Kuleisa ubushiku ilyo cila umo muli ifwe, cibe umwina Kristu nangu cimbi, akeshiba bwino icaba bushilya bwa cipembe ca nshita. Baibele yali laya Umweo wa Muyayaya kuli bamo, na kuli bambi, yene ya laya u kukandwa. Cila muntunse mu lyashi lyakale cinecine ali ipusha umwine, “Bushe cinshi cika citika kuli ine nga nafwa?”

Kale lintu takulaba Baibele ya kusoma, kasesema Yobo aloleshe ku bubumbo. Wene asosele palwe subilo lya muti, ifyo winga bungulwa no kufwa, lelo ku lyena lya menshi, waima wabwelela ku mweo noku puka. Yobo alishibe ukuti umuntu, ngo muti, akema ku mweo:

Ngacakuti umuntu afwa, engaba no mweo kabili? ninshi inshiku shonse sha kulwa kwandi kuti nalinda, kukasuke akwiso kupepemuka kwandi.

Nga mwaita, na Ine nkasuka: nga mwafuluke cacitwa ku minwe yenu.

Pantu nomba amatampulo yandi mulapenda: no kukanacililo lubembu lwandi? (Yobo 14:14-16)

Yobo limbi tatalile ku kwata Baibele ya kusoma, lelo wene alishibe ukuti Lesa ubushiku bumo aka mututubusha ukufuma ku cilindi ilyo u Mulubushi wa mutundu wa muntu akesa.

Iye nga fyalembwe fyebo fyandi! iye nga fyalembwamo mwi buku!

Nga fyalembwa pa mutofwe ku kalembelo ka cela ukucekwa mu cilibwe icasansuka ifya kwikalila pe.

Lelo Ine naishibo kuti uwa kundubula ali no mweo, kabili akema kuntanshi pa lukungu:

Kabili ilyo yakuntwe nkanda yandi iyi nafuma na mu mubili wandi, elyo nkamona Lesa: (Yobo 19:23-26)

Kasesema ale landa pali Shikulu Yesu no kututubuka kwa bantu Bakwe. Ukupitila mu busokololo Yobo alishibe ukuti nangu i mibili yesu inga pwililika, Yesu aka bwekeshapo umubili wesu. Kabili na menso yesu, ifwe tuka mona Ukwisa Kwakwe. Bonse abantu bakwa Lesa bakabila uku mona bulya bushiku bwa bukata.

Nangu cibe, ngafintu fye cinecine Lesa eko aba, ciwa nao eko aba; ngafintu fye icinecine u Muulu eko waba, kumbo nako eko kwaba. Ifya ku londolola naficila pa fintu tungelenganya. Umutumwa Paulo asosele ukuti, “Ifyo ilinso talyafimwene, no kutwi takwafyumfwile, na mu mutima wa muntunse ta fyaimininemo, fyonse ifyo Lesa apekanishisha aba mutemwa.” (I Abena Kor. 2:9)

Amano yesu tekuti yomfwikishe ubukalamba bwa Muulu fintu bukaba, kabili tekuti yeshibe amalanda ya kumbo. Yesu atwebele ukuti kumbo kwalibipe cakuti kuti cawamapo ngacakuti twaputwile iciputulwa ca mubili wesu ukucila ukuya kuli ilya ncende yabipisha.

Kabili ukuboko kobe nga kwakulengo kuipununa, kuputuleko: cisuma kuli iwe ukwingila mu mweo uwa makunkutu, ukucila ukuya kumbo, ku mulilo uushingashimiwa: (Marko 9:43)

Eico nani akaya ku Muulu? Kabili nani akaya kumbo? Lyene litontonkanyo lya bulanda, lelo Yesu atile ukuti abantu abengi ta bakapokelele icilambu cintu Wene ali uwaiteyanya uku pela: Ingileni pa mpongolo ya kamfyemfye: pa kuti impongolo yasalala, kabili inshila yapabuka, iitwala ku boni, kabili bengi abengilako: Lelo inshila iitwala ku mweo, yakamfyemfye, kabili yalifyenenkana, kabili banono abaisanga. (Mat 7:13-14)

Yesu nao atile, “Te onse uutila kuli ine, Shikulu, Shikulu, akengila mu bufumu bwa ku muulu iyoo; kano uucite cifwaya Tata wa mu muulu. Abengi muli bulya bushiku bakatila kuli ine, Shikulu, Shikulu, bushe tatwaseseme mwi shina lyenu? bushe tatwafumishe ifiwa mwi shina lyenu? bushe tatwacitile ifya maka ifingi mwi shina lyenu? Kabili elyo nkasosa kuli bene, nkatila Ine sha mwishiba: fumeni apa, mwe bacita amampulu.” (Mat 7:21-23)

Pantu fye umuntu aitunga ubwina Kristu tacipilibula ukuti wene ali pusushiwa. Eico, ili elipusho lili mu matontonkanyo yesu: Bushe kuti Ine napokelela shani u Mweo wa Muyayaya? Yesu a tupele ubwasuko ubwa anguka nganshi: Ndemweba, cine, cine, Uuleumfwe cebo candi, no kutetekela uwantumine, aba no mweo wa muyayaya, kabili tesa mu bupingushi; lelo nafuma mu mfwa naingila mu mweo. (Yohane 5:24)

Iceshamo, kuli abantu abanono mwi sonde ilelo abali abafwaisha uku sendako inshita ku nshiku shabo isha pamfya ku kumfwa i Cebo cakwa Lesa. Kabili kuli na bacepelako a benga cetekela i Cebo ilyo bene ba cumfwa.

