Amalumbo 96:13
Ku cinso ca kwa SHIKULU: pantu naisa, ku kupingula aba pano isonde: akapingula aba pano nse mu bulungami, na bantu mu cishinka cakwe.
Kuli a makana na makana ya filonganino ifya pusana pusana mwi sonde ilelo. Cila mipepele ila seka i ibiye, lelo bonse balaya ipusukilo ukupitila mu cilonganino cabo. Kuti twaishiba shani nicilikwi icaku salapo?
Ngacakuti twa sala ulukuta lwa Katolika, ninshi ifwe twa sumina ukupepa ukupitila mu baashila, ici shicilile pa kupepa ku tumilungu. Baibele yatila, “Pantu kuli Lesa umo, kabili kawikishanya umo pakati kakwa Lesa na bantu, umuntu Kristu Yesu;” (I Tim 2:5). Shimapepo etwa “Tata” ico ica bindilwe kuli Yesu muli Mateo 23:9: “Kabili mwi ita uwa pano isonde tata: pantu Shinwe umo, uwa mu muulu.” Ba Assemblies Of God batweba ukuti ukulandila mu ndimi e cishibilo ca ku balilapo ica Mupashi wa Mushilo, ilyo Paulo atile, “Nelyo Ine ningalandila mundimi sha bantu ne sha ba malaika, elyo nshikwete citemwiko, naba ica safwali icilelila, napamo amalimba ya nyenjele.” (I Kor 13:1)
Pepi ne filonganino fyonse balangukilwa uku tweba ukuti ifintu ifingi mu Baibele tafya londololwa bwino, fyalubile mu kwalula, nangu tafibomba mwi sonde lye lelo. Kanshi, bushe tufwile twa cetekela Baibele nangu a masambilisho ya cilonganino? Bushe cinshi cintu Lesa akabomfya nge cipimo ku bupingushi?
Nga cakuti Ine naipwishe ba Katolika kuno muno bushiku, “Bushe imwe muletontonkanya cinshi cintu Lesa akapingwilako isonde?” Ba Katolika batila, “Kupitila mu Lukuta lwa Katolika.” Cisuma, nomba Ulukuta Katolika nshi? Nomba bene balikwata ulwa ci Roma, ba Greek Orthodox, na bengi muli bene. Lukuta lwa Katolika nshi ulu kaba? Abena Luther batila, “Kupitila muli ifwe,” kanshi imwe ba Baptisti muli kunse. Elyo kabili nga cakuti twa tila, “Kupitila muli ba Baptisti,” ninshi imwe ba Pentecosti muli kunse. Eico kuti kwaba i icimfulunganya icakuti, takuli nangu umo u ungeshiba ifya kucita; eico Wene tabalile alaya uku pingula isonde ukupitila mu lukuta.
Wene alaile ukupingula isonde ukupitila muli Kristu, kabili Kristu e Cebo. Kabili Baibele e ika pingula isonde, iili ni Yesu Kristu umowine mailo, ilelo, no muyayaya.
Ifyakuloshako
Yohane 1:1
Mukutendeka mwali Cebo, kabili Cebo ali pamo na Lesa, kabili Cebo ali ni Lesa.
Yohane 1:14
Kabili Cebo aishile bo butunse, nokwikala muli ifwe (kabili twaloleshe ubukata bwakwe, ubukata ngo bwa wafyalwa eka kuli Wishi,) uwaisulamo ukusenamina ne cine.
Yohane 5:22
Pantu na Wishi tapingula umuntu nangu umo, lelo ubupingushi bonse napeelo Mwana:
Yohane 12:48
Uunsuula, no kukana pokelele fyebo fyandi, ali no ulemupingula: icebo Nasosele, e cika mupingula mu bushiku bwa kulekelesha.
Abena Efese 1:5-7
Atulingiile kabela mu kutemwa ku kuba abana ba mwine muli Yesu Kristu, umwabela ukubekwa kwa ku panga kwakwe,
Ku kutashiwo bukata bwa ku senamina kwakwe, uko atusenamiine mu watemwikwa.
Muli uyo twabela no ku lubuka mu mulopa wakwe, uku lekelelwa kwa mampulu yesu, umwabela ubucindami bwa kusenamina kwakwe;
Abena Efese 2:5-8
Kabili ifwe pa kuba abafwa mu mampuulu, atulengele aba mweo pamo na Kristu, (niku ku senemina mwa pusukila;)
Kabili atubuushishe pamo, no ku twikalika pamo nankwe mu myulu muli Kristu Yesu:
Ukuti akalange mu nshita sha nkulo ishi kesa ubucindami bwa kusenamina kwakwe mu kutubele congwe muli Kristu Yesu.
Pantu ni kuku senamina mwa pusukila pa kutetekela; kabili te cintu cafuma kuli imwe: ca bupe cakwa Lesa:
I Yohane 1:7
Lelo nga twenda mu lubuuto, ifyo wene ali mu lubuuto, tuli ne senge umo umo no mubiye, no mulopa wa kwa Yesu Kristu Umwana wakwe utusangulula ku lubembu lonse.
Ukusokolola 22:18-19
Nde soka umuntu onse ule umfwa ifyebo fya ku sesema kwe buku ili, Ndeti ngo muntu alundapo pali ifyo, Lesa akalundapo pali wene ifinkunka ifyalembwa mwi buku ili:
Kabili ngo muntu afumyapo ifyebo fya mwi buku lya kusesema uku, Lesa akafumye cakaniko cakwe ica pa muti wa mweo, ne ca mu musumba wa mushilo, ifilembelwe mwi buku ili.