Psalme 96:13
Pele ga MORENA: ka gore o a tla, ka gore o a tla go ahlola lefase: o tla ahlola lefase ka toko, gomme batho ka therešo ya gagwe.
Fao go na le dikete tša dikereke tša maina tša go fapana lefaseng lehono. Bodumedi bjo bongwe le bjo bongwe bo ahlola bjo bongwe, go le bjalo ka moka ba tshephiša phološo ka kereke ya
bona
ya leina. Re tseba bjang gore re kgetha efe?
Ge re kgetha kereke ya Katoliki, gona re amogela go
go emelwa ke bakgethwa,
yeo e sa fetego go rapela diswantšho. Beibele e re,
“Ka gore fao go na le Modimo yo motee, gomme mmoelanyi yo motee magareng ga Modimo le batho, ke motho Kriste Jesu;”
(I Tim 2:5). Moprista o bitšwa “Tate” seo se ileditšwego ke Jesu ka go Mateo 23:9:
“Gomme le seke la bitša monna tatago lena mo lefaseng: ka gore Tatago lena ke yo motee, yo a lego legodimong.”
Maassemblies Of God ba a re botša gore go bolela ka maleme ke bohlatse bja mathomo bja Moya wo Mokgethwa, ge Paulo a rile,
“Le ge nka bolela ka maleme a batho le a barongwa, gomme ka hloka lerato, ke tla go ba mphiri wo o llago, goba moropa wo o dumago.”
(I Bak 13:1)
Gabotse ka moka dikereke tša maina di phakiša go re botša gore dilo tše ntšhi ka Beibeleng ga di hlalošwe ka maleba, di lahlegile tlhatholong, goba ga di re lefase la lehono. Ka fao, a re swanetše go dumela Beibele goba dithuto tša kereke tša maina? Na Modimo o tla šomiša eng bjalo ka seelo sa kahlolo?
Ge ke be nka botšiša Katoliki fa bošegong bjo, “Ke eng se le gopolago gore Modimo o tla ahlola lefase ka sona?” Katoliki e re, “Ka Kereke ya Katoliki.” Tšohle gabotse, bjale Kereke ya Katoliki efe? Bjale ba na le ya Roma, Greek Orthodox, le tše ntšhi tša tšona. E tla ba Kereke ya Katoliki efe? Maluther ba re, “Ka rena,” gona lena Mabaptist le ka ntle. Gomme ge re ka re, “Ka Baptist,” gona lena Mapentecost le ka ntle. Ka fao go be go tla ba le tlhakahlakano ye bjalo, ga go le yo motee yo a be a tla tseba gore a dire eng; ka fao Ga se ake a tshephiša go ahlola lefase ka kereke.
O tshephišitše go ahlola lefase ka Kriste, gomme Kriste ke Lentšu. Gomme Beibele ke yona e tla ahlolago lefase, e lego Jesu Kriste yo a swanago maabane, lehono, le ka gosafelego.
Methopo
Johane 1:1
Mathomong go be go le Lentšu, gomme Lentšu o be a le go Modimo, gomme Lentšu e be e le Modimo.
Johane 1:14
Gomme Lentšu la dirwa nama,
gomme la aga magareng ga rena (gomme ra bogela letago la gagwe, letago la motswalwanoši wa Tate, ) motlala kgaugelo le therešo.
Johane 5:22
Ka gore Tate ga a ahlole motho,
eupša o neetše kahlolo ka moka go Morwa:
Johane 12:48
Yo a nkganago, gomme a sa amogele mantšu a ka, o na le yo a mo ahlolago:
lentšu le Ke le boletšego,
ke lona le tla mo ahlolago ka letšatši la mafelelo.
Baefeso 1:5-7
O re kgethetše ka peong ya bana ka Jesu Kriste ka go yena, go ya ka kgahlego botse ya thato ya gagwe,
Gore go retwe letago la kgaugelo ya gagwe, yeo a re dirilego gore re amogelege ka go morategi.
Go yo re hweditšego topollo ka go yena ka madi a gagwe, tebalelo ya dibe, go ya ka mahumo a kgaugelo ya gagwe;
Baefeso 2:5-8
Le mola re sa hwetše dibeng, o re tsošitše mmogo le Kriste, (le phološitšwe ka kgaogelo;)
Gomme o re tsošitše mmogo, gomme a re dira gore re dule mmogo go mafelo a tša magodimo ka go Kriste Jesu:
Gore mabakeng a a tlago a bonagatše mahumo a gagwe a magologolo a kgaugelo ya gagwe ka botho bja gagwe go rena ka Kriste Jesu.
Ka gore ka kgaugelo le a phološwa ka tumelo; gomme e sego ka bolena: ke mpho ya Modimo:
I Johane 1:7
Eupša ge re sepela seetšeng, bjalo ka ge a le seetšeng, re na le kopanelo mongwe le yo mongwe,
gomme madi a Jesu Kriste Morwa wa gagwe a re hlatswa dibe tšohle.
Kutollo 22:18-19
Ka fao Ke pakela motho yo mongwe le yo mongwe yo a kwago mantšu a seporofeto sa puku ye, Ge motho mang kapa mang a ka oketša dilo tše, Modimo o tla mo okeletša dikotlo tše di ngwadilwego ka pukung ye:
Gomme ge motho mang kapa mang a ka fokotša go mantšu a puku ya seporofeto se, Modimo o tla tšea go tloša karolo ya gagwe go tšwa pukung ya bophelo, le go tšwa toropongkgolo ye kgethwa, le go tšwa go dilo tše di ngwadilwego ka pukung ye.