowo Kwetsima.

Hosi Yesu u teri, “Mi nga avanyisi, leswaku na n’wina mi nga avanyisiwi.” Ku hava munhu loyi a nga na matimba yo avanyisa ku ponisiwa. Nakambe Yesu u teri, “Loyi a pfumelaka kutani a khuvuria u ta ponisiwa; kambe loyi a nga taka a nga pfumeli u ta avanyisiwa.” Swingaleswi a swi na mhaka loko u ri Mukhatholiki, Baptist, kumbe Pentekostal; loko u pfumela eka Hosi Yesu Kreste kutani u ta ponisiwa.

Voice Of God Recordings, Inc. i ministri wa hlanganyelo wa tidinominexini hinkwato lowu wu nga tinyiketela ku yisa Evhangeli ya Hosi Yesu Kreste emahlweni. Xihlovo xintsongo xa nhundzu leyi hi yi hangalasaku i minchumayelo leyi yi nga kandziyisiwa ya mufi William Marrion Branham, muprofeta wa Xikwembu ni kuva a tiveke misava hinkwayo tani hi muevhangeli. Leswi hi swi humesaka swi katsa ti MP3 CDs, DVDs, tivhidiyo, tisoftware, tibuku, timagazini, swibukwa-nyana, swifaniso, maphepha-hungu, na tiwebsite.

Mufundhisi Branham a ri muevhangeli loyi a tiveka misava hinkwayo loyi a ri ensin’wini ya vumixinari kusukela kwalomu kavo 1947 ku fika 1965. Ku ngari ntsena leswaku u rhangerile mamiliyoni kuya eka Kreste, kambe Xikwembu xi tiyisisile hi vumbhoni ministri wa yena hi mahlori lawa ya nga hlayekiki. Vuhlanganisi lebyi byi ta ku nyika masungulo eka ministri wa yena.

Xexo i xivutiso xa kahle, nakona xin’wana lexi hi nga tsakelaka ku vutisa tikereke letikulu ta namuntlha. Xikwembu xi rhumerile muprofeta! Hikokwalaho ka yini yin’wana na yin’wana yi nga vulavuli hi swona? Ti fanerile.

Hi xivangelo lexi xi fanaka laha Yoshuwa a tshamela ro vulavula hi Muxe. Muxe a ri muprofeta loyi a tiseke Hungu leri a ri huma eka Xikwembu. Makwerhu Branham u endlile swo fana.

Paul u teri eka I Vakorinto 11:15: “Kambe loko wansati a ri na misisi yo leha, i ku kwetsima ka yena: hikuva u nyikiwile misisi ya yena leswaku yi va xifunengeto.” Paul nakambe u teri vavasati va fanele “ku ambala hi ku xiximeka…” nakona Muxe u teri, “Wansati a nga fanelanga ku ambala leswi swi yelenaku na swa wanuna.” Loko Bibele yi swi vula, kutani Vakreste va ntiyiso va ta swi pfumela.

U ta kuma tiwebsite leti ti nga tinyiketela ku sola xin’wana na xin’wana na hinkwaswo, ka katsa na Bibele. Hi ku olova hi kombela leswaku u avanyisa Hungu leri hi nga ku komba rona hi Rito ra Xikwembu, nakona ku ngari hi nkucetelo wun’wana lowu wu nga olova lowu wu nga ku olovelaka ku wu kuma eka internet. Tsundzuka, ku hava loyi a nga lumbetiwaka ku tlula Hosi Yesu. Loko u endla swin’wana swa kahle, kutani u nga langutela ku sandziwa.

Lemukani ku hava ndhawu eka website leyi ku ta endla donexini. Loko nkarhi wu fika laha hi nga ta kombela mali, swi vula leswaku nkarhi wu fikile wa ministri lowu leswaku wu hela. Lowu a hi wa mali, i wa ku kuma mimoya yi ya eka Yesu Kreste.

Bibele yi ri, “ku pfumela ku ta hi ku yingisela,” swingaleswi ha mi khutaza leswaku mi tshamela ro yingisela. Hi na ku tlula 1,200 wa minchumayelo leyi yi nga kandziyisiwa yi kumekaka mahala loko mi yi dawuluda. Hi nga ku rhumela nhundzu loko u hluleka ku dowuluda tifayili ta xielektroniki.

www.branham.org yi vekela mahungu ya siku na siku na vumbhoni lebyi byi fambisanaka na ministri wa hina. Ha ku rhamba leswaku u hi endzela masiku hinkwawo ni ku hlaya swiviko leswi humaka eka vapfumeri ku rhendzeleka hi misava. Mi ta hlamala leswaku i swilo swi ngani leswikulu leswi Hosi Yesu a swi endlaka sweswi, eka siku leri ra ximanguva lawa.