I Fyankama Ukusokololwa

Ku kutendeka mu bupyungishi bwa kwa Munyina Branham cali apabuta ukuti imibele ya filonganino yakulilwe ku kutantalisha utubungwe twa mipepele, kabili te Mbila nsuma ya ciine. Munyina Branham acetekele Baibele i Cebo pa Cebo, kabili talesuminisha icapusanako, nangu fye cibe kutamfiwa ukufuma pa babomfi banankwe, ifibusa, nangu ulupwa.

Ilyo acili membala wa Missionary Baptist Church, alyebelwe uku lashika ba kapyunga abanakashi. Nomba, wene alishibe a Malembo bwino bwino. I Timote 2:12 isosa apabuta, “Lelo nshile suminisha mwanakashi ukusambilisha, nangu ukuteko mwaume, lelo ukuba tondolo,” kabili I Abena Korinti 14:34 isosa, “Abanakashi batalale mu kulongana kwa lukuta: pantu takwasuminishiwa kuli bene ukulanda…” Ici tacali kupata abanakashi, lelo Baibele yali shininkisha mufilembo fya fita pe pepala lyabuuta pe sambililo ili. Ilyo icipope capelwe, wene akene ukusuminisha icalubana eico ashiile u lukuta.

Ayo tayali fye Malembo yeka ayalesulwa umupwilapo ku filonganino. Shikulu asokolwele i cishinka pa lubatisho kuli Munyina Branham. Kuti Yesu apela shani icebo, “Eico kabiyeni, kalengeni aba nko shonse ukuba abasambi, mulebabatishisha mwi shina lyakwa Tata, ne lya Mwana, ne lya Mupashi wa Mushilo,” libe ulubatisho lonse ulwalembwa mu Baibele lwali mwi Shina lyakwa Yesu? Umutumwa Petro apele cebo mu Milimo Ya Batumwa 2:38 ukulapila no kubatishiwa mwi Shina lyakwa Yesu Kristu. A Malembo yabombela pamo mu kwampana ukwapwilika, lelo casendele kasesema ukusokolola iyi nkama: “Tata” te shina, “Mwana” te shina, kabili “Mupashi wa Mushilo” te shina. Nga ifyo fye umwaume ni tata ku bana bakwe, mwana wa bafyashi bakwe, kabili ni munyina waabo afyalwa nabo, lelo ishina lyakwe te “tata,” “mwana,” nangu “munyina.” Tata, Mwana, na Mupashi wa Mushilo malumbo kwi Shina lyakwa Yesu Kristu. Mateo 28:19 na Imilimo ya Batumwa 2:38 fyalungatene bwino bwino.

Nangu fye lubembu lwa pa kubala mwi Bala lya Edeni lwali sokolwelwe, tekuti ngo kulye cisabo, lelo cintu cimo ica bipishapo. Ni mu musangonshi ukulya icipimfya ca cisabo ilyo line kwinga sokolola kuli Adamu na Efa ukuti bali ubwamba? Cene mukwipifya tacileumfwika ica mano. Cinshi i apo likwete ica kuti no kuba ubwamba? Kasesema wakwa Lesa asokolwele bwino bwino iyi nkama.

Ni bamalaika nshi balandwapo mu Ukusokolola icipandwa 2 na 3? Amashina yabo kuti yaumfwika aya ishibikwa.

Ni bani abankama bakanina ba bakabalwe abamu Ukusokolola icipandwa 6? Bene bakwete icintu cimo icikankala icibakumine bonse.

Bushe United States yali lumbulwa mwi Buuku lya Ukusokolola?

Bushe ni bani ba 144,000 abapusushiwe mu cipandwa 7?

Ni nani cilende mukalamba uwamu cipandwa 17? Icishibilo cakwe ne nkama shonse ishi fya sokolwelwe mu Mbila ya uyu impalume kasesema uwatumwa ukufuma kuli Lesa.

Te bwingifye bwa fisungusho bwakonkele uyu mwaume, lelo ifyankama ifyafiswa mu Baibele ukupula mu nkulo nafyo fyalisokolwelwe mu bupyungishi bwakwe. Cali ishibikwe ukuti uyu kasesema afikilishe a Malembo ayengi ukucila Malaki 4.

Ukusokolola 10:7 Lelo munshiku she shiwi lyakwa malaika uwalenga cine lubali, ilyo alaswa alishemo, e lyo cikafishiwapo ica nkama ca kwa Lesa, ifyo alandile bwino bwino ku basha bakwe bakasesema.

