Wona marito yo hetelela lawa ya nga tsariwa eka Testamente ya Khale ya hi nyika xitshembhiso lexi xa leswaku: “Vonani, Ndzi ta mi rhumela muprofeta Eliya ku nga se fika siku lerikulu leri ri taka nakona siku leri ri chavisaka swinene ra HOSI: Kutani u ta tlherisela timbilu ta vatatana eka vana, na timbilu ta vana eka vatatana va vona, leswaku Ndzi nga tshuki ndzi ba tiko hi ku ri lovisa.” (Mala 4:5-6)
Siku lerikulu leri ri chavisaka swinene ra Hosi ra hari ekuteni, swingaleswi hi fanele hi langutela muprofeta Eliya hi ku tshembheka. A Bibeleni, vaprofeta a va ti eka xinkombyana lexikulu xa mavandla ya vukhongeri. Va ta eka lava ntsongo lava va nga hlawuriwa. Mi nga ha swi anakanya loko muprofeta Malakiya 4 a tava a tile, nakona u hupiwile. A ku ta humelela yini loko a kotisile vaprofeta va khale, nakona kuri vanhu lava va tataka xandla ntsena lava a va n’wi tiva? Loko hi leswaku muprofeta loyi a fanele hi ku tlhela a vuya nakambe hi masiku ya makumu, xana hi ta n’wi tiva njhani? Nhlamulo ya vonaka yi ri erivaleni eka Matsalwa. U tava a ri na ntumbuluko wa muprofeta. U ta tiva swihundla swa timbilu. U ta endla mahlori. Minhlangano ya vukhongeri yi ta sungula kuva yi nga n’wi amukeri. Kambe ku tava na lavantsongo lava va nga ta n’wi tiva tani hi murhumiwa loyi a nga tshembhisiwa wa siku.
Xana hi ta switiva njhani loko Eliya a vuya? Hi swihi swihlawulekiso leswi swi nga ta vonakala leswaku hi kota ku n’wi tiva?
Eliya a ri munhu wa mananga. Masingita lamakulu na swihlamariso a swi landzelela ministry wa yena. U chumayerile a lwisana na leswo biha swa siku ra yena. Ngopfu-ngopfu u chumayerile a lwisana na vugangu bya Hosikazi Yezebel. Loko Eliya a tava a tekeriwele ehenhla eTilweni hi golonyi ya ndzilo, moya wa yena wu wele ehenhleni ka Elixa. Masingita lamakulu na swihlamariso swi fungha ministri wa Elixa, na yena u chumayerile a lwisana na vudyoho bya misava. Havumbirhi bya vapropfeta lava va yimile va ri voxe va lwisana na vukhongeri bya minhlangano ya siku lero. Endzhaku ka mandzana ya malembe, moya wona waluwa wu tlhele wu vuya emisaveni eka Yohana Mukhuvuri. Muprofeta Malakiya u bvumbhile leswaku Eliya u ta tlhela a vuya a ta tivisa Hosi: “Vonani, Ndzi ta rhumela murhumiwa wa mina, kutani u ta lulamisa ndlela ya mina loko ndzi…” (Malakiya 3:1). Yohana Mukhuvuri a ri na ntiyiso wo vumba tani hiloko a ha vitana ku hundzuka exikarhi ka vana va Xikwembu. Tani hi Eliya, u chumayerile a lwisana na hosi na minhlangano ya vukhongeri ya ximanguva ya lawa. Hosi Yesu u tiyisisile leswaku Yohana Mukhuvuri a ri yena muprofeta wa Malakiya 3 eka Buku ya Matewu (11:10): “Hikuva ku tsariwe ta yena loko va te, Maswivo, Ndzi rhume mahlweni ka wena entsumi ya mina, yi ku lunghisela ndlela emahlweni ka wena.” Luke 1:17 yi vula leswaku moya wa Eliya (Elias) a wu fanele kuva eka Yohana Mukhuvuri, “Kutani u ta n’wi rhangela emahlweni hi moya na matimba ya Eliya, u ta vuyisela timbilu ta vatatana eka vana va vona.” Kambe lemukani leswaku xiyenge xa vumbirhi ya Malakiya 4 xa ha fanele hi ku hetiseka: “…na timbilu ta vana eka vatata wa vona, leswaku Ndzi nga tshuki ndzi ta kutani ndzi ba misava hi ku yi lovisa.” Xiphemu xexo xa Matsalwa xi ta humelela ku nga se fika ku Vuya ra Vumbirhi ka Kreste.
Magidi mambirhi wa malembe endzhaku ka Yohana Mukhuvuri, nakambe i nkarhi wa moya wa Eliya kuva wu tlhela wu vuya emisaveni.
Siku lero ri fikile! Eka nguva leyi, hi wu vonile moya wa Eliya loko wu vuya. U nyamisile mafambiselo ya ximanguva ya lawa ya xidinominexini. U yimile a lwisana na vudyoho bya misava. U kombisile masingita na swihlamariso leswi swi nga hlayekiki. U chumayerile Bibele rito hi rito kusukela eka Geneza kuya eka Nhlavutelo. Muprofeta wa Malakiya 4 u tile tani hilaha swi tshembhisiweke, nakona u tisile Hungu leri ri humaka eXiluvelweni xa Xikwembu xa Matimba hinkwawo. Muprofeta yaloye i William Marrion Branham. Hi n’wi vitana leswaku hi yena “Makwerhu Branham.”
