Ukwabula ukutwishika, ulubatisho lukankala nganshi, lelo bushe cili no mulandu fintu ifwe twa batishiwe? Bushe kwaliba ulubatisho ulwa lungama, nangu bushe icili conse kuti cabomba? Nga cakuti imwe mwali cetekela Baibele, lyene EE, kuli ulubatisho ulwa lungama.

Inkuta ishingi shi batisha mwi Shina lyakwa Tata, Mwana, na Mupashi wa Mushilo, lelo ici tacalungama ukulingana na Baibele.

Mu Imilimo Ya Batumwa 19, kwali abantu bamo abali na bacetekela kale muli Yesu Kristu, lelo bali tabala pokelela u Mupashi wa Mushilo mu mitima yabo. U mutumwa Paulo alishibe inshila iya lungama iya kupokelela u Mupashi wa Mushilo, eico wene ali bepwishe, “Nga kanshi cinshi ico mwabatishilwemo?” Nabo batile, “Mu lubatisho lwa kwa Yohane.” (Imilimo Ya Batumwa 19:3) Paulo amwene ukuti bene taba batishiwe ukulingana no ku konkomesha kwakwa Petro mu Imilimo Ya Batumwa 2:38, eico abebele uku batishiwa nakabili mwi Shina lakwa Shikulu Yesu. Elyo, nga fintu ca lailwe, bene ba pokelele u Mupashi wa Mushilo.

Eico, cinshi abasambi ba batishishe mwi Shina lyakwa Yesu libe Yesu, Umwine, abebele uku batisha mwi Shina (te “mashina”) lyakwa Tata, ne lya Mwana, ne lya Mupashi wa Mushilo? (Mat 28:19) Bushe bene bali pangile cilubo? Awe! Bene bacitilefye ifyo fine ngafintu ba fundilwe.

Ilyo mule soma ili lyashi, tontonkanyeni pe shina lyenu. Bushe imwe muli mwana? Bushe ishina lyenu, “Mwana”? Bushe imwe muli nyina? Bushe ishina lyenu ni, “Nyina”? Nakuba tefyo, ayo malumbofye. Imwe mwali kwata ishina lyenu ilineline, kabili efyaba na Lesa.

Ubwasuko ubu:

Kabili takwaba icintu camusango nga uyo mu Baibele ngo muntu uuli onse uku batishiwa mwi shina lya kwa Tata, Mwana, Mupashi wa Mushilo; pantu takwaba icintu ca musango ngo yo. Tata te shina; kabili Mwana te shina; na Mupashi wa Mushilo te shina; lelo i Shina lyakwa Tata, Mwana, Mupashi wa Mushilo ni Shikulu Yesu Kristu.

Yesu Kristu ni Lesa! Wene e Tata, u Mwana, na u Mupashi wa Mushilo.

Nga cakuti mule fwaya u Mupashi wa Mushilo kabili muleipusha cinshi cintu Shikulu talati aupelele kuli imwe, imwe kuti mwatemwa uku ipusha ilipusho limo line lintu Paulo aipwishe, “Nga kanshi cinshi ico mwa batishilwemo?”

Ifyakuloshako

Mateo 28:19

E ico kabiyeni, kalengeni aba nko shonse ukuba abasambi, mulebabatishisha mwi shina lya kwa Tata, ne lya Mwana, ne lya Mupashi wa Mushilo:

[Bushe ni lisa Ishina lya kwa Tata? Ishina lya Mwana? Ishina lya Mupashi wa Mushilo?]

Marko 16:16

Uwatetekela no kubatishiwa akapusuka; lelo uushitetekela akasekwa.

Yohane 5:43

Ine naishila mwi shina lya kwa Tata, naimwe ukunsekelela iyo: umbi nga aishila mwi shina lyakwe line, wene kuti mwamusekelela.

[Ngacakuti A ishila mwi Shina lyakwa Wishi, lyene ni lisa i Shina Lyakwe?]

Yohane 10:30

Ine na Tata tuli bamo.

Yohane 12:45

Kabili uumona ine amono wantumine.

Yohane 14:8-9

Filipi atile kuli wene, Mwe Shikulu, tulangeni Shinwe, nga kuti tupeme.

Yesu atile kuli wene, Bushe Naba pamo na imwe inshita yakule fi, kabili tawanjishiba, Filipi? uwamona ine amona na Tata; nga cinshi ulesosela, auti Tulangeni Shinwe?

Yohane 20:27-28

E lyo atile kuli Toma, Leta kuno umunwe obe, umone ne ndupi shandi; ne minwe yobe leta kuno, ubike namu lubafu lwandi: kabili wiba uushitetekela, lelo ube uutetekela.

Toma alimwaswike ati, Mwe Shikulu wandi kabili Lesa wandi.

Imilimo Ya Batumwa 2:38-39

Awe Petro atile kuli bene, Lapileni, no kubatishiwa onse uwa muli imwe mwi shina lyakwa Yesu Kristu ku kulekelelwe membu shenu, e lyo mukapokelele ca bupe Umupashi wa Mushilo.

Pantu icalailwe cili kuli imwe, na ku bana benu, kabili kuli bonse aba kutali, kuli bonse abo Shikulu Lesa wesu aketa bese kuli wene.

Imilimo Ya Batumwa 4:12

Ne pusukilo talili muli umbi nakalya: nangu lishina limbi takuli mwisamba lya muulu ilyapeelwa mu bantu, umo tuli no kupusukila.

Imilimo Ya Batumwa 8:12

Lelo ilyo batetekele kuli Filipi uwalebile mbila nsuma iya bufumu bwa kwa Lesa, ne shina lya kwa Yesu Kristu, balebatishiwa, abaume na banakashi.

Imilimo Ya Batumwa 19:3-6

E lyo atile, Nga kanshi cinshi ico mwabatishilwemo? Na bo batile, Mu lubatisho lwa kwa Yohane.

Lelo Paulo atile, Yohane abatishishe ulubatisho lwa kulapila, pa kweba abantu, ukutetekela uyo uleisamukonkapo, e kutila, Kristu Yesu.

Awe pa kuumfwa, babatishiwe mwi shina lya kwa Shikulu Yesu.

Kabili Paulo ilyo abikapo iminwe, u Mupashi wa Mushilo waishile pali bene; kabili balalandila mu ndimi, no kusesema.

Abena Efese 4:5

Shikulu umo, ukutetekela kumo, ulubatisho lumo,

Abena Kolose 3:17

Na conse ico mulecita atemwa mu kusosa atemwa mu kubomba, lekeni fyonse ficitilwe mwi shina lya kwa Shikulu Yesu, ukutootela Lesa kabili Tata muli wene.

I Yohane 5:7

Pakuti kuli fitatu ifi shimika ubunte mu muulu, Tata, i Cebo, na Mupashi wa Mushilo: kabili aba batatu bali umo.