Genesis 3:1
Ang ahas nga ay lalong tuso kay sa alin man sa mga hayop sa parang na nilikha ng PANGINOONG Dios. At sinabi niya sa babae, Tunay bang sinabi ng Dios, Huwag kayong kakain sa alin mang punong kahoy sa halamanan?
Genesis 3:6-7
At nang makita ng babae, na ang bunga ng punong kahoy ay mabuting kanin, at nakalulugod sa mga mata, at kahoy na mananasa upang magpapantas sa tao, ay pumitas siya ng bunga niyaon at kinain; at binigyan din niya ang kaniyang asawang kasama niya, at ito’y kumain.
At nadilat kapuwa ang kanilang mga mata, at kanilang nakilalang sila’y mga hubad; at sila’y tumahi ng mga dahon ng puno ng igos, at kanilang ginawang panapi.
Genesis 3:14-15
At sinabi ng PANGINOONG Dios sa ahas, Sapagka’t ginawa mo ito, ay sumpain ka ng higit sa lahat ng hayop, at ng higit sa bawa’t ganid sa parang; ang iyong tiyan ang ilalakad mo, at alabok ang iyong kakanin sa lahat ng mga araw ng iyong buhay:
At papagaalitin ko ikaw at ang babae, at ang iyong binhi at ang kaniyang binhi: ito ang dudurog ng iyong ulo, at ikaw ang dudurog ng kaniyang sakong.
Ito ang unang kasalanang naitala sa Biblia. “Nilinlang” ng pinakatuso sa lahat ng mga hayop, ang serpiyente, si Eba sa pagkain ng kapiraso ng ipinagbabawal na bunga. Kinain niya ito at saka ibinigay ito sa kanyang asawa, na naghatid sa kanila upang mapagkilalang sila’y mga hubad.
Ang malinaw na mga tanong ay: Papaanong nakapagsasalita ang isang ahas? Ano naman ang kaugnayan ng isang mansanas sa pagiging hubad? At, saan nauugnay ang binhi ng serpiyente sa lahat ng ito?
Sinasabi ng Biblia na ang serpiyente ang “pinakatuso” sa lahat ng mga hayop. Siya ay katulad na katulad ng isang tao, at kaya nitong maglakad, magsalita, at maaari pa ngang makipagtalakayan. Pagkatapos nitong dayain ang asawa ni Adan, ay isinumpa siya ng Diyos na maging isang ahas, ngunit hindi bago makapaminsala at maipunla ang binhi.
Sinasabi ng Biblia sa Genesis 3:15 na ang serpiyente ay may binhi, at naglagay ang Diyos ng
pag-aalit
sa pagitan ng dalawang binhi. Maliwanag, na naihalo ang binhi ng serpiyente sa natural na binhi ni Eba bago pa ang pagkahiwalay. Papaanong ang lahat ng iyon ay maging bunga ng pagkain ng mansanas? Pagkatapos, sa ilang mga sumunod na talata, “Tinawag ni Adan ang kanyang asawa na Eba; sapagkat siya ang naging ina ng lahat ng mga nabubuhay.” Pansinin na
hindi
sinasabing si Adan ang
ama
ng lahat ng mga nabubuhay.
May iba’t ibang “bunga” sa Biblia. Siyempre pa, mayroong literal na bunga, gaya ng isang mansanas, na tumutubo at kinakain. Mayroon ding bungang tumutukoy sa ating mga gawa, maging ito man ay natural na mga gawa na gaya ng pagsasaka o pagnenegosyo, o mga espirituwal na gawa na gaya ng pagsasagawa ng mga himala at pangangaral ng Ebanghelyo. Saka, mayroong bunga ng sinapupunan, na tumutukoy sa pagdadalantao at pagsisilang.
Ang pagkain ba ng literal na bunga ay magdudulot ng pagkaunawa kina Adan at Eba na sila ay mga hubad? O, kinakailangan ba ng pisikal na pag-uugnayan sa pagitan ng isang lalaki at ng isang babae para maunawaan nila kung bakit kailangan nilang takpan ang ilang bahagi ng kanilang mga katawan?
Ano ba talaga ang nangyari noong araw na iyon sa Halamanan upang magsanhi ng pagkahulog ng sangkatauhan?
