Génesis 3:1
Maar die slang was listiger as al die diere van die veld wat die HERE God gemaak het. En hy sê vir die vrou: Is dit ook so dat God gesê het: Julle mag nie eet van al die bome van die tuin nie?
Génesis 3:6-7
Toe sien die vrou dat die boom goed was om van te eet en dat hy ’n lus was vir die oë, ja, ’n boom wat ’n mens kan begeer om verstand te kry; en sy neem van sy vrugte en eet en gee ook aan haar man by haar, en hy het geëet.
Toe gaan altwee se oë oop, en hulle word gewaar dat hulle naak is, en hulle het vyeblare aanmekaar gewerk en vir hulle skorte gemaak.
Génesis 3:14-15
Toe sê die HERE God aan die slang: Omdat jy dit gedoen het, is jy vervloek onder al die vee en al die diere van die veld. Op jou buik moet jy seil, en stof moet jy eet al die dae van jou lewe.
En Ek sal vyandskap stel tussen jou en die vrou, en tussen jou saad en haar saad. Hy sal jou die kop vermorsel, en jy sal hom in die hakskeen byt.
Hierdie is die eerste sonde wat opgeteken is in die Bybel. Die listigste van al die diere, die slang, het Eva “bedrieg” om ’n stukkie verbode vrugte te eet. Sy het dit geëet en dit toe aan haar man gegee, wat hulle laat besef het hulle is naak.
Die ooglopende vrae is: Hoe kan ’n slang praat? Wat het ’n appel te doen met nakend wees? En, waar pas die saad van die slang in dit alles in?
Die Bybel sê die slang was die “listigste” van al die diere. Hy was soveel soos ’n mens, dat hy kon loop, praat en selfs ’n intelligente gesprek kon voer. Nadat hy Adam se vrou bedrieg het, het God hom vervloek om ’n slang te wees, maar nie voordat die skade gedoen is en die saad geplant was nie.
Die Bybel sê in Génesis 3:15 dat die slang ’n saad gehad het, en God vyandskap tussen die twee sade gestel het. Ooglopend, het die slang se saad vermeng met Eva se natuurlike saad voor die skeiding. Hoe kon dit alles die gevolg wees van die eet van ’n appel? Dan, ’n paar verse later: “Adam het sy vrou Eva genoem omdat sy die moeder geword het van alles wat lewe.” Let op dat dit nie sê Adam was die vader van alles wat lewe nie.
Daar is verskillende “vrugte” in die Bybel. Natuurlik is daar letterlike vrugte, soos ’n appel, wat groei en as kos geëet word. Daar is ook die vrugte wat verwys na ons werke, of dit natuurlike werke soos boer en besigheid is, of geestelike werke soos om wonderwerke te doen en die Evangelie te preek. Dan is daar vrugte van die skoot, wat verwys na bevrugting en kindergeboorte.
Sou die eet van ’n letterlike vrug vir Adam en Eva die begrip gee dat hulle nakend was? Of, sou dit ’n fisiese verhouding tussen ’n man en ’n vrou neem om vir hulle te laat begryp waarom hulle sekere dele van hulle liggaam moes bedek?
Wat het regtig daardie dag in die Tuin gebeur wat die hele mensdom laat val het?
Soos die Saad van die vrou letterlik God was wat Homself in menslike vlees voortgeplant het, so is die saad van die slang die letterlike manier wat Satan gevind het waardeur hy in staat was om die deur vir homself oop te maak in die menslike ras in. Dit was onmoontlik vir Satan (want hy is net ’n GESKAPE gees–wese) om homself voort te plant op die manier wat God Homself voortgeplant het, so die Génesis verhaal vertel vir ons hoe hy sy saad voortgebring het en homself ingebring of ingespuit het in die menslike ras. Onthou ook dat Satan die “slang” genoem word. Dit is sy saad of inspuiting in die menslike ras waarvan ons praat.
Voordat Adam ooit geslagsgemeenskap met Eva gehad het, het die slang daardie gemeenskap voor hom gehad. En daardie een wat daaruit gebore is, was Kain. Kain was uit (gebore uit, verwek uit) die “Bose,” (I Johannes 3:12)
…Die waarheid daarvan is dat Eva TWEE seuns (tweeling) in haar skoot gehad het uit AFSONDERLIKE bevrugtings. Sy het ’n tweeling gedra, met Kain se bevrugting ’n tyd voor dié van Abel.
Verwysings
Génesis 3:6-7
Toe sien die vrou dat die boom goed was om van te eet en dat hy ’n lus was vir die oë, ja, ’n boom wat ’n mens kan begeer om verstand te kry; en sy neem van sy vrugte en eet en gee ook aan haar man by haar, en hy het geëet.
Toe gaan altwee se oë oop, en hulle word gewaar dat hulle naak is; en hulle het vyeblare aanmekaar gewerk en vir hulle skorte gemaak.
[Hoe sou hulle weet hulle was nakend deur ’n stukkie van ’n vrug te eet?]
Génesis 3:13-15
Daarop sê die HERE God aan die vrou: Wat het jy nou gedoen? En die vrou antwoord: Die slang het my bedrieg, en ek het geëet.
Toe sê die HERE God aan die slang: Omdat jy dit gedoen het, is jy vervloek onder al die vee en al die diere van die veld. Op jou buik moet jy seil, en stof moet jy eet al die dae van jou lewe.
En Ek sal vyandskap stel tussen jou en die vrou, en tussen jou saad en haar saa: Hý sal jou die kop vermorsel en jý sal hom in die hakskeen byt.
[Die slang het ’n saad gehad. Duidelik verwys dit nie na ’n gewone slang nie.]
Génesis 3:20
En die mens het sy vrou Eva genoem, omdat sy moeder geword het van alles wat lewe.
[Waarom was Adam nie die vader van alles wat lewe genoem nie?]
Génesis 4:1-2
En die mens het sy vrou Eva beken, en sy het swanger geword en Kain gebaar en gesê, Ek het ’n man verkry met die hulp van die HERE.
Daarna het sy ook sy broer Abel gebaar. En Abel het ’n skaapherder geword, en Kain ’n landbouer.
[Alle lewe kom van God, of dit egtelik of buite–egtelik verwek is. Satan kan nie lewe skep nie.]
Lukas 3:38
Die seun van Enos, die seun van Set, die seun van Adam, die seun van God.
[Waar is die eersgeborene Kain in Adam se geslag?]
I Johannes 3:12
Nie soos Kain, wat uit die bose was, en sy broer doodgeslaan het nie. En waarom het hy hom doodgeslaan? Omdat sy werke boos was en dié van sy broer regverdig.
[God het Adam na Sy eie beeld geskape. Waar het die boosheid van Kain vandaan gekom en waar het die regverdigheid van Abel vandaan gekom? Hulle eienskappe was oorgeërf van hulle vaders.]
Judas 1:14
En Henog, die sewende van Adam af, het ook teen hulle geprofeteer en gesê: Kyk, die Here het gekom met sy heilige tienduisendtalle,
[Nêrens in die Bybel is Kain in die nageslag van Adam nie.]