Fyonse fya tendekele mu mapili ya mu Kentucky. Aali umulumendo ilintu bawishi babutwike umulandu elyo no kukuusha ulupwa lwabo ku Jeffersonville, Indiana. Alandile pa fimonwa fyakwe ifya kubalilapo kabili nefyo Shikulu amwebele ukwikala umweo uwasanguluka. Aishile upa umutemwikwa wakwe kabili baleikala ubwikashi ubusuma nga kapyunga umucece ne ncito iya linga elyo na bana babili, nomba icabipisha caishile isa. Tawakabe cimo cine panuma ya kumfwa ifyo Shimapepo William Branham alelondolola ilyashi lya bwikashi bwakwe.

Isonde lya bukapepa ilya lelo lyali tusambilisha ukuti ukuba umwina Kristu kuilunda ku chalici. Mucituntulu, ifilonganino filapatulula abantu mutupimfya na masambilisho ya bufi, no kutulwishanya. Ipusukilo kuti lyasangwa fye muli Kristu; tekuti lisangwe mukuba membala wa cilonganino. Bushe ifwe “fwe bena Kristu” natubikapo amasambilisho ne fishilano mucifulo ca kuba na Shikulu Yesu Kristu mubumfwano? Tulekabila ukubwelela kuli Baibele.

Ifi efyo abantu abengi batontonkanya ukuti efya citike mwi Bala lya Eden : Lesa aebele Adamu na Efa ukukana lyako kucisabo cimo ifi. Insoka ya “bepaike” Efa mukulya icisabo. Elyo Efa aishile cipeela kuli Adamu, nao acitile cimo cine, icabalengele ukwishiba ukuti bali ubwamba icaishilelenga no kupona kwa luko lwa muntunse. Amepusho aya shingabulwapo ni aya: musango nshi uwa nsoka iingalanda, nga ukulya fye icisabo kuti kwabalenga shani ukushibulwa amenso yabo no kuisanga bali ubwamba, Kabili cinshi baisa kwatila abana panuma ya ici? Ubwasuko buntu bwa anguka, elyo ubu ubushimikilo bwalilondolola palwa ici.

Ndi uwashininkisha ukuti Ndelanda ku bantu luno lucelo abafika pali ilya ncende. Ine naliyako kulya imiku iyingi. Ilyo Nalolekeshe kunuma no kukonka umweo wandi elyo no kufwailikisha sana, Kabili Nalesanga ukuti Nalicitilepo cimo icibi, Naleya muku yebelela no kutila, “Shikulu Lesa, Nalalungamika ifintu,” kabili no kuya cita filya fine. Elyo naisa bwela nakutila, “Nomba, Shikulu, Nimwe Lesa; Mwalangasuka. Cinecine Ninkumanya ifile kabilwa fyonse ifyo Imwe mulefwaya ine ukucita. Na fyonse ifyo mulefwaya, Ine ninkwanisha.” Nangu caba ifyo Ena taleasuka, aba kwati aikala tondolo; elintu mufwile mwaba Abashininkisha ukuti Ena ni Lesa. Mwinenuka...

Imyaka amakana yabili yapita, Yesu Kristu apele umweo Wakwe pa muntu onse uwa pano isamba lya Chalo. Bushe bulya bushiku pa Kalvari bwapilibwile cinshi kuli cila umo naumo uwamuli baifwe. Bwatupele ishuko lya kukwata Umweo Wamuyayaya. Nga cakuti umweo obe ulekabila ukukwata ukwampana pamo no Mupusushi obe, lyene kuti yaba ninshita iisuma apa kutendekela.

Ukulashika kwakwa William Branham ukufuma kuli Lesa kwaletele ukupuputulwa kwa bundapishi bwe sonde lyonse mukulekelesha kwa myaka 1940 kabili na 1950. Ba kabila wambila nsuma abaali nga Oral Roberts, T.L. Osborne, na Jack Coe bakonkele muntampulo shakwe elyo no kupilibula imibele ya bwina Kristu bwe sonde. Uyu emusango fya tendekelemo fyonse.