Inkuta shitweba ukuba umuntu musuma, tontonkanya mu kushininkisha, wila bepa, ukukanaba uwacetekelwa, nangu ukwiba, ninshi ifwe tukaya ku Muulu. Bene ta baishiba ukuti kumbo ku kesula abantu aba moneka ukwikala ubumi busuma. I cishinka cakuti ifwe tatwakaye ku Muulu pamulandu wa micitile yesu iisuma nangu pantu tuli ba membala wa lukuta lumo. Kwaba fye inshila imo ukuya ku Mweo wa Muyayaya, neyo ukupitila muli Yesu Kristu. Wene a tusambilishe ukuti tufwile uku CETEKELA i Cebo Cakwe, icili ni Baibele. Nga teifyo, kuti twapusushiwa shani?

Ilyo ubushiku bwa bupingushi bukesa kuli iwe, bushe ukomfwa, “Isa, we wapalwa uwakwa Tata, pyana ubufumu bwa teyanishiwe iwe ukufuma ku mufula we sonde,” (Mat 25:34) atemwa ukomfwa, “Fumeni pano, mwe batipwa, kabiyeni ku mulilo wa muyayaya, uwateyanishiwa kaseebanya na bamalaika bakwe”? (Mat 25:41)

Ilyo amenso yenu yale soma pa mashiwi aya, imwe namukwata ukusala: Bushe muli noku sala uku cetekela i Cebo cakwa Lesa?

Ifyakuloshako

Yobo 14:12-16

Efyo umuntu asendama, no kwima iyo: imyulu ikasuke aibulapo, tabakashibuke iyo, nangu kubuuka mu tulo twabo.

Iye nga mwambika mwansungila kumbo, nga mwambelamika, kukasuke akupito bukali bwenu, nga mwambikile cipope, no kunjibukisha!

Umuntu uwafwa, nga engaba no mweo nakabili? ninshi inshiku shonse sha kulwa kwandi kuti Nalinda, kukasuke akwiso kupepemuka kwandi.

Nga mwaita, na Ine nayasuka: nga mwafuluke cacitwa ku minwe yenu.

Pantu nomba amatampulo yandi mulapenda: no kukanacililo lubembu lwandi?

Yobo 19:23-26

Iye nga fyalembwe fyebo fyandi! iye nga fyalembwamo mwi buku!

Nga fyalembwa pa mutofwe ku kalembelo ka cela ukucekwa mu cilibwe icasansuka ifya kwikalila pe!

Lelo Ine naishibo kuti u wa kundubula ali no mweo, kabili akema ku ntanshi pa lukungu:

Kabili ilyo yakuntwe nkanda yandi iyi, nafuma na mu mubili wandi, elyo Nkamona Lesa:

Mateo 7:21-23

Te onse uutila kuli ine, Shikulu, Shikulu, akengila mu bufumu bwaku muulu iyo; kano uucite cifwaya Tata wa mu muulu.

Abengi muli bulya bushiku bakatila kuli ine, Shikulu, Shikulu, bushe tatwaseseme mwi shina lyenu? bushe tatwafumishe ifiwa mwi shina lyenu? bushe tatwacitile ifya maka ifingi mwi shina lyenu?

Kabili elyo Nkasosa kuli bene nkatila, Nshamwishiba nakalya: fumeni apa, mwe bacita amampulu.

Mateo 22:14

Pantu abaitwa bengi, lelo abasalwa banono.

Yohane 3:16-17

Pantu Lesa atemenwe aba pano isonde, ukutemwa kwa kuti apeele Umwana wakwe uwafyalwa eka, ukuti onse uumutetekela eonaika, lelo abeno mweo wa muyayaya.

Pantu Lesa tatumine Umwana wakwe ese pano isonde ku kupingula abapano isonde; lelo ukuti aba pano isonde bapusukile muli wene.

Yohane 5:24

Icine, cine, Ndemweba nati, Uuleumfwe cebo candi, no kutetekela uwantumine, aba no mweo wa muyayaya, kabili tesa mubupingushi; lelo nafuma mumfwa naingila mu mweo.

I Abena Korinti 2:9

Lelo filya calembwa aciti, Ifyo ilinso talyafimwene, no kutwi takwafyumfwile, na mu mutima wa muntunse tafyaiminemo, fyonse ifyo Lesa apekanishisha abamutemwa.

I Abena Tesalonika 4:13-18

Lelo mwe bamunyinefwe, tatulefwaya imwe ukukanishiba, ulwa balaala utwa mfwa, ukuti mwiba na bulanda, filya baba nabambi abashaba na ku cetekela.

Pantu nga twatetekela ukuti Yesu alifwile kabili alibuukile, ifyo fine na balalila muli Yesu Lesa akabaletela pamo na nkwe.

Pantu tulemwebela ici mu cebo cakwa Shikulu, ica kuti ifwe fwe bamweo, fwe bashalapo ukufika ku kwisa kwakwa Shikulu, tatwakatangilile abalaala nakalya.

Ico Shikulu umwine akeka mumuulu no kubilikisha kukalamba, kwi shiwi lya mfumu-malaika kabili ku ntandala ya kwa Lesa: na bafwila muli Kristu bakabalilapo ukubuka:

Elyo ifwe fwe ba mweo fwe bashalapo tukolwilwa na bo capamo mu makumbi ku kukumanya Shikulu mu lwelele: kabili efyo tukaba pe pamo na Shikulu.

E ico koseleshanyeni muli ifi fyebo.