Ee, twalicetekela umupwilapo ukutila umo wine Yesu Christu uwapangile ifisungusho imyaka amakana yabili kuti akwanisha ukucita cimo cine ne lelo line. Mukwai lembeni pali fomu uuli pe samba nga cakuti mulefwaya ifwe ukumisanshako mwipepo. Tuleipusha ukuti kuti mwatutuminako ubunte ilintu Shikulu aasuka.
Marko 16 :17-18
Ne fishibilo ifi fikakonka abacetekela; Mwi shina lyandi bakatamfishamo ifiwa; bakalandila mundimi shimbi; Bakekate nsoka; kabili nga banwe ca bwanga, tacakabacite akabi; bakabike ndupi shabo pa balwele, nabo bakaba abatuntulu.
Yohane 14:12-14
Ndemwebe cine, cine, Nati, Uuntetekela, imilimo iyo Ine ncita na o akacita; kabili akacita imilimo iyacilapo pali iyi; ico Ine ndeya kuli Tata.
Kabili na conse mukalombela mwi shina lyandi, ico Nkacita, pakuti Tata acindamikilwe mu Mwana.
Nga mwaipusha icili conse mwi shina lyandi, Nkacita ico.
I Petro 2:24
Wene asendele imembu shesu umwine mu mubili wakwe pa cimuti, ukuti ifwe, abali abafwa lubali ku lubembu, tube aba mweo lubali ku bulungami: ni ku filaso fyakwe e ko mwaposhiwe.