“William Branham, loyi ndzi rhandzaka ni ku pfumela leswaku hi yena muprofeta wa Xikwembu.”
Oral Roberts, loyi a tivekaka misava hinkwayo muevhangeli na musunguli wa Oral Roberts University.
“William Branham u tile eka ndlela ya hina hi muprofeta wa Xikwembu loyi a nga hi komba eka makume-mbirhi xidzana kahle-kahle swo fana leswi hi nga kombisiwa swona eka Tievhangeli…Xikwembu xi endzerile vanhu va Xona, hikuva muprofeta lonkulu u pfukile exikarhini ka hina.”
Dr. T.L. Osborn, muevhangeli wa Pentekostal na mutsari loyi a hetisekeke.
“A nga se khongelela vanhu, a ta nyika vuxoko-xoko lebyi nga hetiseka kuya hi mavabyi ya munhu, nakambe a tlhela a nyika vuxoko-xoko bya vutomi bya vona - tindhawu leti vatshamaka eka tona, switirhisiwa, swendlo - hambi kuri ku tlhelela endzhaku eka vuhlangi. Branham a nga kalanga a endla xihoxo hi rito ra vutivi eka malembe hinkwawo lawa a ndzi ri na yena. Sweswo swa funengeta, eka bokisi ra mina, magidi ya swikombiso.”
Ern Baxter, muevhangeli, mininjhere wa Branham Campaigns kuringana nkombo wa malembe, na kuva a ri un’wana wa varhangeri va British New Church Movement.
Kungari kusukela loko Hosi Yesu Kreste a tava a fambile emisaveni ku na munhu loyi a nga vangela misava hi ndlela ya vuenti. Kusukela eka masungulo lawa ya titsongahataka eka xikamarani xin’we xa mukhukhu a swigangeni swale Kentucky, kuya eAmarillo, Texas, laha Hosi yi nga n’wi tekela rona Kaya leri, vutomi bya yena byi le emahlweni byi funghiwile hi swendlo leswi swi nga ehandle ka ntumbuluko. Kuya hi ku kongomisiwa hi Ntsumi ya Hosi hi 1946, ministri wa Makwerhu Branham wu tswarile ku tlweba loku ku nga layita nkarhi wa ku hanyisiwa lokukulu ka mimpfuxelelo leyi yi nga kukula ku rhendzeleka hi Amerika na ku rhendzeleka hi misava. Namuntlha, wa ha tiviwa hi Vakreste va matimu tani hi “tatana” “mutisa kurhula” ka mimpfuxelelo yo hanyisa ya vo 1950 leyi yi nga hundzula Kereke ya Pentekostal kutani xikan’we-kan’we a va a nyike matimba yo pfuxa mpfhumba ra Charismatic, laha namuntlha ri kucetelaka kwalomu ka Protestant ya dinominexini yin’wana na yin’wana. Hambi swiri tano, ntiyiso wa ku vumba, tidinominexini tihlayele madyondziselo ya yena lawa ya ngariki nchumu ni ku alana na xileriso xa yena.
Hinkwako laha a ya kona, Xikwembu a xi khorwisa leswaku Makwerhu Branham hi yena muprofeta wa rixaka rona leri. Kukotisa Yobo, Hosi yi vulavurile na yena yi ri endzeni ka xihuhuri. Kukotisa Muxe, Langavi ra Ndzilo ri voniwile ri ri karhi ri n’wi rhangela. Kukotisa Mikiya, u rhuketeriwile hi vafundhisi. Kukotisa Eliya, a ri munhu wa le mananga. Kukotisa Yeremiya, u lerisiwile hi Ntsumi. Kukotisa Daniel, u vonile swivono swa leswi swa ha taka. Kukotisa Hosi Yesu, u tivile swihundla swa timbilu. Nakambe ku kotisa Paul, u hanyisile vavabyi.
Nakambe Hosi yi endzerile vanhu va Yona hi muprofeta. Hi nkarhi wa munyama eka matimu, laha vugangu byi nga nyupela hi ku enta leswi swo ka swi nga se tshamaka swi voniwa na switlhavani leswi swi lovisaka ntshungu erivaleni ehenhla eka vugimamusi, munhu wo titsongahata a rhumiwa kusuka evukoneni bya Xikwembu ku ta vitana rixaka leri ri faka leswaku ri hundzuka.
Mudyondzisiwa loyi a rhandzekaka Yohana u tsarile hi ta Hosi Yesu:
Ka hari na timhaka leto tala leti Yesu a nga ti endla, laha ku nga, loko hi leswaku a ti ta tsariwa hinkwato, a ndzi tshembhi leswaku misava hinkwayo yona yi nga ringana tibuku leti a ti ta tsariwa. Amen. (Yohana 21:25).
Swo fana swi nga ha vuriwa hi vutomi bya Makwerhu Branham. Kuna ku tlula 1,200 wa tithepi ta minchumayelo na magidi ya switorhi swa vutomi bya munhu loyi wa kahle. Hambi swi ri tano hi ya emahlweni niku yingisela vumbhoni bya nkucetelo wa yena eka vutomi bya mamiliyoni ya vanhu. Xibukwanyana lexi xi ngaka xi nga chukucheli ehenhla ka ku ba loku munhu loyi wa Xikwembu a ri na kona emisaveni.