Kung paanong ang Binhi ng babae ay ang Diyos na literal na ibinunga ang Kanyang Sarili sa lamang ukol sa tao, gayon din naman na ang binhi ng serpiyente ang literal na pamamaraan na natagpuan ni satanas na nagawa niyang buksan ang pintuan at makapasok siya sa lahi ng tao. Imposible para kay satanas (dahil isa lang siyang NILIKHANG espiritung-nilalang) ang ibunga ang kanyang sarili sa paraang ipinamunga ng Diyos ang Kanyang Sarili, kaya’t ang salaysay ng Genesis ay nagsasabi kung paano niya binuo ang kanyang binhi at dinala o ipinasok ang kanyang sarili sa lahi ng tao. Alalahanin din ninyo na si satanas ay tinatawag na “serpiyente.” Ang kanyang binhi o pagpasok sa lahi ng tao ang ating pinag-uusapan.
Bago pa man nagkaroon ng karnal na kaalaman si Adan kay Eva, nauna na ang serpiyente sa kanya. At ang isang iyan na ipinanganak dahil diyan ay si Cain. Si Cain ay mula sa (ipinanganak mula sa, naging anak ng) “Siyang Masama,”
I Juan 3:12.
…Ang totoo talaga niyan ang dinadala noon ni Eva sa kanyang sinapupunan ay DALAWANG anak (kambal) mula sa MAGKAHIWALAY na pagkakabuntis. Ang dinadala niya’y kambal, kung saan ang pagkakalihi kay Cain ay bahagyang nauna kaysa kay Abel.
Mga Sanggunian
Genesis 3:6-7
At nang makita ng babae, na ang bunga ng punong kahoy ay mabuting kanin, at nakalulugod sa mga mata, at kahoy na mananasa upang magpapantas sa tao, ay pumitas siya ng bunga niyaon at kinain; at binigyan din niya ang kaniyang asawang kasama niya, at ito’y kumain.
At nadilat kapuwa ang kanilang mga mata,
at kanilang nakilalang sila’y mga hubad; at sila’y tumahi ng mga dahon ng puno ng igos, at kanilang ginawang panapi.
[Papaano nila malalamang sila’y mga hubad sa pagkain ng isang piraso ng bunga?]
Genesis 3:13-15
At sinabi ng PANGINOONG Dios sa babae, Ano itong iyong ginawa? At sinabi ng babae,
Dinaya ako ng ahas, at ako’y kumain.
At sinabi ng PANGINOONG Dios sa ahas, Sapagka’t ginawa mo ito, ay sumpain ka ng higit sa lahat ng hayop, at ng higit sa bawa’t ganid sa parang; ang iyong tiyan ang ilalakad mo, at alabok ang iyong kakanin sa lahat ng mga araw ng iyong buhay:
At
papagaalitin ko ikaw at ang babae, at
ang iyong binhi at ang kaniyang binhi: ito ang dudurog ng iyong ulo, at ikaw ang dudurog ng kaniyang sakong.
[Mayroong binhi ang serpiyente. Malinaw, na hindi ahas ang tinutukoy nito.]
Genesis 3:20
At tinawag na Eva ng lalake ang kaniyang asawa, sapagka’t
siya ang naging ina ng lahat ng mga nabubuhay.
[Bakit hindi tinawag si Adan na ama ng lahat ng mga nabubuhay?]
Genesis 4:1-2
At nakilala ng lalake si Eva na kaniyang asawa; at siya’y naglihi at ipinanganak si Cain, at sinabi,
Nagkaanak ako ng lalake sa tulong ng PANGINOON.
At sa muli ay ipinanganak ang kaniyang kapatid na si Abel. At si Abel ay tagapagalaga ng mga tupa; datapuwa’t si Cain ay mangbubukid ng lupa.
[Nagmumula sa Diyos ang lahat ng buhay, ipinagbuntis man itong lehitimo o bastardo. Hindi kaya ni Satanas na lumikha ng buhay.]
Lucas 3:38
Ni Enos,
ni Set, ni Adam,
ng Dios.
[Nasaan na ang unang isinilang na si Cain sa lipi ni Adan?]
I Juan 3:12
Hindi gaya ni
Cain na siya’y sa masama, at pinatay ang kaniyang kapatid. At bakit niya pinatay? Sapagka’t ang kaniyang mga gawa ay masasama, at ang mga gawa ng kaniyang kapatid ay matuwid.
[Nilikha ng Diyos si Adan sa Kanyang sariling larawan. Saan nagmula ang kasamaan ni Cain, at saan nagmula ang pagkamatuwid ni Abel? Ang mga katangian nila ay minana nila sa kanilang mga ama.]
Judas 1:14
At ang mga ito naman ang hinulaan ni Enoc,
na ikapito sa bilang mula kay Adam, na nagsabi, Narito, dumating ang Panginoon, na kasama ang kaniyang mga laksalaksang banal,
[Wala kahit saanman sa Biblia ang nagsasabing si Cain ay mula sa lipi ni Adan.]