Duidelik is die doop baie belangrik, maar maak dit saak hoe ons gedoop word? Is daar ’n korrekte doop, of sal enigiets werk? As jy die Bybel glo, dan JA, daar is ’n korrekte doop.
Meeste kerke doop in die Naam van die Vader, Seun, en Heilige Gees, maar dit is nie korrek volgens die Bybel nie.
In Handelinge 19, was daar party mense wat alreeds in Jesus Christus geglo het, maar nog nie die Heilige Gees in hulle harte ontvang het nie. Die apostel Paulus het die korrekte manier geken om die Heilige Gees te ontvang, so hy het vir hulle gevra: “Met watter doop is julle dan gedoop?” En hulle het gesê: “Met die doop van Johannes.” (Handelinge 19:3) Paulus het gesien dat hulle nie gedoop was volgens Petrus se opdrag in Handelinge 2:38 nie, so hy het hulle beveel om oorgedoop te word in die Naam van die Here Jesus. Toe, soos beloof, het hulle die Heilige Gees ontvang.
So, waarom het die dissipels gedoop in die Naam van Jesus, as Jesus Self, vir hulle gesê het om te doop in die Naam (nie “name” nie) van die Vader, en van die seun, en van die Heilige Gees? (Matt 28:19) Het hulle ’n fout gemaak? Nee! Hulle het presies gedoen soos hulle beveel was.
Soos jy die artikel lees, dink aan jou naam. Is jy ’n seun? Is jou Naam: “Seun”? Is jy ’n moeder? Is jou Naam: “Moeder”? Natuurlik nie, dit is net titels. Jy het ’n regte Naam, en God ook.
Hier is die antwoord:
En daar is glad nie so–iets in die Bybel as iemand wat ooit gedoop is in die Naam van die Vader, Seun, Heilige Gees nie; want daar is glad nie so–iets nie. Vader is nie ’n naam nie; en Sein is nie ’n naam nie; en Heilige Gees is nie ’n naam nie; maar die Naam van die Vader, Seun, Heilige Gees is die Here Jesus Christus.
Jesus Christus is God! Hy is die Vader, die Seun, en die Heilige Gees.
As jy die Heilige Gees wil hê en wonder waarom die Here dit nog nie vir jou gegee het nie, dan wil jy miskien dieselfde vraag afvra wat Paulus het: “Met watter doop is jy dan gedoop?”
Verwysings
Matthéüs 28:19
Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees;
[Wat is die Vader se Naam? Seun se Naam? Heilige Gees se Naam?]
Markus 16:16
Hy wat glo en hom laat doop, sal gered word; maar hy wat nie glo nie, sal veroordeel word.
Johannes 5:43
Ek het gekom in die Naam van my Vader, en julle neem my nie aan nie. As ’n ander een in sy eie Naam kom, hom sal julle aanneem.
[As Hy in Sy Vader se Naam kom, wat is Sy Naam dan?]
Johannes 10:30
Ek en die Vader is een.
Johannes 12:45
En wie My aanskou, aanskou Hom wat my gestuur het.
Johannes 14:8-9
Filippus sê vir Hom: Here, toon ons die Vader, en dit is vir ons genoeg.
Jesus sê vir hom: Ek is so lank al by julle, en jy het My nie geken nie, Filippus? Hy wat My gesien het, het die Vader gesien; En hoe sê jy: Toon ons die Vader?
Johannes 20:27-28
Daarna sê Hy vir Thomas: Bring jou vinger hier, en kyk na my hande; en bring jou hand en steek dit in my sy; en moenie ongelowig wees nie, maar gelowig.
En Thomas antwoord en sê vir Hom: My Here en my God.
Handelinge 2:38-39
En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.
Want die belofte kom julle toe en julle kinders en almal wat daar ver is, dié wat die Here onse God na Hom sal roep.
Handelinge 4:12
En die saligheid is in niemand anders nie, want daar is ook geen ander Naam onder die hemel wat onder die mense gegee is, waardeur ons gered moet word nie.
Handelinge 8:12
Maar toe hulle Filippus geglo het, wat die evangelie aangaande die koninkryk van God en die Naam van Jesus Christus, verkondig het, is hulle gedoop, manne sowel as vroue.
Handelinge 19:3-6
En hy vra hulle: Met watter doop is julle dan gedoop? En hulle antwoord: Met die doop van Johannes.
Daarop sê Paulus: Johannes het met die doop van bekering gedoop en aan die volk gesê dat hulle moes glo in die Een wat na hom kom, dit is in Christus Jesus.
En toe hulle dit hoor is hulle gedoop in die Naam van die Here Jesus.
En Paulus het hulle die hande opgelê, en die Heilige Gees het op hulle gekom, en hulle het met tale gespreek en geprofeteer.
Efésiërs 4:5
Een Here, een geloof, een doop,
Kolossense 3:17
En wat julle ook al doen in woord of in daad, doen alles in die Naam van die Here Jesus, en dank God die Vader deur Hom.
I Johannes 5:7
Want daar is drie wat getuig in die hemel: die Vader, die Woord en die Heilige Gees, en hierdie drie is een.