I Shiwi lile bilisha kwi sonde ukufuma mu filonganino no ku bwelela ku Cebo cantanshi ica kwa Lesa. Cila umo muli ifwe nakwata ishuko limo line lintu Petro, Yakobo, na Yohane bakwete. Natukwata ishuko lya kupendelwa pamo nabasalwa abanono abakwa Lesa abakene uku nakila ku tubungwe twa bukapepa utwa ubo bushiku.

Ayashila Amalembo yalemba imyeo ne milimo ya bantu aba endele na Lesa kabili bali aba subwa no Mupashi Wakwe ica kuti balesosa EFYA SOSA SHIKULU, kabili ne fyebo fyabo fyale shininkishiwa ne fishibilo ifishifilwa pamo ne fisungusho. Bali bakasesema bakwa Lesa, kabili i Cebo cakwa Lesa ku nkulo yabo.

Bushe inshita nashipusana nomba ukucila fintu shali lintu Yesu ali pano? Ni ntungulushi shikapepa sha Mutanike. A basambi bali libumba ilinono pakati ke bumba likalamba ilya mibele ya mipepele. Bene balitamfiwe, uku sekwa, no kubikapo ukwipaiwa pa kwiminina no kusuusha ibumba likalamba ilya mibele ya filonganino. Ifwe limbi teti twipaiwe pa fisumino fyesu ilelo, lelo cine cine tula pakaswa. Cimo nga ba Fariseo naba Saduke, bene tekuti bakane ifisungusho ifyakonkele ubupyungishi bwakwa Munyina Branham eico bawila ku kulwisha kumbi. Limbi kuti mwaumfwo kuti wene ali kasesema wa bufi, intungulushi ya bakapepa ba muntu, ne fyabipishapo. Mu cine, wene ali uwaicefya umubomfi wakwa Lesa uwaiminine ndi ukusuusha ukunyantilila kwabulo kunenuka kuntu ifilonganino na bakapepa ba bantu bakwata pa bantu bakwa Lesa. Balwishishe Yesu munshila imo ine lintu Wene aiminine ukusuusha amasambilisho yabo ne ntambi.

Lesa acindike ukufwaisha kwakwa Munyina Branham ukwa kucetekela conse i Cebo camu Baibele, kabili Alebomfya ubupyungishi bwakwe ukutwala imintapendwa ya myeo kuli Yesu Kristu. Ilelo, i Shiwi lyakwa Malaika walenga Cinelubali lilebilikisha nganshi nga fintu Lyaba lyonse. Pepi ne mintapendwa ya bantu isonde lyonse balicetekela Imbila yakwa Munyina Branham. Aka kuti kaba kalibumba kanono pali ba bilioni babili ba baitunga ubwina Kristu, lelo ni lilali lintu abantu bakwa Lesa tabali ibumba linono?

Ifwe twalikwata ukucila pali 1,200 imbila sha ambulwa ishakwata i Shiwi ilya sesemwe ukwisa mu Ukusokolola 10:7. Cila imo muli ishi mbila ilakakwilako ifyankama fyakwa Lesa. Ilyo i Shiwi epo lili kuli imwe nga cakuti mulefwaya uku Lyumfwa.

Tapatala apaba inshita nelyo imo ilyo Naleta i mbila ku bantu ukuti bene benga konka ine, nangu kuilunda ku lukuta lwandi, nangu kutampa isenge limo nangu kabungwe. Nshabala cite co kabili nshacite co nomba. Ine nshisekela muli ifyo fintu, lelo Ine nsekela mu fintu fyakwa Lesa na bantu, kabili nga cakuti kuti nakwanisha icintu cimofye Ine kuti naba uwaikushiwa. Ico cintu cimo kumona uku pampamikwa kwa kwampana kwa cine u kwa ku mupashi pakati ka kwa Lesa na bantu, uko abantu baba ifibumbwa fipya muli Kristu, abaisushiwamo no Mupashi Wakwe no kwikala ukulingana ne Cebo Cakwe. Ndeita, ukupapata no ku soka bonse ukumfwa i Cebo Cakwe pali ino nshita, no kutula imyeo yenu umupwilapo kuli Wene, nga fintu fye Ndecetekela mu mutima wandi ukuti Nali ipela onse kuli Wene. Lesa amupale, kabili shi ukwisa Kwakwe kwinga sekesha umutima wenu.

Rev. William Marrion Branham