I fimonwa fyatwalilile. Wene aebelwe kuli ba shimapepo banankwe ukuti ifimonwa fyakwe tafyali fya kufuma kuli Lesa. Wene aebelwe ukuti aliwililwe no mupashi ubi. Ici calemucusha nganshi. Icisendo caishileba icacilamo ukushipikisha, eico aile mu matololo ku kusanga Ubufwayo bwakwa Lesa. Ali uwaipelesha icakuti alapile uku kana bwela ukwabula ubwasuko. Cali kulya, mu kamutanda kambao akakulungilamo, uko Malaika wakwa Shikulu amupele ukulashikwa kwakwe. Pamo na fimbi, Malaika amwebele ifi: “Ngacakuti walenga abantu uku kucetekela, nokuba uwa cishinka ilyo ulepepa, tapali nelyo cimo icikeminina ku ntanshi ya mapepo yobe, nangu fye ni kansa.”
Ukutwishika konse kwaliile. Wene nomba ali no kulashikwa kabili mukupama aile pa ntanshi. Ukupuputulwa kwa bundapishi kwatampile.
Imyanda ya makana balesangwa ku misonkano ya Branham. Amakana baleundapwa mwi Shina lyakwa Shikulu Yesu Kristu. Bambi bakasabankanya abali nga Oral Roberts, T.L. Osborn, na A.A. Allen mukwangufyanya bakonkele Munyina Branham no kutampa ukupuputulwa kwabo ukwa bundapishi. Shikulu aloseeshe panshi amapalo Yakwe aya shatalile ayaba intanshi. Ukuboko kwa bundapishi ukwa kwa Yesu Kristu nakabili kwali kumishe abantu Bakwe.
“Ilingi line ndalila ku nsansa pa bupe ubwa nomba ubwakwa Lesa ku lukuta ulwakwa munyina watemwikwa, William Branham, pamo no bwakupapusha ubupe bwa bundapishi. Uyu mulimo wakwa Lesa ukubomba ukupulamo mu bwingi ukucila pali fyonse ifyo twinga lomba no kutontonkanya (Abena Efese 3:20), pakuti Nshatala mona nangu kubelenga pa cili conse icingalinga ku bupyungishi bwa bundapishi ubwakwa William Branham.”
Rev. F.F. Bosworth, kashimikila waishibikwa mwi sonde kabili umo pa batampile icilonganino ca Assemblies Of God pamo ne bumba lipya ilya Pentecostal.
“Apantu pamo, twalemona ilyo alelanda ku mwaume waleele pa busanshi. Pakubala takwali icishibilo cakwasuka kwa mano ukufuma ku mwaume. Ubulondoloshi elyo bwaishile ukufuma ku mukashi uwaiminine pa mbali, ukuti uyu mwaume talefwafye kuli kansa, lelo ali cibuulu kabili tekuti omfwe ifyalesoswa.
Munyina Branham elyo asosele ukuti cili icalinga ku mwaume uku pokelela ukumfwa kwakwe pakuti enga mulangilila palwa kundapwa kwa kansa yakwe. Kwali inshita ye pepo. Apo penefye umwaume atampile ukumfwa! Ifilamba ifingi ifikalamba fyatentemwike pa masaya ya ulya mwaume uwo icinso cakwe icungulo conse cali fye tondolo kabili ukwabula ukusakanya. Wene alekutikisha lintu ale ebwa palwa kulubulwa kwakwe kuli kansa.”
Rev. Gordon Lindsay, kalemba walunduluka, kapyunga, kabili katampa wa Christ For All Nations Institute.
“Munyina Branham atile, ‘Uyu Congresmani na undapwa,’ Umutima wandi waimine. Natampwilileko no kupokelela Shikulu nga Kondapa wandi. Nalalike lubali inkonto shakwendelako…kabili isamba lya Muulu lya ikile!”
William D. Upshaw, US Congressman (1919-1927), uwaiminine mu kusala kwabu Kateka bwa US mu 1932. Alemene ukutula ilyo ukupona kwa kontwele umusana wakwe ku bwaice. Wene ali 84 ilintu aundepwe ukupwililika kwi pepo lyakwa Munyina Branham, panuma yakuba icilema pa myaka 66. Tatalile akabila icipuna ca mipeto nangu ni nkonto shakwendelako mu bumi bwakwe ubwakonkelepo.
“Nali mu busanshi pa myaka cine konse konse ne myeshi pabula kuli T.B. kabili ba shing’anga balimfililwe. Nshafikile naku ma paundi 50 kabili calemoneka kwati isubilo lyonse lyali pwile. Lyene ukufuma ku Jeffersonvile, Indiana, kwaishile Rev. WM branham mu cimonwa umo amwene umwana wa mpanga uwaiketwe mu matololo kabili alepunda ‘Milltown,’ ukuli eko Njikala. Munyina Branham tabalile esa kuno nangu kwishiba umo uwakuno. Ukwingila, wene abikile indupi shakwe pali ine no kupepa, ukwitila pali ine i Shina lya watemwikwa wesu Shikulu Yesu. Icintu cimo cali kwati camfumbata kabili apopene Naliimine ndetotela Lesa ku maka Yakwe aya kundapa. Ine nine nomba kalisha wa cinanda mu lukuta lwa Baptisti kuno.”
Georgia Carter, Milltown Indiana, aundepwe ku Cifuba ca T.B. ica mutatakuya mu 1940 kabili tabala alwala kuli ubo bulwele ubushiku na bumbi mu bumi bwakwe. Wene aleimininako amakumi ya makana aya bantu aba undapwa ukupitila mu bupyungishi bwakwe elyo nakuba bacili bale undapwa ilelo.