Ukutendeka 3:1

Nomba insoka yabe ncenjeshi iya cilamo mu fya mweo fyonse ifya mpanga ifyo YEHOBA Lesa acitile. Na yo aiti ku mwanakashi, Kabili, Lesa asosele ati, Mwilalyako ku muti onse wa mwi bala mwa?

Ukutendeka 3:6-7

Awe umwanakashi pa kumona uyo muti ukuti uusuma ku kulya, kabili wawama ku kumona, kabili muti wa kutemwikwa ku kulengo kushilimuka, abuulako ku cisabo ca uko, no kulya, kabili apako na ku mulume wakwe pamo nankwe; na o alya.

Elyo yashibulwa amenso ya bonse babili, kabili baishibo kuti bali ubwamba; awe ba bilanya amabuula ya mukunyu, no kuicitile fya kukaka mu musana.

Ukutendeka 3:14-15

Eico YEHOBA Lesa ati ku nsoka, Pantu wacite ci, watipwa niwe pa fitekwa fyonse, kabili pa fya mweo fyonse ifya mpanga; wakulaendela pe fumo lyobe, no kulalyo lukungu inshiku shonse sha mweo obe:

Ndebika no bulwani pa kati ka iwe no mwanakashi, kabili pa kati ka bufyashi bobe no bufyashi bwakwe; bwene bwakulakulasa ku mutwe, nobe wakulabulasa ku citende.

Ulu e lubembu lwa kubalilapo ulwa lembwa mu Baibele. Ica cenjelesha nganshi pa fiswango fyonse, i nsoka, “ya bepele” Efa ku kulya icipimfya ca cisabo cabindwa. Wene aciliile no kucipela ku mulume wakwe, icalengele bene ukwiluka ukuti bali ubwamba.

Amepusho ya mupepi ni aya: Bushe kuti insoka yalanda shani? Cinshi cintu ili apo likwete icakucita no kubo bwamba? Kabili, nipi pantu ulubuto lwa nsoka lwa lingamo muli fyonse ifi?

Baibele isosa ukuti insoka yali “incenjeshi” iyacilamo pa fiswango fyonse. Yene yalifye kwati muntunse, icakuti yale enda, uku sosa, kabili no ku kwatafye ilyashi ilya mano. Panuma ya kubepa umukashi wakwa Adamu, Lesa ai tipile ukuba insoka, lelo cali panuma ya bonaushi ukucitwa no lubuto nalu byalwa.

Baibele mu Ukutendeka 3:15 isosa ukuti insoka yali no lubuto, kabili Lesa abikile ubulwani pakati ka mbuto shibili. Mucine, ulubuto lwa nsoka lwa kumene pamo no lubuto lwakwa Efa ulwa mu mubili lintu tapalaba ukupatulwa. Bushe fyonse ifyo kuti fyaba shani ifya kutula mu kulya kwe apo? Lyene, ama vesi yanono panuma, “Adamu ainike ishina lya mukashi wakwe Efa; pantu wene ali ninyina wa ba mweo bonse.” Moneni ukuti tailetila Adamu aali shibo waba mweo bonse.

Kwaba “ifisabo” ifya lekana lekana mu Baibele. Na kuba, kwaba icine cisabo, nge apo, ici mena kabili cibomfiwa ku cakulya. Kwaba kabili i cisabo ici losha ku milimo yesu, cibe ku milimo yaku mubili ifili ngo kulima na makwebo, nangu imilimo yaku mupashi iili ngo kucite fisungusho no kushimikila Imbila nsuma. Elyo, kwaliba icisabo ca mwi fumo, icile lola ku kwimita no bufyashi.

Bushe ukulya kwa cisabo kuti kwapela Adamu na Efa ukwishiba ukuti bene bali ubwamba? Nangu, kuti caba kwampana kwa mu mubili pakati ka mwaume no mwanakashi pakuti bene bengeshiba umulandu bene bafwile ukufimba ifiputulwa fimo ifya mibili yabo?

Cinshi icinecine cacitike bulya bushiku mwi Bala ku kulenga bonse ubuntunse ukuwa?

