Malaki 4:1

Pantu, moneni, ubushiku buleisa, ubulepya nge buku...


Malaki 4:5-6

Moneni, Nkatuma kuli imwe Eliya kasesema ku kutangililo kwisa kwa bushiku bwakwa YEHOBA ubukulu kabili ubwa kutiinya:
Na o akabweseshe mitima ya bashibo pa bana, ne mitima ya bana pali bashibo, epali Naisaume calo ku citiipu.


I Buku lya kulekelesha ilya mu Cipangano Cakale lya laya ukonaulwa kwe sonde. Lelo intanshi impela tailati, Eliya kasesema asesemwe uku bwela no kwisa langa Mesia. Bamo batila Yohane Kabatisha afikilishe ubu busesemo.

Imyaka amakana yabili yapitapo, aba Yuda bale lolela Mesia ukwisa. Bene balishibe ukuti Malaki aseseme u mwaume no mupashi wakwa Eliya ali no kwisa langa Mesia kuli bene. Lelo ilintu Yohane Kabatisha aishile, wene tali nga fintu bene bale lolela Eliya ukuba. Ilintu ba ipwishe Yesu pa mulandunshi Eliya tabalilepo ukwisa, Wene abebele apabuta ukuti Yohane ali e kufikilisha kwa bulya busesemo “Kabili nga mulefwaya ukucumfwa, wene e Elyasi, uo baatile akesa.” (Elyasi e mu ci Hela lye shina Eliya, mu ci Hebere.)

Califye libumba lya bantu ilinono ilya pokelele ubu busokololo. Ku shingi intungulushi shi kapepa, Yohane tacilile pa muntu uwapimpa kasusha wa tubungwe twabo. Te kukana ishiba fye u mupashi wakwa Eliya, lelo icabipileko, bene kabili ba pushile Ukwisa kwakwa Kristu.

Eico bushe Yohane Kabatisha ali fikilishe ubusesemo bwakwa Malaki? Te kupwililika.

Icakubalilapo, i sonde talilati “kupya nge buku,” eico ifwe natwishiba ukuti nakuba kucili iciputulwa ca Malaki 4 icifwile uku citika. Cimbi iciputulwa ca Malembo ici sha fikilishiwe na Yohane cali, “kwalwila i mitima ya bana kuli bashibo.” Kabili, Yesu, Umwine, aseseme ukuti Eliya ali no (kuntanshi) kwisa no kubwekeshapo ifintu fyonse. (Mat 17:11)

Eico ifwe tufwile ukula fwailisha Eliya intanshi ya Kwisa kwa Cibili ukwa kwa Kristu!

Nomba, muli ino nshita ipya, ni nshita ya Kwisa Kwa cibili ukwa kwa Shikulu Yesu. Nakabili, ifwe twali lailwe ukuti u mupashi wakwa Eliya uka langa Wene kuli ifwe ukulingana na Malaki 4. Lelo libumba nshi ilya bantu ili keshiba Eliya ilyo a kesa? Ni abofye aba Mu lolela.

Aya Mashiwi yakwa Shikulu kabili Umupusushi wesu yalesa ku mano yesu lintu twa tontonakanya pa busesemo bwakwa Malaki ku nsa shakwisala isha nshita:

Lelo Ndemwaba, Nati Eliya aliisa kale, kabili tabamwishibe… Mateo 17:12

Nga cakuti ifwe twapusa uku kwisa kwakwa Eliya? Bushe ifwe lyene tukapusa Ukwisa kwa Cibili ukwa kwa Kristu, nga fintu bakalemba na ba Farise bapushile Ukwisa Kwakwe ukwa Kubalilapo pantu bene taba ishibe Yohane Kabatisha?

 

 

 

 

Ifyakuloshako

II Ishamfumu 2:15

Aba bwina kasesema aba ku Yeriko abali pa mulola balimumwene, no kutila, U mupashi wa kwa Eliya nauwa pali Elisha. Awe baishile ku kumukumanya, no kutootela kuli wene panshi.

Esaya 40:3-4

Umfweni kuli uulebila, aleti, Kungwileni YEHOBA inshila mu matololo, tambalikileni Lesa wesu cinkwete mu ciswebebe.

Umukonko onse ulundumikwe, ulupili lonse na kapili fibatamikwe: apasumbuka pabe apatambalala, apalundumana pabe apabatama: [Yohane Kabatisha]

Malaki 3:1

Moneni, Nkatume nkombe yandi [Yohane Kabatisha], ku kukungule nshila ku ntanshi yandi: kabili Shikulu, untu mufwaya, akesa no kupumikisha kwi tempele lyakwe, Inkombe ya cipingo, intu imwe mubekelwa: moneni, ileisa, e fyo YEHOBA wa milalo asosa.

Malaki 4:1-6

Pantu, moneni, ubushiku buleisa, ubulepya nge buku [tacilati cicitike]; kabili bonse aba miiya, ee, na bonse aba cito bubifi, bakabe fisoso; no bushiku buleisa bukababilimya, e fyo YEHOBA wa milalo asosa, pa kuti tabwakabashiile umushila nangu musambo.

Lelo kakatulila imwe mwe batiine shina lyandi Akasuba ka bulungami akali no kuundapa mu mapindo ya kako; na imwe mukafuma no kupontauka nga bana ba ng’ombe abafumo mwa kukakilwa.

Kabili mukanyantaula ababifi; pantu bakabe mito mwi samba lya nyantilo sha makasa yenu mu bushiku umo Nkacita, efyo YEHOBA wa milalo asosa.

Ibukisheni amalango yakwa Mose umubomfi wandi, ayo Namwebele mu Horebu aya pali Israere onse, ifipope ne fya bupingushi.

Moneni, Nkatuma kuli imwe Eliya kasesema ku kutangililo kwisa kwa bushiku bwa kwa YEHOBA ubukulu kabili ubwa kutiinya:

Na o akabweseshe mitima ya bashibo pa bana [Yohane Kabatisha], ne mitima ya bana pali bashibo [Eliya wa ino nshita], epali naisaume calo ku citiipu.

Mateo 11:10

Ulya e walembeelwe, ukuti, Mona, Ndekutangishishe nkombe yandi, intu ikakuwamishishe nshila ku ntanshi yobe. [Malaki 3:1, Yohane Kabatisha]

Mateo 11:14

Kabili, nga mulefwayo kucumfwa, wene e Eliya uo batile akesa. [Yohane Kabatisha]

Mateo 17:11-12

Na Yesu alyaswike noku sosa kuli bene, Kwena Elyasi aleisa, nokubweseshamo fyonse. [Eliya wa nomba]

Lelo ndemweba, Nati Eliya aliisa, kabili tabamwishibe, lelo bamucitile conse ico bafwaile. [Yohane Kabatisha] Efyo no Mwana wa muntu alaswa acule kuli bene.

Luka 1:17

Kabili wene akatangilila mu mupashi na maka ifya kwa Eliya, ku kupilibwile mitima ya bashibo ku bana, no ku pilibwila bacintomfwa ku kushilimuka kwa kulungama; ku kupekanishisha Shikulu abantu abateyanishiwa. [Yohane Kabatisha]