Ngafintu u Lubuto lwa mwanakashi lwali ni Lesa Umwine uku ifyasha mu mubili wa buntunse, eico ulubuto lwa nsoka e nshila ine fye intu Satana asangile umwine iyaku iiswila inshila ukwingila mu mutundu wa muntu. Cali icishingacitwa kuli Satana (pakuti wene alifye umupashi u wa LENGWA) uku ifyasha umwine mu nshila intu Lesa aifyashishemo Umwine, eico ilyashi lyamu Ukutendeka lilalanda ifyo wene akwete ulubuto lwakwe noku lwingisha nangu umwine ukwingila mu mutundu wa muntu. Elyo ibukisheni ukuti Satana etwa “insoka.” Lwene lubuto lwakwe nangu ukwingila mu mutundu wa muntu ifwe tulelandapo.

Adamu talati ku kumana na Efa, insoka yakwete yalya mano uku mutangilila. Kabili uyo uwa fyelwe kuli co ali ni Kaini. Kaini ali wa (ukufyalwa ku, umwana wa) ulya “Umo Umubifi,” (I Yohane 3:12)

…I cishinka ca mulandu ca kuti Efa akwete mwifumo lyakwe BABILI abanabaume (bampundu) ukufuma ku kwimita ukwa LEKANA. Wene aimite ba mpundu, no kwimita kwa kwa Kaini inshita imo ukwa bangilile pali kulya ukwa kwa Abele.

Ifyakuloshako

Ukutendeka 3:6-7

Awe umwanakashi pa kumona uyo muti ukuti uusuma ku kulya kabili wawama ku kumona, kabili muti wa kutemwikwa ku kulengo kushilimuka, abuulako ku cisabo ca uko no kulya, kabili apako na ku mulume wakwe pamo nankwe; na o alya.

Elyo yashibulwa amenso ya bonse babili, kabili baishibo kuti bali ubwamba; awe ba bilanya amabuula ya mukunyu no kuicitile fya kukaka mu musana.

[Kuti baishiba shani ukuti bali ubwamba ku kulya icipimfya ca cisabo?]

Ukutendeka 3:13-15

Elyo YEHOBA Lesa ati ku mwanakashi, Cinshi ico ucitile? No mwanakashi ati, I nsoka eya mbeleleka, na ine nalya.

Eico YEHOBA Lesa ati ku nsoka, pantu wacite ci, watipwa niwe pa fitekwa fyonse, kabili pa fya mweo fyonse ifya mpanga; wakulaendela pe fumo lyobe, no kulalyo lukungu inshiku shonse sha mweo obe:

Kabili Ndebika no bulwani pa kati ka iwe no mwanakashi, kabili pa kati ka bufyashi bobe no bufyashi bwakwe; bwene bwakulakulasa ku mutwe, nobewakulabulasa ku citende.

[I nsoka yali no lubuto. Ukuba ici ta cilelosha ku nsoka.]

Ukutendeka 3:20

Kabili Adamu ainike ishina lya mukashi wakwe Efa; pantu wene ali ni nyina wa ba mweo bonse.

[Cinshi cintu Adamu tainikilwe ukuba wishi wa ba mweo bonse?]

Ukutendeka 4:1-2

Nomba Adamu aishibe Efa umukashi wakwe; na o aimita, afyala na Kaini, no kutila, nimpokelelo mwaume kuli YEHOBA.

Elyo abwekeshepo ukufyala munyina Abele. Na o Abele ali ni kacema wa mpaanga, na Kaini ali mulimi wa mushili.

[Umweo onse ufuma kuli Lesa, cibe ukwimita takuli munshila yalungama nangu kube munshila yalungama. Satana tekuti alenge umweo.]

Luka 3:38

Mwana Enoshi, mwana Sete, mwana Adamu, mwana Lesa.

[Nipi pali ibeli Kaini mu citoto ca kwa Adamu?]

I Yohane 3:12

Te kuti tube nga Kaini, uwali wa mubifi, kabili aipeye munyina. Nga kanshi cinshi ico a mwipaile? Ico imilimo yakwe yali ya bubifi, ne ya kwa munyina iyalungama.

[Lesa alengele Adamu mu cimonwa Cakwe. Nga ububifi bwakwa Kaini bwafumine kwi, kabili ubulungami bwa kwa Abele bwafumine kwi? Imibele yabo yapyenwe ukufuma kuli ba shibo.]

Yuda 1:14

Awe ni aba ebo asesemene Enoke, uwalenga cinelubali ukutula pali Adamu, ilyo atile, moneni, Shikulu aleisa na makana ikumi ya bamushilo bakwe,

[Tapaba nangu pamo mu Baibele apo Kaini asangwa mu bufyashi bwa kwa Adamu.]